小三數學補習有無幫助？

edutm

徘徊七十幾至八十幾分，平時少温習，考試有安排佢做多d練習。見佢次次都錯同一類题目，一係睇錯题。明明計出來係A>B, 佢圈答案圈左 B>A.  另重災區係計算時分秒的題目。
before 比錢補習，仲有乜方法？我只想佢站穩係80分。

little_yolky

retriever 發表於 18-7-23 19:33
好奇。
有無研究下，老師做左D 物幫佢增強功力？ 無論出去上班，定私補都應該見到下。
...

家姐同我講, 話唔明白時老師好有耐心地解釋的好清楚。

至於阿妹, 好簡單, 熟能生巧, 佢好懶, 由平時唔做練習變成一個禮拜做三份, 咪識囉。佢本身係明白既, 只係做得少, 所以一撈埋就會亂, 唔知點算, 做得多, 頭腦清醒咪識囉。

Olympian

retriever 發表於 18-7-25 11:45
我家平時無做練習(除功課), 考試前出份卷佢做, 主要係TIME 時間啦, 總體都OK.

分數係無咩參考價值. 佢如 ...

本帖最後由 Olympian 於 18-7-25 12:46 編輯

係呀。所以佢就算攞到100分，我都唔會認為佢係數學叻果班人。只會覺得佢今次好小心，無caeeless mistakes。其實佢被扣果幾分都係唔小心，例如加數作減數計。所以，如果知佢有咩係未完全掌握，長假要再教下佢。

明白左，唔洗做到爛熟才高分的，做少少就得喇。但唔明靠狂做數高分又無咩可能掛 。不過唔排除佢經過狂做，由外而內領略當中奧妙，但呢d咪叫無效率囉。

retriever

Olympian 發表於 18-7-25 11:26
咁有些細路真係數學天才喎。咁佢可能係天才中的天才囉。

講返轉頭回應返樓主。其實我仔小一二，我都係記 ...

我家平時無做練習(除功課), 考試前出份卷佢做, 主要係TIME 時間啦, 總體都OK.

分數係無咩參考價值. 佢如果唔明, 靠唸咒咁做數, 真係俾100分都唔恭喜.


小學數主要係運算階段, 高分主要係熟練而已, 無咩意思.

細路數好, 要顯示到懂簡單邏輯, 仲有一個數學問題有另一種解法, 譬如話, 你乘數唔係淨識背熟乘數表, 卡住唔記得都識連加做, 唔係話父母教咁做, 係佢識自己跳線去解決問題先係叻仔.

Olympian

Olympian 發表於 18-7-25 11:26
咁有些細路真係數學天才喎。咁佢可能係天才中的天才囉。

講返轉頭回應返樓主。其實我仔小一二，我都係記 ...

我諗要佢考到95-100分，可能就要出去比人教喇。你地可能話：嘩!怪獸呀！95分都唔心足。但現實係就係呢幾分會決定你的名次上下5名左右，由級10內跌出級20內真係好容易。名次係其次，只係到到程分時會決定你做唔做到band 1 生。睇下你自己睇唔睇得開喇。

Olympian

retriever 發表於 18-7-25 08:33
其實係媽媽既缺乏安全感，無論作練習，面試班，外補定人地睇緊ORT 邊個LEVEL。

話時話，另帖版主已有報導 ...

咁有些細路真係數學天才喎。咁佢可能係天才中的天才囉。

講返轉頭回應返樓主。其實我仔小一二，我都係記住佢唔識的題目或者唔明白的topics ，重做和重復講解，明了再做街練習穩固一下。考前仍會有一至兩個topics 未完全掌握的，但也要預時間做兩份試卷。做卷是必須的，因要佢個腦轉，唔好諗實單一topic的野。考完試長假期，例如暑假，就教返佢未掌握好的題目，一定要打好個底。到小三時，我覺得仔已經在我心目中，脫離了數學好水皮的感覺，佢只係唔叻啫。佢小三下學期才開始計加減數唔洗數手指。但佢係夠時間做完份卷的，小一試過8字頭，小二，三都在90-95，但二線學校份卷唔深。

retriever

IloveJJ 發表於 18-7-24 15:27
家長自己攞嚟啫，我寧願家長買完發覺無用唔做，好過要細路盲目咁做。

我嗰日排隊，見個家長俾錢買三本幼 ...

其實係媽媽既缺乏安全感，無論作練習，面試班，外補定人地睇緊ORT 邊個LEVEL。

話時話，另帖版主已有報導，根德園學生攞左數學世界大賽，所以真係無奇不有。

retriever

Olympian 發表於 18-7-24 15:47
咁人家買左點做，同埋有冇做又唔知嘅。我個女都係幼稚園，佢幼稚園叫我買4本補充暑假做，我回條寫左唔買， ...

