其實阿仔應該讀邊類學校

月餅仔媽咪

月餅仔有發展遲緩, 但又未做評估. 但係就已經在第一輪就有主流學校收(張煌偉小學). 本身我應該係好開心。但點知佢現在的老師,爸爸,同學仔的家長都叫我唔好比阿仔讀, 驚佢適應唔到,又話會比其他高班學生蝦。個個都叫要比佢讀特殊學校.
我憑該點做好????

yyycheng

Lilianyu500 發表於 17-12-12 14:20
pm you

請問可pm医生聯絡電話给我嗎？

mytambb

月餅仔媽咪 發表於 17-12-12 09:27
月餅仔有發展遲緩, 但又未做評估. 但係就已經在第一輪就有主流學校收(張煌偉小學). 本身我應該係好開心。但 ...

EK 有 special education的forum. 不如你去看看，可能更多有用的資訊。

mytambb

月餅仔媽咪 發表於 18-3-14 10:25
回覆 long107 的帖子

係職業治療師, 佢話阿仔在體能方便和同年小朋友冇大分別。　治療師係有好多年經驗， ...

其實已經有專業的治療師評估及建議，而且又有學校收，何不放心就讀？

日後，學校會就治療師對SEN個案的報告作出有關安排。我見過SEN的學生也升到band 1頭的中學。

月餅仔媽咪

回覆 waiwai2468 的帖子

我去醫院覆診時, 醫生同樣都有同我小朋友打氣, 佢話其實都有好多傑出的人物, 細個的時候都有自閉証, 但大個的時候都好出色, 叫我唔好灰心。其實我聰到醫生禁講，　我就更想阿仔讀主流，　真係第時的事冇人會知，　但如果唔比阿仔試，　有可能害佢一生.

pianist2

樓主，

做得評估的心理教育學家，首先要基本心理學三年，再讀兩年碩士，另仲要再修讀方面專科先可以去做；另外一面，係一個讀職業治療，對教育的認識有多少，評估一個小朋友可以有多全面呢？

請慎重考慮。

waiwai2468

月餅仔媽咪 發表於 18-3-17 13:46
其實我出呢個post,係想d同路人比d意見，因為我真係唔知點，學校老師同其他同學家長都話阿仔一定要去特殊， ...

您應該係特殊板到出，個邊多d人睇

waiwai2468

月餅仔媽咪 發表於 18-3-17 13:46
其實我出呢個post,係想d同路人比d意見，因為我真係唔知點，學校老師同其他同學家長都話阿仔一定要去特殊， ...

其實都好多一面倒，正如我女應該要上小一，我地都比佢重讀一樣咁，冇人知對與錯，但我地做父母既都係想搵岩既比自己既小朋友，冇人知結果會點，可能讀特殊有特殊既好，讀主流既有主流好，冇人知因為讀個0個係自己個仔自己個女，最緊要唔好格硬黎，係舊年我女返醫院覆診，有兩個後生醫生黎同我女打氣，靚女醫生細個係發展遲緩的，佢話我知冇人知道第時會點，但唔行出第一步就咩都做唔到，試左先啦，唔得既再轉吧

月餅仔媽咪

waiwai2468 發表於 18-3-17 13:02
其實我都係朋友睇到您個post 傳左條link我，我先會係到留言比您

其實我出呢個post,係想d同路人比d意見，因為我真係唔知點，學校老師同其他同學家長都話阿仔一定要去特殊，就算唔講，都會whatsapp好多a仔去主流小學讀的唔好的資料比我睇

waiwai2468

其實我都係朋友睇到您個post 傳左條link我，我先會係到留言比您

waiwai2468

月餅仔媽咪 發表於 18-3-17 12:54
我其實都怕佢會有情緒問題。不過都想試下先
我見到你都好有心機教個女，大家一齊努力。
...

