求救！阿仔講大話！

wangc

阿仔中一，學校規定要參加纪律步操。小學時係童軍，中學順理成章繼續參加童軍，問題來啦！1.曾經要求我吾使佢返童軍，寫家長信……我冇接受
2.之後經常返童軍遲到，遲到要受罰，……我由佢受罰
3.今天，同老師講大話，話自己病左……上星期六也是，老師才要求俾家長信

_我今天罰收佢電話，我話要收二星期，因佢二星期六都講大話，佢就好似想殺人甘款，話咩興趣班都吾上！片皮！

Yanamami

sumsum2010 發表於 18-5-25 17:49
我都擔心怎樣面對呢一日，阿.仔唔再咁馴服

人大大下总有自己思想、偏好、兴趣、選擇。唔再“馴服”係必然，亦唔－定係坏事，禁先有独立思考｡只要係正路，選擇ABCDE全無问題，唔－定要跟父母意願｡

ABC-DAD

有好多事上，人會選擇保護自己而唔坦白，會被誤解而定義為講大話，親人可以花時間聆聽，作出適當引導，會幫到青少年人格成長。
畢竟隱瞞、講大話、說謊、欺騙、發假誓等等跟誠信有關的行為，有必要去讓青少年瞭解清楚中間人與人的互動關係。
首先無必要聚焦定義「制服團隊」一個途徑去培養紀律、自信、團隊精神及領導能力等等。退一步實事求事去理解事情當中的關係，或者有助少年人進一步認識並接受制服團隊。

bigbigeyeeye

piglet0529 發表於 18-5-20 11:13
問佢唔上童軍想上咩，可能個童軍亞sir好乞人憎

堅同意，佢唔參加都有佢既理由，問下同關心佢，總比迫佢好。

ABC-DAD

我是不讚同用『說謊』去定義，這是單向的判詞，絕對破壞信任、溝通和已建立的良好關係；我傾向聆聽，「隱瞞」背後的故事和動機，為解決問題找出路。

ABC-DAD

如果有家長信是可以 豁免，是可以值得考慮的。

有人性格上樂意接受紀律訓練，甘之如飴；亦有人喜歡 無拘無束，自己管理自己時間和生活。

黃巴士

Vanessatyl 發表於 18-5-28 14:54
參加制服團體不就是為了訓練紀律 獨立自主性 培養責任感嗎？了解箇中原因當然要 責罰只會令小孩害怕 而非真 ...

他說謊是唔啱, 但迫他參加都唔見得啱囉.

Vanessatyl

參加制服團體不就是為了訓練紀律 獨立自主性 培養責任感嗎？了解箇中原因當然要 責罰只會令小孩害怕 而非真正明白 溝通和互相尊重 讓步比較好吧？幫小孩圓謊才是害了他 難道學校表現成績比品德教育重要？還是讓他知道 做錯事要自己承擔後果 父母不會永遠幫您善後 亦不會因為愛您寵您 就容忍您犯錯 甚至成為幫兇 but it’s just my opinion that moral education is much more important :)

HaYi

中學童軍同小學的不同旅? 會唔會樓主小朋友唔想去新旅做新人? 唔去童軍仲有咩可以選, 如果一定要一個制服團體, 等佢試下st join 或其它, 冇壞架.

brother4

停下，强扭的瓜不甜！

sumsum2010

wangc 發表於 18-5-20 01:54
阿仔中一，學校規定要參加纪律步操。小學時係童軍，中學順理成章繼續參加童軍，問題來啦！1.曾經要求我吾使 ...

我都擔心怎樣面對呢一日，阿.仔唔再咁馴服

GreenMaDad

我小朋友在高小，老師投訴他態度差，跟小朋友傾時，他説老師亂鬧人，我估計小朋友態度點都有問題，但我選擇了站在他那邊（當然也有跟他説態度問題），我覺得我放棄了狠狠責怪他、拿大道理壓他是對的選擇，因明顯他很開心我信任他，理解他的感受，所以我估將來有其他問題也會更坦白跟我商量。小朋友到了中學後，更加有他自己想法，他們有做錯的地方其實好正常(我們大人也不見得完美），有好多時他會慢慢地、靜靜地改過，這期間，如果他們覺得我們"講極都吾明", 可能會將大家關係越拉越遠。

洋蔥頭媽咪

wangc 發表於 18-5-20 01:54
阿仔中一，學校規定要參加纪律步操。小學時係童軍，中學順理成章繼續參加童軍，問題來啦！1.曾經要求我吾使 ...

已是中學生，會有自己嘅思想同諗法，作為家長要與孩子多溝通，多從孩子角度去睇，才容易明白佢嘅感受，青少年感受到家長會明白佢/包容佢，才會服氣才容易受教。(1) 樓主兒子曾要求退出童軍，家長拒絕時有否了解原因？明白佢問題所在？若沒有，孩子不服氣，自然出現 (2) 嘅行為，然而受罰家長亦未與其溝通，孩子唯有再選擇逃避，出現 (3) 嘅行為，今天家長更用收手機去罰佢，所以佢失控絕對唔難理解。

egg.plant

個仔已經升中，我會事事先與他商量，我反而用朋友既模式同佢相處，當佢半個大人！我仔都試過升中後唔返教會，因為小學已返左幾年，我地順理成章地諗住佢會繼續返，點知一上中學，識左新同學，就唔想返教會。我有話佢，不過佢都大個仔，自己有選擇，所以我地無迫佢。不過你個case唔同，係學校硬性規定參加，就算唔參加童軍，係咪都要參加第二樣？

egg.plant

首先，我唔會同佢大吵，我會想辦法，問清楚，什麼事令佢咁抗拒返童軍？係懶，星期六唔咁早起床想瞓晏d？定係無朋友？比人笑？阿sir惡？我會同佢講，依家學期尾，返多幾次星期六就考試，之後就暑假，升中二再決定join定唔join，好頭好尾，唔好臨學其尾先寫家長信要求quit，我都好難搵藉口同老師解釋。

MonkeyGirl

中學生想法:

1）佢無frd 參加, 所以佢唔想參加
２）舊會員-  寸寸供, 佢自問enjoy 唔到.
３已無興趣.

除了童軍，　你有無同佢　discuss 過其他 activity ?

我自問, 最唔 like 套uniform , 成日要我iron uniform , 又要整齊, 所以我到中學唔會參加有uniform 既activity …

小學, 我洗濕咗個頭就無法...

Longan

只係罰而冇坐底平心静氣了解小朋友嘅想法只會家變。我係個小朋友嘅話都只會將不滿的情緒和反抗行動升級。

friendfriend

他講大話只因不想上童軍？點解你不體諒他，問清楚，一定有原因，如果係我先生對我仔這樣做，只一味指責，我會與他吵架，很生氣，替我仔不值。他大個仔了，有選擇權！