細B讀小學

uns

亞女係細B, 12月出世,今年二年級. 上年一年級已追不上,成績在50-60左右.勉強上了二年級,課程和功課都深左,十月中那次測驗成績也是跟一年級差不多. 如她勉強上三年級都好慘,留班或轉校又是否出路? 有無家長可以分享一下?

june629

:donuthi:

王家爸爸

uns 發表於 17-11-27 16:39
亞女係細B, 12月出世,今年二年級. 上年一年級已追不上,成績在50-60左右.勉強上了二年級,課程和功課都深左, ...

我個細既都係細仔，都係十二月，當年都係有類似情況，成績都係中游（當年無理佢，初小成績一直都係50-60之間，同你個一樣）。但係到咗四年級我開始幫佢跟功課，排名升返上去，成為最後一個入精英班。跟住我又再放手俾佢自己來...

紫蘿蘭

我女都係超細B, 出年小一了。暫時幼稚園學習進度還好，因幼稚園無考試，係有啲習作紙，老師話她不似細B, 各方面都跟到，我都希望出年小一順利過度

wymyvonne

我仔都係超細B，一年級時都係追住人地，成為績時好時差。到今年上了二年級，已經好熟習學校的各方面要求，各方面越來越進步，部分科目更超前好多同學。

我估大細B的年齡差距到了二年級已開始慢慢收窄，如果你小朋友仍是未跟上進度，可能與年齡無關，反正而在再深究大B細B已沒有意義，眼前要做的是了解小朋友的弱項，幫他們改善，加強他們的自信心。

加油啊(emoji)(emoji)(emoji)(emoji)(emoji)(emoji)

uns

回覆 happyapple 的帖子

係家長都追得好辛苦,幾乎個個星期六, 日都要溫習,默書,有D concept教極都唔明,溫左書都係50-60分,大人小朋友都好氣餒!

PY-Sing

小兒是9 月細仔讀屋村幼稚園, 所以揀小學我揀區中中上愛心小學.
上小學前一買完書就開始預習, 上咗小學就正常的預習温習.
除咗數學, 中英文都好OK喎.
當然相對D 大女, 阿仔D "行為"都係算低能.
不過, 我自己相信 要"睇餸食飯", 用有限的資源maximize your return, 不要自怨自艾.

MrBeast

孺子牛 發表於 17-12-17 22:42
大細B只在幼稚園及初小有些微分別.  上到二年班幾乎無分別, 有分別只是學習方法及家教的不同, 造成成績上的 ...

大細B不是問題，equally 學習方法也不是問題，小朋友資質先是關鍵所在

sharonchan.0711

孺子牛 發表於 17-12-17 22:42
大細B只在幼稚園及初小有些微分別.  上到二年班幾乎無分別, 有分別只是學習方法及家教的不同, 造成成績上的 ...

你女果個同學，如果佢唔係幼稚園留一年，就變成在小學、中學分別留一年。現在佢幼稚園大一年到小學都依然要大一年咁係呢位同學資質問題，不過可能呢位同學體育、藝術、人緣特別好呢，上帝關了一道門必為你打開另一扇窗，每件事都有正反兩面，睇你取捨而已。

sharonchan.0711

wongtw 發表於 17-11-30 17:20
是細仔，但追得都幾辛苦，要經常返興趣班，再請人上門補習，上了四級班，發展又慢下來了。我話都好呀，總好 ...

所以做細大部分預咗要追，有d追得好輕鬆enjoy（多數女，因為男女大腦結構不同，男孩子睾丸量多過女孩子15倍，所以多數男孩子在動手動腳中學習會事半功倍，可惜現今世代學校都要坐定定），有d追得幾辛苦，如果我仔做大的話，起碼比做細來的輕鬆吧（個人感概下，小兒現學卷k2外補英文跆拳道鋼琴，打算下年repeat k2讀私幼就可以每星期只是一小時跆拳道半小時鋼琴了）

小寶貝兒

HK-MAN 發表於 17-11-30 15:53
有時會諗,留班再打好基礎還是打擊自信心呢??

