分享囡轉校後的改變

小寶貝兒

尋日, 我同老公傾計, 我女係旁邊聽下, 佢忽然好認真咁話:"學習, 並唔係只係學校裡面, 書本裡面學, 讀完書, 都應該繼續學習, 無論係煮飯又好, 湊仔又好, 都係要繼續學習!" (以上係大約意思)
當時, 我同老公真係好感動, 因為我地其實最想囡學到既, 就係呢重自主學習, lifelong learner既精神! 我地冇諗過, 只係轉左校幾個月, 佢就已經學識(或者講接受呢個觀念, 願意去實踐)

係決定轉校後, 直到前一陣子, 我都好討厭囡舊校既小二班主任, 係佢, 令到囡由一個對任何事物充滿好奇心既小朋友, 一個半月之內變成一舊木(因班主任要求在學校裡面時唔郁唔出聲唔發問)! 佢對囡做既野, 搵校長傾過, 冇用, 投訴佢, 亦冇用, 我唯有立定決心, 遠一遠都要轉校! (舊校5分鐘步行距離, 新校1-1.5小時車程) 當我收到新校打電話比我, 話收我女插班時, 我係立即忍唔住喊, 足足喊左半小時! 其實我壓力都好大, 就快爆煲!
而家, 我要多謝佢, 多謝佢對我囡咁harsh, 亦從不掩飾佢對我女既一切行為, 甚至係我面前都一樣恐嚇我囡, 令我早早下定決心轉校, 如果唔係, 而家囡又點可以快樂又主動地享受學習?

其實, 我同老公的教育理念一直在調整中, 以前會覺得梗係最好入名校啦(覺得名校一定好, 同埋始終有D虛榮心丫麻), 之後慢慢發現囡既性格, 係就算入到名校, 就算受谷, 谷得起都唔會開心, 我地開始去思考究竟我地想要個囡如何成長? 抽絲剝繭, 睇好多前輩所言, 研究不同的教學法(真係做女讀書果陣都冇咁神心!) 中間同老公都有好多爭拗, 一直努力協調, 調整大家對教育的睇法, 中間囡又轉過幾次校, 體驗過不同的教育法, (之前成日覺得要搵學校好煩, 而家覺得咁早了解多D, 其實係好事!) 而家覺得, IB真係最岩囡, 或許佢將來未必會考到好高分, 但中間呢十幾年既學習, 所得著既, 我覺得會比考得高分入到名牌大學更重要! 至少佢現在已經學到終身學習呢樣野, 夠佢用一世了!

小寶貝兒

SaiKungC9 發表於 18-8-6 12:19
恭喜樓主, 你好好, 不吝惜分享, 加油呀

謝謝!! 就快開學了, 我同囡囡都好期待G2的來臨~~

小寶貝兒

mukmuk 發表於 18-8-4 13:41
我的囡囡都會轉校升3年級。。 而家擔中佢去到單性學校不知能否適應。 跟同學相處如何。 又怕佢活躍的性格於 ...

我細個都讀女校中學, 其實不難適應, 女校其實更多活潑的女仔, 各種性格都能找到自己定位, 唔係好似男女校咁, D人會expect你係一個女仔, 就要文靜之類~

pattoby

有錢當然好, 可以話轉就轉. 考IB既學校(大多國際學校), 學費唔係一般人可以比到呢!  一般既平民, 就只可以在厘個填鴨式教育之下, 委曲求全.

SaiKungC9

恭喜樓主, 你好好, 不吝惜分享, 加油呀

kanhan

mukmuk 發表於 18-8-4 13:41
我的囡囡都會轉校升3年級。。 而家擔中佢去到單性學校不知能否適應。 跟同學相處如何。 又怕佢活躍的性格於 ...

