40校網，想問下

淘寶

聖多馬小學有20分

請問大家會唔會博自行協和或荔天

係大抽獎第一，二志願填協和，荔天，第三填聖多馬

放棄聖多馬，博呢兩間學校博唔博得過呢？

有妹妹會跟尾。

AndrewHo_FB

今年長沙灣協和 25分全收. 20分的, 約有 10% 機會.

cherrieshum

淘寶 發表於 18-6-27 11:28
聖多馬小學有20分

請問大家會唔會博自行協和或荔天

我不會選聖多瑪，太邨屋學校，升 band 1 又不高。

淘寶

worldcat 發表於 18-6-28 10:40
係機制下，係只有乙部花多啲心思，所以多人討論。
自行(50%)=學校係計分收生，學生只可報一間，所以無乜野 ...

嘩，咁真係要研究下，好驚揀錯咗。

worldcat

1130 發表於 18-6-28 10:12
唔好意思，我對葵青區無咩研究，請問葵青區中學有邊d係 band 1?

https://www.schooland.hk/ss/
可以Sorting 下，對囡囡嚟講 唔信足佢十間都八九間。

又提一提。
出面一般網站Branding係計傳聞中嘅pre s1成績。可以講係中一嘅branding.

Ek 神人數據皇嘅資料係參考升u數據，所以係中六嘅branding。

兩種唔同計法，但都有好大嘅參考價值。

worldcat

淘寶 發表於 18-6-28 09:15
即係乙部係最緊要，請問係唔係派晒乙一，先到乙二? 即係乙一係要揀最最心儀個間，乙二，三係揀無咁出名無 ...

係機制下，係只有乙部花多啲心思，所以多人討論。
自行(50%)=學校係計分收生，學生只可報一間，所以無乜野好諗。甲部(5%)=全港學生參加，無分地區。所以一線學校可能係幾十至幾百人爭一個位因為一般等同自行嘅申請人數。神校/一線學校真係好細機會，但再細都係機會嚟。但千其唔好亂填甲二甲三，好嘅學校基本無份但一陣填左二三線入左就等於放棄乙部機會。
乙部(45%)=本區學生申請。乙一就一定係心儀小學。乙二三正常會擺啲少啲人揀嘅二線，乙四就搵間二尾三頭做保險。部份家長乙一二三都會填一熱，其中部份係想叩門時好睇啲同博當届其他家長都唔揀佢所選嘅乙二三學校做乙一，再有一部份係無理解遊戲規則。

因為一間再少人揀嘅二線，其他人揀做乙二三，淨底俾乙四甚至乙五嘅機會真係好細好細，所以好多時講乙二三俾乙一更重要。

1130

worldcat 發表於 18-6-28 09:59
囡b1係40唔差，係輸蝕在得一間b1a女校同無乜b2a學校保底。葵青傳統多b1位, 所以不論男女都係有著數。港島區 ...

唔好意思，我對葵青區無咩研究，請問葵青區中學有邊d係 band 1?

worldcat

淘寶 發表於 18-6-28 09:23
我屋企人話我好彩兩個係女

但有得揀，佢地建議我去中西區讀小學，中西區更多好學校

囡b1係40唔差，係輸蝕在得一間b1a女校同無乜b2a學校保底。葵青傳統多b1位, 所以不論男女都係有著數。港島區就整體多b1學校，但邊區利囡就無研究。

0030

回覆 淘寶 的帖子

我自己都系心儀協和，但我系在職媽咪，自知懶得跟功課/溫書等～，所以聽從我先生的意見報聖多馬，他想小朋友開心輕鬆的讀書～最主要系身體健康就好～

淘寶

worldcat 發表於 18-6-28 01:11
係，40男仔升中唔著數，但又未算勁差。附近計，油尖旺同葵青都會好啲。有能力可以小四五搬一搬。
...

  我屋企人話我好彩兩個係女

但有得揀，佢地建議我去中西區讀小學，中西區更多好學校

淘寶

worldcat 發表於 18-6-28 01:08
開始做下功課先，第一樣明白係乜玩法。開放日可以年尾開始留意，學校一般係報自行前三星期左右開始會搞。見 ...

即係乙部係最緊要，請問係唔係派晒乙一，先到乙二? 即係乙一係要揀最最心儀個間，乙二，三係揀無咁出名無咁多人揀個啲?

