SEN 仔上小學

GwaiBB

話說，我仔今年協康畢業，上mainstream 小學。一路以黎，中心主任及老師，每年評估都係講緊我仔點都係入特殊，無中都有輕。而我心理上都諗住佢都係入特殊架喇，再唔係，都因為佢大小肌弱，都想入PH school 。

但竟然喺評估時，佢fall into 80~90嘅range, 即無得傾，一定入mainstream! 醫生亦評估佢大肌未弱到可以入PH school。

而家煩喇，協康之前預佢入特殊，而家得返半年要追K3程度，銜接小學。另外，我仔個人好樂觀，俾人整到流血都以為人哋同佢玩緊；平時喺公園玩，玩玩下人哋唔想同佢玩又feel 唔到，好驚佢會俾人校園欺凌。

我仔派咗去12區嘅張凝文，請問人無人知，呢間係點？
有無人讀緊？
老師有無愛心？
學校有幾support SEN 仔？
校園欺凌嚴唔嚴重？
ST 言語治療好唔好？同幾耐一次？

謝謝(emoji)(emoji)(emoji)(emoji)

vincelo29

taviatsui 發表於 18-3-24 20:45
入主流一定好吃力，如果學校本身多Sen 學生，ST堂就一定好少，因為政府撥款係用班數計，除非你仔係中度語障 ...

你好，這樣清楚這兩間學校有沒有註校社工或言語治療師？

taviatsui

入主流一定好吃力，如果學校本身多Sen 學生，ST堂就一定好少，因為政府撥款係用班數計，除非你仔係中度語障，否則大概1個月先有1堂

GwaiBB

vincelo29 發表於 18-3-16 21:17
你好，我小朋友今年9月都要揀學校，我小朋友現讀緊兼收位，社交言語緩慢，有點似你小朋友，唔識睇對方的面 ...

好似幾好咁，我無睇過佢示範，不過就聽校長介紹，我係怕，講就天花龍鳳，入到去就另一回事，始終示範，永遠都唔真實...

我係最怕校園欺凌者，我仔大小肌都唔得，輕輕hi 一hi 都成個跌落地，如落樓梯時，被一堆一下，一定係碌落樓梯...

GwaiBB

KCHK 發表於 18-3-15 08:07
學校應該會比家長在上課時間當義工咁留在學校， 不過可能不是直接坐在小朋友旁邊， 也可能只係好短時間，  ...

義工可能都係一兩日ok, 長時間未必得，我哋兩個都在職...唉...

vincelo29

GwaiBB 發表於 18-3-6 23:28
話說，我仔今年協康畢業，上mainstream 小學。一路以黎，中心主任及老師，每年評估都係講緊我仔點都係入特 ...

你好，我小朋友今年9月都要揀學校，我小朋友現讀緊兼收位，社交言語緩慢，有點似你小朋友，唔識睇對方的面色，大小手肌已追同齡，之前睇過張凝文授課，老師都好有心機，當日睇示範小二數學堂，全堂8個字教來教去都係平行四邊形及菱形，但內容形式好豐富，而另一個示威堂是小一英文堂，外藉老師好有心機，亦靈活教授。問埋校長今年會由一年考三次試改為兩次，亦有小班教學，會開三班，所以我都係考慮中。

KCHK

GwaiBB 發表於 18-3-15 02:27
陪上堂都好喎，起碼了解每日小朋友上堂嘅情況，再同老師陪合下有邊d 位要留意...thank you thank you...
...

學校應該會比家長在上課時間當義工咁留在學校， 不過可能不是直接坐在小朋友旁邊， 也可能只係好短時間， 呢d 都要同直接同學校主動傾。

GwaiBB

雲牛 發表於 18-3-13 20:04
唔理宗教，一般評價是黄焯菴好過張凝文

但已經自行收咗喇，當時揀呢間係因為無所謂，是但啦，點都係入特殊，是但叫做試程序，實習下for細佬讀小一時唔洗好似新手甘...

點知收咗，咪登記先囉，諗住到時評估完咪攞住封信去edb 申請退學...點知...唉...

我其實之前只係睇過兩間，一間張凝文，一間新會商會

但新會商會個理念同我哋係有d 分歧

張凝文...係有後悔嘅，不過都好想知多d 關於呢間學校嘅野，希望都了解多d ...

GwaiBB

KCHK 發表於 18-3-13 13:24
咁其實你選擇的都有SEN 支援, 點都好, 多d 同學校溝通, 你不如試下問學校可唔可以在開學初期家長陪上堂,  ...

陪上堂都好喎，起碼了解每日小朋友上堂嘅情況，再同老師陪合下有邊d 位要留意...thank you thank you...

GwaiBB

long107 發表於 18-3-13 15:53
請問80-90係咪中下咁解？
我見我個報告寫中等/中下/有限

70 以下，就要入特殊學校

18-3-15 02:23 上傳

下載附件 (928.44 KB)

雲牛

唔理宗教，一般評價是黄焯菴好過張凝文

long107

GwaiBB 發表於 18-3-13 09:03
我都聽聞黃卓奄都唔錯，但自己係基督徒，最多揀間無宗教嘅，好難叫我揀佛教學校(emoji)

係，協康好少會有 ...

請問80-90係咪中下咁解？
我見我個報告寫中等/中下/有限

KCHK

GwaiBB 發表於 18-3-13 09:03
我都聽聞黃卓奄都唔錯，但自己係基督徒，最多揀間無宗教嘅，好難叫我揀佛教學校(emoji)

係，協康好少會有 ...

咁其實你選擇的都有SEN 支援, 點都好, 多d 同學校溝通, 你不如試下問學校可唔可以在開學初期家長陪上堂, 另外現在操練多d 寫字, 因為主流最需要寫字, 其他學術上唔好理住了(現在追也追唔切）如果小朋友無情緒問題，只係慢d 吸收, 老師應該唔會有太大壓力

GwaiBB

KCHK 發表於 18-3-7 08:45
你係自行入呢間, 是嗎？ 聽人講黃焯菴比較多經驗SEN 的支援,本身唔係住呢區, 所以唔清楚呢間。我想問評估當 ...

我都聽聞黃卓奄都唔錯，但自己係基督徒，最多揀間無宗教嘅，好難叫我揀佛教學校(emoji)

係，協康好少會有甘大落差，連中心主任聽到都呆咗

我小朋友個評估4部份：言語理解，知覺推理，工作記憶 都係80-90; 只係得 處理速度 有70-80, 所以話一定要入主流，有支援可以俾佢做慢d(emoji)(emoji)‍♀️

KCHK

唔好意思， 無睇清楚， 原來你講左無得傾入輕度，不過通常協康估得幾準， 你仔的評估真的落差好大。有無同S位社工問關於派到的學校資料? 在評估上有無寫建議學校需要提供咩野支援? 有無課後指導呢d 呀？

KCHK

你係自行入呢間, 是嗎？ 聽人講黃焯菴比較多經驗SEN 的支援,本身唔係住呢區, 所以唔清楚呢間。我想問評估當日， 言語操作智能幾多分？ 非言語操作係幾多分？有無機會去爭取一下去輕度？