北區B1A升中, 可以分享D意見給我嗎?

gigi1227

B1A 學生, 中文較弱, 運動一般, 中意數科技個邊
我地的心態係, 入到B1校當然好, 但真係唔好運氣B2校, 都應該應付自如


睇過北區, 資料有錯請告知, 謝謝

B1 - 鄧顯, 甲, 李嘉誠, 田家炳, 陳融
有英文班中中: 風采, 馬明, 廖萬石

B1個五間, 係咪, 李嘉誠, 陳融第二志願上年都有機會?

今年我地係小學返回機制個年, 升中人數應好多, B1位應該唔夠


因為中文較弱, 想睇下自二係咪出沙田大埔試下B1B校,

暫時想跨區的想法係想入到英中,  B1B沙田校應該都唔後悔


自一心儀甲

直資學校開始留意, 但未有方向, 有無邊間可以提議下?  


我地到時報名可唔可以大約估算欠幾多B1位?
因睇好多資料, 學校好多乙三多數保守, 唔再揀B1校, 諗緊係咪應該試下碌埋大補B1借位先落B2

先多謝各位意見!

hinhei

gigi1227 發表於 18-12-7 10:14
終於確認左B1A,
但如果跨出沙田或九龍,
北區B1A成績會差幾多?

崇呂曾要睇你b1a 前唔前了！
呢三間正正係沙田最強個三間呢！
津校會睇晒所報學生呈一二排名！

北區小學應同沙田差少少，唔多.....除非你係邊緣人先有影響！

gigi1227

終於確認左B1A,
但如果跨出沙田或九龍,
北區B1A成績會差幾多?

直資會滙基東九龍, 呢刻仲有邊間可以去報?
津中就考慮緊北區鄧甲田, 沙田沙崇沙呂曾,

伊中係咪都可以?
沙呂曾過左簡介會, 沙崇黎緊會去簡介會聽下....

asweetmom

gigi1227 發表於 18-12-5 13:20
我的理解雖然學校有做得唔好的地方, 但我偏向認為家長方面責任較大, 睇埋小朋友的信,

已經感覺到佢家人俾 ...

沒想到你這麼理智

gigi1227

asweetmom 發表於 18-12-5 00:22
又不是第一次學生自殺，教育局和學校都有相關指引如何處理，切莫被報導誤導了。
...

我的理解雖然學校有做得唔好的地方, 但我偏向認為家長方面責任較大, 睇埋小朋友的信,

已經感覺到佢家人俾唔到關愛和支持佢,


講真, 我覺得每間學校叻的聽話有表現的同學事實會俾老師關心多D, 當改變唔到的野,


家人就係最後的支持了,

洋蔥頭媽咪

gigi1227 發表於 18-12-4 08:33
甲寅年原來有呢單野, 感覺校方都有不妥的地方, 小朋友去求, 情緒應該唔穏定, 訓導主任指責完又知道事態危險 ...

報道提到死者初中成績優良，但中四分班後成绩下滑给老師忽視，好明顯呢間嘅老師真係麻麻地，唔太關愛學生。

18-12-5 00:55 上傳

下載附件 (102.96 KB)

18-12-5 00:55 上傳

下載附件 (74.17 KB)

asweetmom

gigi1227 發表於 18-12-4 08:33
甲寅年原來有呢單野, 感覺校方都有不妥的地方, 小朋友去求, 情緒應該唔穏定, 訓導主任指責完又知道事態危險 ...

又不是第一次學生自殺，教育局和學校都有相關指引如何處理，切莫被報導誤導了。

喜洋洋

回覆 gigi1227 的帖子

我都有留意緊李嘉誠, 我估計坊間都估緊李嘉誠係B1C,問過學校, 都話自行唔好揀李嘉誠, 話banding 跌緊.
叫我地試沙田B1B 中學.
利申︰仔仔band 1b

gigi1227

甲寅年原來有呢單野, 感覺校方都有不妥的地方, 小朋友去求, 情緒應該唔穏定, 訓導主任指責完又知道事態危險, 最不理解點解校長第二日先知, 其實當老師通報呢件事俾副校知, 應該能即時通知校長, 其實係咪怕無向高層請示, 所以怕去到醫院唔識處理, 怕有問題上身呢?