請問甲部如果揀誇區，例如，有人填甲部揀荔天，咁咪會派埋比佢囉？ 競爭都好大喎，定係甲部多數都係抽唔到比較出名嘅學校，如果我睇完啲資料無理解錯，應該係派晒比本區先比誇區。

真係多謝師兄/姐 弟/妹解答

淘寶

Felix223 發表於 18-6-27 22:25
你趁有時間，首先要爬下小一選校置頂的帖，咁你會有個概念先！之後去理解小一自行丶統一派位如何運作。
咁 ...

一定會，尋晚都開始睇了

有啲慨念，但要明白晒個玩法，都要再了解下，同睇下前人嘅post先

worldcat

1130 發表於 18-6-27 22:32
請問你囝囝係讀40區嗎？因為我諗緊男仔讀40區好唔好

係，40男仔升中唔著數，但又未算勁差。附近計，油尖旺同葵青都會好啲。有能力可以小四五搬一搬。

worldcat

淘寶 發表於 18-6-27 21:10
我小朋友今年9月K1，我諗住係呢兩年睇下小學嘅開放日先

但啲於點揀小學，點填表，真係0知識，好驚做錯決 ...

開始做下功課先，第一樣明白係乜玩法。開放日可以年尾開始留意，學校一般係報自行前三星期左右開始會搞。見係師妹/弟(我估我大啲啩)，講多少少。
1 - 自行計分所選學校
1 - 抽獎甲部首選，揀稱甲一。(全港不限地區,位少。)
1 - 抽奬乙部首選，㨂稱乙一。(限住址本區。)

假設你讀返本區，一間心儀嘅本區學校應該係三個部分都係首選。咁各界簡稱111， 如果你揀一間跨區學校做首選，咁最多只能110。

最講技巧/運氣係填乙二乙三乙四。乙一係最心儀學校，基本上到報名時已有心水目標。但你揀乙二三四就要揀啲仲有機會入嘅。一間乙一都唔夠分嘅小學，唔會因為你好彩而俾你乙二入到。好似你講果幾間，其實只可揀其中一間，其他無乜可能乙二有位。除咗諗首選，之後就要諗二三四志願。

多馬學術唔算好，但happy school都有一定客路，加上新校地點好同細校，所以都係供不應求。

同時要初步明白升中玩法，每間小學都有唔同升band1嘅佔有率，亦都係多數人定義一間小學一二線嘅標準。當然呢個只係一個指標，主要學校係適合小朋友先得。

我大仔跟住升小二，細佬同你囡囡一樣升k1。
暫時都仲有時間，慢慢瞭解下每間學校特色同升中情況先。之後再排再揀。

1130

worldcat 發表於 18-6-27 14:44
多馬開放日自己觀察瞭解下，係咪自己想要嘅。
自己係舊生20分，但上年無揀到。因為自己大仔有小聰明但懶， ...

請問你囝囝係讀40區嗎？因為我諗緊男仔讀40區好唔好

Felix223

淘寶 發表於 18-6-27 21:10
我小朋友今年9月K1，我諗住係呢兩年睇下小學嘅開放日先

但啲於點揀小學，點填表，真係0知識，好驚做錯決 ...

你趁有時間，首先要爬下小一選校置頂的帖，咁你會有個概念先！之後去理解小一自行丶統一派位如何運作。
咁爬下D文你應該會容易d明白首先自己想要咩學校。

Mrs.Luckycat

淘寶 發表於 18-6-27 20:57
抱歉，弱弱一問，請問咩係000呀？

如果一間小學，你在自行、甲一及乙一都沒有選這校，便是000。

alanlai117

淘寶 發表於 18-6-27 21:10
我小朋友今年9月K1，我諗住係呢兩年睇下小學嘅開放日先

但啲於點揀小學，點填表，真係0知識，好驚做錯決 ...

去多幾間開放日了解下

alanlai117

淘寶 發表於 18-6-27 20:57
抱歉，弱弱一問，請問咩係000呀？

無揀過

淘寶

worldcat 發表於 18-6-27 14:44
多馬開放日自己觀察瞭解下，係咪自己想要嘅。
自己係舊生20分，但上年無揀到。因為自己大仔有小聰明但懶， ...

我小朋友今年9月K1，我諗住係呢兩年睇下小學嘅開放日先

但啲於點揀小學，點填表，真係0知識，好驚做錯決定同填錯咗。 一有個萬一，入咗寶校，真係會覺得害咗個女。

今日同朋友傾開，佢話聖多馬唔多人揀，話可以博下荔天同協和，但呢兩間都係熱門嘅學校，我自己諗真係博得過嗎？ 萬一唔得，都唔知點算