羽毛球 定 讀書 ?

9284

阿女而家9歲, 好在就讀一條龍小學, 無升中煩惱, 本身學校功課又唔多, 可以比佢平日放學後的時間打下校隊, 又打下羽總青苗, 加埋星期六私鐘, 一星期都打左4日波, 在我黎講, 已經係好極限, 始終學校都有Project, 功課, 默書, 測驗, 星期日要留番做family day. 但係而家漸漸覺得, 再打上去都好似無咩意思, 因為好似獎項又唔係好攞到, 平時又無咩時間可以溫書(用哂黎打波), 成績得過且過, 有陣時靜靜地自己一個人都會唸下究竟阿女條路應該點呢? 再花時間打波, 學業就越來越求其, 但而家的大趨勢始終係讀大學, 要考DSE, 我唔係想阿女做運動員搵食, 但都想佢有一技旁身, 究竟係咪真係要取捨呢?有無過來人可以分享下?

assado

manman333 發表於 18-6-1 21:48
特別是獨生子女, 只一味讀書的話其實生活上是很孤獨, 要知道講起成績大家都會自私起來, 連介紹補習老師都 ...

成績好吾好, 都不是取決於有冇補習老師, 心胸狹窄嘅家長, 小朋友都難成大器。

四隻貓

manman333 發表於 18-6-1 21:48
特別是獨生子女, 只一味讀書的話其實生活上是很孤獨, 要知道講起成績大家都會自私起來, 連介紹補習老師都 ...

真喎, 因為一齊奮鬥一齊面對輸贏, 阿女同運動果班朋友感情係特別深厚.

練習/比賽完會去食下野, 贏左又會一齊慶祝, 我地家長之間都做左好朋友.

9284

睇左好多大家的意見, 其實都相信自己唔會CUT左羽毛球, 網友講得對, 一條心讀書其實唔係個個小朋友都得, 難得我小朋友仲係運動方面特別有天份, 因為我眼見其實而家有D女孩子, 跑兩步又話攰, 曬一陣又話熱, 手手腳腳又了了瘦瘦好似弱不禁風, 我自己就好怕見到呢類細路(個人感受), 阿女SO FAR打波唔係好有成績, 但TOUCHWOOD都好少病痛, 雖然好鐘意食野, 但好在叫做KEEP住有操波做體能, 所以先不至於變成肥妹仔, 而家身材橫橫地, 著衫又幾好睇

況且而家D朋友, 除左同班同學之外, 就係呢班波友, 網友話齋, 如果唔打波, 可能D時間都係留番黎打機睇電視, 自己一個"餅"埋一邊, 咁不如放佢響羽毛球場, 起碼做D叫做有益身心的活動, 又可以同D波友互動下

至於讀書, 其實都會係主力, 時間上再控制一下應該都OK

assado

MrBeast 發表於 18-6-4 10:04
2002年出戰世盃　28歲突退役
「門神」安琦淪小販

讀好書就可多選擇。

MrBeast

2002年出戰世盃　28歲突退役
「門神」安琦淪小販

https://hk.news.appledaily.com/i ... e/20180603/20409453

manman333

四隻貓 發表於 18-5-31 11:27
識唔少玩音樂/體育相當出色, 但最後做左其他專業, 不過見佢地仍會工餘時玩音樂/體育, 所以我都同意你所講,  ...

特別是獨生子女, 只一味讀書的話其實生活上是很孤獨, 要知道講起成績大家都會自私起來, 連介紹補習老師都唔想的 (雖然我有介紹，很傻的:) 所以莫講話會互相過料。
但運動音樂就不同, 特別是團體隊際的項目, 大家講求合作精神, 夾band 都一樣, 友誼也會建立, 練習完又會去食下野。
所以培養運動和音樂興趣, 對生活圈子都會鄺大。  生活才不乏味呢。

Jane1983

asdflive 發表於 18-6-1 16:08
貴先好，等時大個做教練都搵到食嘛！

哈哈，而家咁既起薪點，其實點栽培都係要當消費，唔係投資  

asdflive

Jane1983 發表於 18-5-28 12:48
我個case類似，都係一星期四日，仲有個問題係好貴。

貴先好，等時大個做教練都搵到食嘛！

Jane1983

ABC-DAD 發表於 18-6-1 11:34
年紀小，有天份，其實能做到自得其樂，樂在其中，持續進步就夠了，十一二歲前後做到點成績再決定投入多少或 ...

同意，好多嘢比d時間自自然會有個頭緒。

ABC-DAD

年紀小，有天份，其實能做到自得其樂，樂在其中，持續進步就夠了，十一二歲前後做到點成績再決定投入多少或轉更喜歡的平台 奮鬥也很心安理得吧！

HaYi

運動想有俾人誇的成績 (EK 似乎己升小學生已取至全港性) 我覺得要付出的精力錢時間同專注, 對一個香港現實社會中要而面對好多學業藝術要求的小學生來說真係有點唔正常, 加上如果唔係天生過人優才, 只靠上堂勤力多訓練多私教都幾難成事.  所以樓主如果已投放了大量資源時都唔係得到個想要的成績, 不如將資源分散些, 只keep 一邊的訓練, 當強身當培養, 資源投入開發另一些活動, 無謂等到只靠羽毛球上到中學, 面對強手更難取得異常高的成果.  或者樓主小朋友根本是田徑天才反而上中學可以脫穎而出呢. (想起牛下女都好似轉左專長由田去單車)  而家不強度操羽毛球只是調整目標, 資源重新分配, 不是有好大的opp cost, 所以不用不捨.

skkeung

9284 發表於 18-5-28 11:39
阿女而家9歲, 好在就讀一條龍小學, 無升中煩惱, 本身學校功課又唔多, 可以比佢平日放學後的時間打下校隊,  ...

小朋意願好緊要！

四隻貓

manman333 發表於 18-5-31 08:52
點解家長們對小孩子玩音樂和體育都係諗到出路既呢？當強身健體, 陶冶性情和人生的生活上興趣不可? 就算一星 ...

識唔少玩音樂/體育相當出色, 但最後做左其他專業, 不過見佢地仍會工餘時玩音樂/體育, 所以我都同意你所講, 小學階段未必要諗到出路先, 當強身健體, 陶冶性情, 出去比賽仲可以開下眼界.

小朋友仲細, 佢地長大後會改變其興趣同志願, 都係行住先, 到時再決擇.

ABC-DAD

一步一步嚟啦，諗太遠太虛幻。踏實啲先。

manman333

點解家長們對小孩子玩音樂和體育都係諗到出路既呢？當強身健體, 陶冶性情和人生的生活上興趣不可? 就算一星期三天訓練都唔算多啦，政府都提倡日日做運動。
就算在大學時讀既專科都未必(好多時) 都不是工作上有關呢～

assado

kwunpa 發表於 18-5-30 22:59
點叫識游水？我認爲：1）唔理嘜式，能連續游一百米，同埋
2）連續踩水 5 分鐘

夠13歲, 可以順便學埋拯溺,
資格: 五分鐘游200米, 踩水三分鐘。

Lu324

IloveJJ 發表於 18-5-30 17:25
游蛙式連續半個鐘好易喳喎，蛙式好慢架，你睇啲婆婆都游到啦！佢之前係游到一個池（參加了學校水運會）， ...

游水係體驗式學習，即使唔記得，再學應該叮一聲就掂