完美主義

mandy_ng207

唔知有無問錯地方，如有請見諒...
我同老公都係完美主義者，個仔正路應該遺傳左
佢今年4歲，最近在一次足球班發現佢對「成功」嘅執著...
因為佢剛升班，仲未識同其他同學鬥波，試左幾次都射唔入龍門，跟住就眼濕濕衝埋我度，我知佢嬲自己做唔到...
我同老公講，佢話個仔對自己有要求係好事，其實我都同意的（因我自己都係咁）
但係為左入唔到波咁小事而喊又好似誇張左少少
其實你地點睇有完美主義嘅小朋友？係好事定壞事？
歡迎分享，先謝各位指教～

mandy_ng207

回覆 sillydad 的帖子

老實，這種性格是天生的，我老公和兒子都是不願冒險的人，逼也逼不來。

mandy_ng207

多謝大家的真心分享！
我的工作是需要十分謹慎，所以在家也容易有此惡習。
我們從沒有逼兒子或打算操控他，他踢不入龍門我都是立即安慰他，解釋給他知是他的能力所限未能做到，不是沒有努力。可是他卻要求留堂練習！我真的不知應否高興...
我自己都覺得平衡一點的生活是較好。所以即使老公不支持，我也希望讓兒子知道失敗是必然會發生的，要學習面對，懂得從失敗中學習，提升自己才是最重要。
坦白講，我不夠我老公般完美主義，所以工作上仍有不足，不過壓力就沒他那麼大，人亦較樂觀。至於兒子，可能他有自己的路，我的角色就是在旁幫助他就好...

sillydad

mandy_ng207 發表於 18-7-26 11:52
唔知有無問錯地方，如有請見諒...
我同老公都係完美主義者，個仔正路應該遺傳左
佢今年4歲，最近在一次足球 ...

在乎結果是否完美會否限制了他的體驗和發展?

bosch

有完美主義係壞事. 我同老公都有少少係咁, 唔算要求高果種人.

你同你老公既然都係完美主義者, 都應該知有咩好處壞處.  或者你地未試過踫釘? 又可能你地係主張完美同時又係樂觀/有耐性既人?

完美主義有時係絆腳石,  講得直接d 咪又係固執性格, over 左既話會長期影響身心,搞到健康都出現問題, 我講緊唔係短期胃痛果d 小病痛.  

我自知我既問題所在, 所以我迫自己降低要求, 做人輕鬆d.  對住個仔, 我會製造機會要個仔失敗, 習慣唔係人人都要聽佢支笛, 佢要接受失敗, 要習慣去再嘗試, 另外我都要佢識得為自己減壓, 好彩現時佢冇話有壓力, 因為佢覺得乜都好容易.  

響我既眼中, 完美既人唔係達到目標就叫完美, 係多元發展下仍然能夠面面俱圓至叫完美.

醫生俾我既忠告係唔好要求太高, 咁反而更易失敗 降低要求少少, 扎好根基至再上, 咁至會更好.

另外你要留意你個女真係有咁既性格, 定係為左要取悅你地或老師教練一干人等而迫自己去達到一d 目標.  如果係後者, 佢好易受人操控, 冇自己既主見和思想,  亦未見得係好事.

mandy_ng207

回覆 scgift 的帖子

你嘅分享好有用！我會試下先，謝謝！

scgift

我個女(就來5歲)對自己都好有要求，有時做啲野做唔到會唔開心。每次遇到咁既情況，我會先展現我既同理心，俾佢知道媽咪明白佢因為咩事而唔開心。之後就同佢講"你只係暫時做得未夠好。因為你仲細(解釋有啲事情涉及手肌/其他年齡所限既原因)/初學所以做得冇咁好。只要稍加練習既話，我相信你一定會有進步既!" 每次我講完後，佢又會變返龍精虎猛咁去繼續試慢慢，佢keep住永不放棄既精神，而且識得鼓勵自己努力練習。需要我出口鼓勵既情況漸漸變少(咁我就改為讚佢努力唔放棄)

所以個人認為完美主義係唔係好事，重點係小朋能否樂觀積極面對失敗。