你女係聽老師話既乖女，學校叫買，就一定要買。

Olympian

IloveJJ 發表於 18-7-24 15:27
家長自己攞嚟啫，我寧願家長買完發覺無用唔做，好過要細路盲目咁做。

我嗰日排隊，見個家長俾錢買三本幼 ...

咁人家買左點做，同埋有冇做又唔知嘅。我個女都係幼稚園，佢幼稚園叫我買4本補充暑假做，我回條寫左唔買，跟住比女發現，要我改返買，佢每日每本做兩頁。

Olympian

1998Ruby1998 發表於 18-7-24 11:44
回覆 IloveJJ 的帖子

我真係見 d 家長見到練習有折扣就買，但係完全唔同小朋友 Level，都係要我幫手揀 Cha ...

而家做家長好大壓力架，買野可以減壓，買左即使做無做過，買果刻都叫做買個希望，個心舒服d。

1998Ruby1998

回覆 IloveJJ 的帖子

我真係見 d 家長見到練習有折扣就買，但係完全唔同小朋友 Level，都係要我幫手揀 Chapter 黎做，甚至有時候本練習做唔落，浪費左。有一本係 ＄20，但係 d 課題同一線小學嘅程度唔匹配
不過唔少細路真係交畀外人係會聽話 d，同埋未必個個家長識教，有 d 家長佢地學歷唔錯，但係奈何無從入手唔知點教。亦有家長係唔夠叻，教唔掂，錯左都唔知點解畀佢聽。早前搵到本隱世英文 MC 練習，後面有埋答案分析，細路唔抗拒做之餘，錯左家長解唔到，細路可以自行理解。

不過我應該係唯一一個補完數研之後，成績係退步果個。

Olympian

retriever 發表於 18-7-24 10:30
我係抗拒/反對外補之人. 但不能否認操題都提昇分數有幫助, 特別數學科, 但長遠外補副作用, 弊大於利!
...

無呀，覺得自己係ftm 無收入但有時間，唔會比錢人地賺囉！你話學音樂藝術就真係無能為力。好似小女K2時認唔到字，見同學話一補就識，都好心動架，但300蚊堂學認字我真係唔會囉。300蚊可買好多圖書了！都係自己比d心機教。

retriever

IloveJJ 發表於 18-7-24 10:36
本身我覺得你問緊little yolky，我又唔好意思代答。
我睇過「數研」份功課，佢係做得唔錯的，呢個係其中一 ...

份功課有咩QK?

如果只係做多三份, 屋企唔可以?


其實外補一大部份原因, 係細路唔聽父母隻笛, 補習老師都係老師, 佢地俾先肯做?

retriever

Olympian 發表於 18-7-24 10:23
大家傾下計唔洗謝回復啦！我想補習老師做到的家長未必能做到，始終無補習老師咁熟課程，又無咁多教小朋友 ...

我係抗拒/反對外補之人. 但不能否認操題都提昇分數有幫助, 特別數學科, 但長遠外補副作用, 弊大於利!

Olympian

Olympian 發表於 18-7-24 10:23
大家傾下計唔洗謝回復啦！我想補習老師做到的家長未必能做到，始終無補習老師咁熟課程，又無咁多教小朋友 ...

我諗起果時佢唔識20內加減，朋友個女都係咁，但一去公文補習就學識左。我死唔憤氣，無理比成200蚊堂學20內加減！所以都係自己想辦法教識佢。

Olympian

retriever 發表於 18-7-24 09:47
謝回覆!

我好奇, 補習老師做到既, 父母知道點做, 係咪可以跟著做...

大家傾下計唔洗謝回復啦！我想補習老師做到的家長未必能做到，始終無補習老師咁熟課程，又無咁多教小朋友的經驗。自己識計與教得明白小朋友係好唔同。好似佢小一時，二十以內加減都唔識，真係好難教下。睇下自己有幾多耐性和心機啦...還有興趣(其實我好有興趣的)。仲有，小朋友唔明操來都無用。操練習或卷係明白晒之後才做嘅事，適可而止。

retriever

Olympian 發表於 18-7-24 09:42
本帖最後由 Olympian 於 18-7-24 09:43 編輯

我估人地專科補習是教學有效率。第一是對補習社課程很熟， ...

謝回覆!

我好奇, 補習老師做到既, 父母知道點做, 係咪可以跟著做...

始終小學數對一般成年人跨度唔大, 普遍都係靠操題, 就算要補, 點解要俾錢人外補?