轉校可能可以解決到呢個問題~
黎緊我女都會轉校, 由小二轉返Grade1, 原因係想轉國際學校, G2冇位, 因為佢係12月細女, 轉G1都係大人地少少, 問過佢本人, 佢自己覺得冇問題就得了~ 同埋轉埋成個學制, 都係由頭開始好D~

至於大細B問題, 我女其實起初K1上學期時都被老師勸我比個女留一年, 但到左K1下學期已追上, 之後越來越好, 升小一都冇問題, Keep住級頭40名以內, 係中文要花D時間幫下佢, 但我接受到佢中文50-6X分呢個成績, 因為佢幼稚園係幾乎冇學過中文, 有呢個成績好叻女架啦~ (所以我認同要同一個B自己比較)

當初想個女做細B原因其實好簡單, 因為自己湊, 想有3小時休息下而已~

孺子牛

大細B只在幼稚園及初小有些微分別.  上到二年班幾乎無分別, 有分別只是學習方法及家教的不同, 造成成績上的差異, 家長如果只著眼於細B, 往往忽略了學習的方法. 長此下去, 就算留了班做了大B, 一樣追不上.  小女有個同學, 幼稚園留了一年做大B, 小學又留了一年, 大足二年但仍然是陪跑, 所以是看怎去學, 並不只是大細B問題.

個人意見, 大把細B在成績上是好勁的, 同大B有得揮的, 曾幾何時, 我小朋友讀高小時, 班上最勁個2個都係12月B, 仲係連續兩年都係呢兩個考一, 二...

happyapple

做大B梗係比細B輕鬆，我就寧願小朋友輕鬆啲應付初小課程，多點帶他戶外活動，好過要追課程進度。我見身邊有細B頭三年追到個阿媽白頭髮都多左好多。

chris_y_ching

大家都有道理，因為大家都係按自己經歷去評價...
我而家都諗緊呢個遲一年定早一年既問題...
問題可能只係...
簡簡單單，媽媽做決定做得安樂，咪做囉
始終，最了解你小朋友的一定是你
反正...選哪一條路都有好有壞有是有非...
心安理得就好了

little_yolky

HK-MAN 發表於 17-11-30 17:17
我都唔知樓主講考50-60...係分數定名次....
當然,若全級平均分係80分或以上...50-60分確實應該選擇重讀... ...

之但係小一課程得50-60分, 真係好有問題, 如果學校平均分係70, 即係考得深, 可能建議樓主轉過間合適既學校, 而且同上面JM所言, 唔係大細B既關係, 係個教育方法出咗問題。我個女同家姐個仔都係細B, 我女11月底, 家姐仔12月頭, 我女女幼稚園既差異係好明顯, 因為間幼稚園主收大B, 但我阿女有個特點, 係鐘意睇書, 同埋勁守規矩, 佢去到K3已經同同學無差異喇, 但家姐成日覺得佢阿仔讀書唔得係正常, 又俾機佢打, 又唔教睇書, 唔教好學習態度, 咁就一定唔會好, 有問題就去補習, 但跟得最好既當然係父母。今年兩個都小五了, 一個天一個地, 唔係大細B問題, 只係教育問題而已。你唔好話家姐個仔唔醒呀, 佢打機好醒架, D超人我見個個一樣樣, 佢個個講得出個名同專長架。

nixphoenix

研究指大b(年頭出世）同細b(年尾）係表現上嘅距離會係小二、三左右收窄
唔會再有分別
但幼兒階段係會明顯少少

MrBeast

ivyscyip 發表於 17-11-29 20:25
咁都仲要睇出生率㗎，係一個講運氣的制度下，如果有信心追得上，更係揀少D人的年份

這我同意，當年我都是因為這原因揀做細

wongtw

man811231 發表於 17-11-27 22:49
係咪仔？

是細仔，但追得都幾辛苦，要經常返興趣班，再請人上門補習，上了四級班，發展又慢下來了。我話都好呀，總好過退步。

HK-MAN

Olympian 發表於 17-11-30 16:50
如果70分唔會諗重讀。平均50至60真係要諗下。

我都唔知樓主講考50-60...係分數定名次....
當然,若全級平均分係80分或以上...50-60分確實應該選擇重讀...學校都可能要求你留班添....

若全級平均分得70----50-60分又可以再追既...

以上只係比喻下...

Olympian

HK-MAN 發表於 17-11-30 15:53
有時會諗,留班再打好基礎還是打擊自信心呢??

如果70分唔會諗重讀。平均50至60真係要諗下。