GOOGLE 布志強老師就有不同報章的報導


轉發明報-中四男生接老師來電後墮樓亡　最後遺言：求求你放過我


16歲中學生去年測驗前一日翹課，同夜被發現在天水圍洪福邨墮樓身亡。死因庭今日傳召死者就讀學校的訓導老師作供，老師承認案發後曾接到醫院電話要求他到場協助，惟他則以「學校沒有指引」及自謂「不懂安慰人」而沒有到院協助。

                                                                                                相關報道：中四生疑學業壓力墮樓亡　訓導老師揭翹課稱要「記大過」　曾通電央求「放過我」
案發時任東華三院甲寅年總理中學中四級訓導老師的布志強（52歲）作供稱，他自1993年入職該學校，現仍任經濟科及總務組老師。布志強認識死者梁卓銘（終年16歲），指案發時梁就讀中四，成績平平，不過經常欠交功課及曾連續數日沒上學，但沒察覺梁卓銘在情緒或人際上有問題。
布志強憶述，案發當日（2017年3月21日）約下午2時接獲校務處通知，指梁卓銘午膳後沒有返回學校上課，亦聯絡不上其家長。他馬上致電梁卓銘，梁卓銘自稱午膳時曾到校務處辦早退手續，惟校務處書記否認，布志強則籲梁卓銘通知家長處理。
直到晚上8時許，布志強見梁卓銘家長尚未有回應，故主動致電梁母，及向她講述梁卓銘翹課一事。梁母稱，兒子告訴她當日下午測驗沒有課便早點回家，惟布志強則澄清指翌日才是測驗，梁卓銘是在說謊。不久後布志強再度致電梁母，在通話中指責梁卓銘逃課，說可能會記大過，籲梁卓銘向母親坦白，亦同意梁卓銘曾央求「放過他」。
布志強稍後再接到梁母電話，得悉梁卓銘沒攜鑰匙手機便出外，布志強認為事態危險，着梁母報警。然而過了數十分鐘，梁母再度致電布志強，布志強稱只聽到她在哭，聲線含糊，隱約有描述「跳樓」一詞。
布志強續稱，天水圍警署的警察後來致電他，講述梁卓銘墮樓一事，布志強立刻通知學校訓導主任及副校長。其後屯門醫院的護士亦有致電布志強，指梁母哭成淚人不能補充資料，着布志強到醫院幫忙。另一邊廂學校副校長卻籲布志強不要到場，認為不適合；而布志強亦自謂「不懂安慰人」，結果他當晚以「學校沒有指引」為由沒有到醫院協助。
直到翌日清晨7時許，學校校長才得悉事件，布志強則指因沒有校長手機號碼，才遲了通知校長。
死因裁判官詢問布志強，一般而言學生出事後由甚麼老師負責，布則稱按「慣常做法」，開會討論、轉介社工、尋找家長及要求班主任介入等，若事態嚴重便會報警處理。
死因研訊主任則問布志強有否曾接受輔導訓練，布志強坦言沒有，指校方除了定期辦教師發展日外，再沒有給予相關指引。研訊明續。

