....

Sammi8818

.....

shadeslayer

第一次就要講點罰？大家在工作上有無做錯野？ 上司點罚我哋？

在我認識的同輩中，好多成年後也是實幹，社會上不錯的人。他們中(包括我)小時候全部有「曳」，大話，粗口，唔返屋企。但過左反叛期，多數自己識諗。

罰是傷感情，非常負面的做法。罸的反面是奬，用奬可不可以呢？誠實乖巧有奬。

罰同打一樣，愈罰或愈打愈麻木。此帖看到中國人父母有打壓的傾向。經常期望小學生「識諗」。幾十歲大人也未必「識諗」！

waich0965

小朋友講大話是一種自我保護，家長要好好反思，是不是給小朋友壓力太大，令到他講大話。

shirley2014

見到咁多意見我也受用了，我女也有講大話，已小一了

moniko

SY_Joanne

https://www.facebook.com/24parent/videos/10156859333545278/

chrischeung

回覆 Sammi8818 的帖子

過來人經驗，亞仔小5呈一時，因數學突然80，派了卷成個星期都話未派，到送佢返學剛巧有同班同學問佢數几分，由於佢未試過80，又剛巧平日成績差過佢的女同學85，佢就順口話88，大話連續2個，我先知派左卷，等佢同學走左，我忍吾住系學校門口大駡他，到後來我諗返轉頭，可能佢好驚我閙，又不知如何是好，呈分先黎80。最後，多點体諒小朋友，事出必有因，要了解下小朋友內心。

王家爸爸

mimi222shi 發表於 17-12-21 12:32
講大話不能由佢，誠實好重要。
有次默書，小朋友係全班唯一的滿分，佢回家發現一大段背默當中，原來有一個 ...

誠實真係好重要，講大話一定唔可以由得佢。但係講大話既習慣唔係一日之間發展出來既，要正視應該係好耐之前就要正視！事情已經發展到呢個地步，其實罰已經唔係辦法。如果罰變咗常態，罰既作用唔會大，反而適得其反。

王家爸爸

Sammi8818 發表於 17-12-21 11:37
打機不係佢假期應得, 係考得好先有得打. 依家仲要講大話, 簡直雙重罪.

下次改變下遊戲規則：
第一，打機時間長短同成績表名次掛鉤。
第二，有講大話，罰停一個星期打機。

MrBeast

https://www.facebook.com/popachannelhk/videos/1859588054332008/

mimi222shi

好多成人都會講大話, 唔排除由細個開始已經係咁...

另外, 家長正是小朋友的學習榜樣, 家長的行為, 小朋友全部看在眼裡.

好多壞習慣, 例如:粗口, 多數係從家人口中先接觸.

scgift

ar_mak 發表於 17-12-22 02:49
如果第一次講大話係發生於幼稚園或小一果陣，咁我又唔會話佢係講大話，而係教佢從誠實既角度去將件事表達番 ...

其實個個小朋友都係好怕被家長話/責罵/罰。如果家長情緒控制得唔好成日打罵罰既話，小朋友為左逃避被罵被罰，隱瞞/講大話係好正常。

我自己多講道理少責罵，在k1時第1次發現阿女講大話。老師話佢喺學校曳豬，我問佢就話冇，當下我冇篤爆佢，只係事後同佢睇幾本關於誠實既繪本。過左一排傾計傾開嗰件事，佢就認左，我都冇責備佢，只係話佢唔同媽媽講真說話，媽媽好唔開心，媽媽希望佢能力誠實。自始冇再發現佢講大話，到今年k2,仲會主動講衰野俾我知。有次佢放學後話我知嗰日掛住同同學玩，唔記得左出去(課室外分組)上英文堂。我完全冇責備佢，只係提佢下次要留意避免再犯。

最近買左幾份玩具俾佢，叫佢將部份舊玩具送俾人，佢唔願意，我就話爸爸會話我地又買新玩具。回家後，佢馬上收埋啲新玩具，口中念念有詞咁話"收埋，唔係爸爸見到既話會話我地…" 仲同我講等佢放假+爸爸返工時攞出來玩，真係打算一直隱瞞落去。我同佢講一家人冇秘密，如果同爸爸坦誠既話就可以放假時同爸爸一齊玩，會更加開心。又講返之前一單大鑊野，我自己都冇隱瞞爸爸，一樣同爸爸坦白，爸爸都冇責備我。當日，佢一見到爸爸時就主動拎份新玩具出來自首，爸爸也冇責備我倆(我事前已經同爸爸備左案)。

我覺得重點係小朋友唔怕講真說話，佢自然唔需要講大話。如果家長係罵得之人，小朋友講真說話係需要好大好大既勇氣。家長唔過份期望/俾壓力小朋友的話，小朋友都冇必要講大話。在責備小朋友講大話既同時，家長應先檢討下自己對小朋友既態度。

lambeanmama

小時候我也是大話精，為了一個好明顯的過錯，如偷飲益力多，我也會講大話；但少左兩枝係無得騙人的；我的大話是一種習慣，一種逃避媽媽打罵的習慣。因為一做錯事，就會「打幾吓」。宜家我做人老婆做人阿媽，我堅信一點，要丈夫（或囝囝）老實不騙我，先要好好控制自己不把個人價值得太大，責罵對方所謂做得無咁好的事。因為日後只會讓他們不再願意講真話的。我覺得了解孩子講大話背後的原因重要過佢講大話是錯這件事。講真，小六生不會不知道誠實的重要。除非他是講大話的慣犯，否則我會更傾向檢討自己對他「考得低分」時的反應。

mimi222shi

好多野, 細個好易教

同埋係教導/解釋, 而非責罵, 佢好易接受.

最怕習慣成自然, 好多野慣左, 個膽就會越來越大, 後患無窮!

1998Ruby1998

回覆 asweetmom 的帖子

下一步學我阿媽，飯唔畀食，佢所有衫都唔洗，唔畀訓床唔畀被。
講大話係人基本嘅生存技巧，每次講大話都代表佢知道錯咩，想盡力補救。但係小朋友要知道，冇必要同父母講大話，而父母亦都要清楚，每樣野自有佢來臨嘅時刻，審問／追問會適得其反，而問都需要有技巧。經常講大話嘅小朋友父母多數都係鬧人鬧得好甘，想小朋友對你坦承，首先需要控制好自身情緒同應對態度。小五小六開始「罰」已經唔管用，反而一句「你講大話令我好失望」會作用大 d。

asweetmom

我的二女兒一向不主動報成績，學校也不是每次考測都派卷回家讓家長簽名。當然我始終會知道成績的，不過是晚一些。而二女兒這麼做既不用說謊逃避，也少給我駡/看我臉色一、兩星期，心理壓力比較少。從前我從群組知道派卷了，還很不識趣的逼問她，她死也不說。現在回想，我真傻。

asweetmom

Sammi8818 發表於 17-12-21 11:35
我就係同佢講, 如果你一早講出來, 係會失望, 但大家研究下點解低分, 係人都會失手, 只要下次可以有進步就可 ...

下次沒有進步你會怎樣？不給飯吃嗎？