大家加油呀

月餅仔媽咪

waiwai2468 發表於 18-3-17 12:39
本帖最後由 waiwai2468 於 18-3-17 12:46 編輯

唔緊要呀，試左先唔得既再轉番去特殊，係怕吃力搞到情緒 ...

我其實都怕佢會有情緒問題。不過都想試下先
我見到你都好有心機教個女，大家一齊努力。

waiwai2468

月餅仔媽咪 發表於 18-3-17 12:37
回覆 waiwai2468 的帖子

其實阿仔K1都係讀主流幼稚園, 但佢D老師就成日同我講阿仔唔OK, 最好同佢退學,點知 ...

唔緊要呀，試左先唔得既再轉番去特殊，係怕吃力搞到情緒問題啫，心理醫生同我講，但我覺得如太差我會試特殊，但又唔係情況太錯點解唔試主流先啫

月餅仔媽咪

回覆 waiwai2468 的帖子

其實阿仔K1都係讀主流幼稚園, 但佢D老師就成日同我講阿仔唔OK, 最好同佢退學,點知阿仔又未可以排S位, 最終佢在主流重讀K1, 再讀在半年K2, 先去S位幼稚園讀, 但係就係在S位好叻, 所以我先想佢入讀主流小學, 其實我都聽好多人講, 入讀特殊後, 好難出番去主流, 一來未必有主流會收, 二來佢地小朋友, 由特殊轉返主流仲唔識應。因此，　我先想去上小學時，在一開始就讀主流.

waiwai2468

pekovian 發表於 18-3-17 09:46
見到你都好俾心機照顧個女，媽媽都要加油(emoji)(emoji)

謝謝呀，點都好都係想搵合適既幫助小朋友

pekovian

waiwai2468 發表於 18-3-17 09:31
我識我屋苑有個媽咪佢仔評了嚴重遲緩，佢照比佢仔去讀主流，佢言語唔得行為唔得，A仔黎既，最後佢讀唔掂因 ...

見到你都好俾心機照顧個女，媽媽都要加油(emoji)(emoji)

waiwai2468

我識我屋苑有個媽咪佢仔評了嚴重遲緩，佢照比佢仔去讀主流，佢言語唔得行為唔得，A仔黎既，最後佢讀唔掂因為上活動除褲痾尿，跑來跑去，聽講今個月轉番去讀特殊咁

waiwai2468

點解我會重讀係因為佢未讀過主流幼稚園，我想佢重讀主流然後再汁汁佢之後再上，而去面試幼稚園都係問下問題，傾計，默書，中英文，寫自己名，之類咁，其實真係要睇小朋友能力先上主流，我係問過中心同埋周圍人我先會同女咁試，因為我女未去到好差又未係好好咁先煩

waiwai2468

玩左佢成朝，邊間評估中心我唔方便講，但佢比左份野我叫我比中心填，話佢今日表現，唔係咁好，想睇佢平時時情況，份野好大份，項項都評分既，佢叫我攞番中心，話如果中心覺得冒犯佢地既就當冇收過，佢話佢唔會計分既，之後問番中心佢話之前未收過評估中心比既呢份野，所以之前我先會要求重評，唔簽同意轉特殊咁，但得出黎結果係話已評唔可以，但我覺得我知我女既不足，而睇緊黎緊既點幫佢

waiwai2468

當日評估我由9點見左我先然後心理醫生評我女，評到中段出番黎，話我女要休息下話佢話唔專心搵媽咪冇安全感叫佢飲水食下幾一陣再評，我女同我講媽咪您一陣可唔可以陪我呀，我話要問姐姐睇下得唔得，我女話咁一定唔得啦，之後評到12點38分出黎，我女同我講話媽咪好深好難，琪琪唔識做唔好意思呀，我個下攬住個女講唔緊要啦，姐姐同您玩陣ma唔緊要架，你已經好叻女，跟住我話帶埋佢入去聽，心理醫生話唔可以佢聽得明咁