小學生需要進補嗎？

Hayeungyeung

小朋友小二，小一時成績中上，但學習較為心散需要提點，平時都係我跟功課，暫時仲跟到進度。眼見成績好的同學都有課外補學術，心裡好矛盾，既唔想小朋友辛苦又怕佢落後

monkeydiary

tkinwong 發表於 17-11-17 22:15
家長是最好的補習老師，因為你請私補，都無可能及得上家長對小朋友的學業咁上心。事實上，要搵好的私補或外 ...

認同，我自己同小朋友温書會好緊張，盡量唔會温漏，仲緊張過當年自己讀書，反而我叫老公幫手，嘔幾桶血，都攞唔到要嘅效果（因為佢無我咁緊張）

Rachelmummy2008

Hayeungyeung 發表於 17-11-17 17:05
小朋友小二，小一時成績中上，但學習較為心散需要提點，平時都係我跟功課，暫時仲跟到進度。眼見成績好的同 ...

就住佢强弱的地方找出學習的興趣。

玩樂與學習找出平衡點。即分配好時間。

從遊戲中學習。

加強中英閱讀能力。

Hayeungyeung

本來我一心唸住係跟唔上進度先會考慮補習，寧願每日留時間俾佢玩下，但眼見課程越來越深，佢又仲係態度心散。我老公話唔可以俾佢玩咁多，要收緊一下，以免日後更無心向學。但我覺得小朋友天生就愛玩，如果每日連少少既遊戲時間都無埋太可憐。
但同學仔中真係無邊幾個每日都有玩樂時間，平日放學或星期六日都安排進補，成績真係上游，但童年就⋯⋯
我矛盾既係幾乎無人贊同我每日俾小朋友遊戲時間，佢哋認為如果我緊張d小朋友會有更好成績，所以我擔心我係咪真係太放任縱容咗小朋友

HaYi

對補習我唔反對, 只要有效. 況且好多人唔係補落後, 是超前.  不過要分補習定功課班.  如果功課班你是FTM, 應該唔用去了.

如果知道其他同學成績係由出去補而改善到的,  不如睇下有咩是補習俾到而阿媽補俾唔到, eg: 阿媽教的方式/材料, 個仔受唔受補etc

之後睇下阿媽改唔改到似番補習可俾的, 目的都是令小朋友受益.

tkinwong

家長是最好的補習老師，因為你請私補，都無可能及得上家長對小朋友的學業咁上心。事實上，要搵好的私補或外補唔容易。

讀書心散這個問題，補習老師更加無法解決。

我的感覺是，成績好的學生，多是家長跟得緊，而這些學生也是可專心讀書的。

利申：小朋友讀小二，一直都是自己跟進小朋友學業。

Yanamami

補习成績唔－定好，自己跟貼d仲有效~

1998Ruby1998

接受到成績，唔怕佢落後少少（考中游）的話，就唔洗補。

retriever

Hayeungyeung 發表於 17-11-17 17:05
小朋友小二，小一時成績中上，但學習較為心散需要提點，平時都係我跟功課，暫時仲跟到進度。眼見成績好的同 ...

不用。

小心越補越衰。

assado

视付家長意向, 成績接受到就可以不用補, 時間可用在其他有用地方。