點解又轉校既？

mukmuk

我的囡囡都會轉校升3年級。。 而家擔中佢去到單性學校不知能否適應。 跟同學相處如何。 又怕佢活躍的性格於女校能否接納。。 一片擔憂中

kanhan

明白，最緊要現在小朋友找到了合適學校，
恭喜小女兒，開心上學。

小寶貝兒

kanhan 發表於 18-7-15 09:07
請問舊校點解咁快換校長？
係咪今年9月轉？
剛開校先第3年？

係今年9月轉呀~點解轉, 官方解釋係校長resign
來緊9月第3年

舊校除左我女的小二班主任之外, 好多老師都好有heart, 學術正常程度, 英文語境我覺得唔夠, 但亦有同學仔家長話佢地仔女入左來有比較大既進步
我自己覺得學校冇好好利用個咁大既操場, 地方咁大唔洗困住D細路小息只可以係HALL同羽毛球場玩, 因為呢2度夾埋都係細, 唔夠地方比小朋友跑跑跳跳, 所以佢地係禁止小朋友小息時跑來跑去, 而個大操場就荒廢左咁!

kanhan

請問舊校點解咁快換校長？
係咪今年9月轉？
剛開校先第3年？
可否講多少少舊校

海賊王粉絲

康晴比比 發表於 18-6-28 00:16
本帖最後由 康晴比比 於 18-6-28 00:22 編輯

其實IB 何謂敎得深和淺。學校是教學生如何取得知識的方法 ...

哦

我比較緊張升中搵學校

teddy210ay

小寶貝兒 發表於 18-6-12 13:13
尋日, 我同老公傾計, 我女係旁邊聽下, 佢忽然好認真咁話:"學習, 並唔係只係學校裡面, 書本裡面學, 讀完書,  ...

我囡case  同你囡差唔多，由十分鐘行路程轉去要轉兩程巴士用1小時返學的學校，但是她每天也比我早起又嚷著話要快D番學！

康晴比比

海賊王粉絲 發表於 18-6-19 00:32
PLK 課程比較同級其他IS真係淺左好多， 我都曾經有offer 有考慮入， 但真係要顧及埋升中搵IS中學同其他IS及 ...

其實IB 何謂敎得深和淺。學校是教學生如何取得知識的方法而不是將知識灌給學生。如果學生想學多啲佢會research 深啲。舉例，我小朋友Y2 學History 是每人自選一樣嘢去research .如電話。由第一個電話的發明到現在的iPhone , research 完做一條timeline. 而不是傳統學校的要被動地死背課文內的18xx年誰人發明第一部電話．．．．然後去考試⋯⋯

而且老師會按小朋友進度分組，學得快的會敎多啲。所以冇話邊間學校深邊間淺。

康晴比比

小寶貝兒 發表於 18-6-16 00:22
叩門好多時都冇咁快有消息, 我妹上年又係個女派得唔好, 基本上全元朗天水圍稍為好D既都去叩門, 好在最後都 ...

其實IB 小學生課程主要是教學生學習知識的方法，如點research, 點歸納research 到嘅嘢和點同人夾做project. 並不是傳統學校將知識灌比學生。學生想學多D，佢就會驟識多D，所以進度因人而異，有學習動機，學術未必一定比不上啦。

louisrenee

回覆 小寶貝兒 的帖子

請問你轉咗那間學校

海賊王粉絲

小寶貝兒 發表於 18-6-19 23:51
深同淺我真係無辦法去比較, 因為我唔識人讀其他香港的IS, 識一個遠在高雄, 佢係讀美國學校, 但最多就比較下 ...

最緊要小朋友讀得開心家長放心
你女女只係G1, 都唔使咁快諗升中

小寶貝兒

philnmena 發表於 18-6-19 00:59
Plk唔係話遲d會有中學咩？

保良局想, 校長都想, 但係香港區冇岩既地方, 因為中學要更多設施更多地方, 所以只能停左中學呢個計劃

小寶貝兒

海賊王粉絲 發表於 18-6-19 00:32
PLK 課程比較同級其他IS真係淺左好多， 我都曾經有offer 有考慮入， 但真係要顧及埋升中搵IS中學同其他IS及 ...

深同淺我真係無辦法去比較, 因為我唔識人讀其他香港的IS, 識一個遠在高雄, 佢係讀美國學校, 但最多就比較下英文同數學, 所以我都唔知PLK係咪真係好淺(聽過有家長話淺)
每個小朋友都有不同需要, 最緊要搵到適合自己小朋友的學校

小寶貝兒

伍sir 發表於 18-6-17 10:45
教師路過，班主任做得唔好真係好影響小朋友，不過一個班主任唔好唔代表整間學校，現實中，間間學校都有呢類 ...

係呀, 我明白, 所以一直都只係講班主任, 可能我第一篇POST冇寫返, 或者我陣間補充下, 舊校並不是一無是處, 但當時我寫果陣諗返起班主任對阿囡所做既野, 我就好難平靜地寫~
我都希望大家遇到好老師啊~