gigi1227

nillnill 發表於 18-11-22 18:51
李嘉誠好像不是B1A，未必合樓主口味。
題外話：風采好像都未有消息

雖然每間級別不同, 但我都想去每間睇下, 但李嘉誠同鄧顯撞左, 但都會過北區聯展到了解下

風采有啦, 2.12

gigi1227

思思baby 發表於 18-11-22 17:59
回覆 gigi1227 的帖子

李嘉誠係12月15日早上開放日呀

THANKS, 收到學校資料了, 不過同鄧顯撞期

nillnill

思思baby 發表於 18-11-22 17:59
回覆 gigi1227 的帖子

李嘉誠係12月15日早上開放日呀

李嘉誠好像不是B1A，未必合樓主口味。
題外話：風采好像都未有消息

思思baby

回覆 gigi1227 的帖子

李嘉誠係12月15日早上開放日呀

gigi1227

考完呈二, 對卷中, 暫時順利, 等待結果就要選擇了

北區的話, 應該鄧甲田

李嘉誠大家的評價要如何, 我今日去網頁都仲未見有家長簡介會

hinhei

nillnill 發表於 18-11-16 18:01
非常感激你的分享👏👏👏👏🙏🙏🙏去年小四參觀過田中， ...

本帖最後由 hinhei 於 18-11-16 21:37 編輯

田中首輪1C應該無機會，除非面試及其他有突出表現！

田中係一間好學校！

nillnill

hbsbb 發表於 18-11-16 17:35
田中2018 DSE成績79.1%學生考到33222，76.9%有JUPAS offer，其中73.1%入讀學士課程，我都唔肯定係咪算1B。 ...

非常感激你的分享👏👏👏👏🙏🙏🙏去年小四參觀過田中，聽阮校長口氣，所以驚1C連機會都無。
上次參觀，遇到同校小朋友格外興奮，所以只顧玩都未有機會認真了解。
人口上升，小朋友興趣近一兩年都有轉，以前成日玩學校的3D打印、IT，今年反而專注於讀歷史。
另外就喜歡運動，每星期都玩三四樣。
所以真係要考慮清楚

hbsbb

nillnill 發表於 18-11-16 16:32
請教一下：
小朋友在粉嶺讀緊小五。（未考呈分，暫時全級十零）
田中是否屬於1B?1C是否無機會？

田中2018 DSE成績79.1%學生考到33222，76.9%有JUPAS offer，其中73.1%入讀學士課程，我都唔肯定係咪算1B。個人認為，咁既成績算唔錯喇，加上除左成績，校風同師資都好重要，學校既學生普遍都幾乖，大部分老師都有教學熱誠。自行1C就唔知得唔得喇，我仔都係扣門入，不過去到大抽獎，ABC都係一齊抽咖啦！

鄧甲田係全英中，馬唔係，我估英文水評都可能有差別，但我冇睇過佢地既英文教材都唔敢講。


其實我覺得啱我仔讀，部分係因為佢好鍾意電腦科技，學校對呢方面都幾注重，D&T堂有啲學校係學煮野食同木工，田中就學寫程式，砌機械人同3D打印，興趣班又有資訊科技讀，所以我仔都讀得幾開心。

nillnill

hbsbb 發表於 18-11-16 15:49
路過分享吓! 2年前小兒讀北區算受歡迎小學B1A成績，呈二時考全級第二。當時自行只選一間鄧，諗住搏埋抽獎。 ...

請教一下：
小朋友在粉嶺二線小學讀緊小五。（未考呈分，暫時全級十零）
田中是否屬於1B?1C是否無機會？
聽說北區中學的英語水平都分兩邊，鄧、甲、田一邊，去到馬明已經會淺些是嗎？

hbsbb

路過分享吓! 2年前小兒讀北區算受歡迎小學B1A成績，呈二時考全級第二。當時自行只選一間鄧，諗住搏埋抽獎。抽獎時揀乙一鄧，乙二陳，只因為陳放乙二都有機會作為保險，最終派左陳。之後去扣鄧同田，田收左。我覺得好感恩，因為田係一間好好既學校，好啱我仔讀，可能比鄧更適合佢。希望大家都入到心儀既中學

nillnill

tina_yauyt 發表於 18-11-14 14:03
剛剛路過，利申小兒住北區，早喺小學時已跨區沙田，現時小五！見大家都有提及沙田中學，提提大家，今年坊間 ...

無論是否山埃
多謝消息分享🙏🙏始終好多人都有意轉返出沙田