越來越擔心亞仔呈分試

chun媽

開心老實人 發表於 17-11-17 06:55
亞仔本身有學障困難，昨天對我說好驚呈分試考得吾好（吾夠時間做、吾識做）會入band 3,佢講完我真係眼淚直 ...

Hi, 樓主你提及仔仔有學障,其實學校知唔知?如果校方知道,校方有責任做一些調適的工作，例如,有些學生有聽力障礙,可要求校方做聆聽時為學生延長時間等,如果學校唔做,你做家長的,可要求提出的
即使是考DSE, 考評局早已為有需要的學生做調適的工作

chun媽

細仔已是中一生,去年,,記得在第三次呈分試時,他只有一科80多分,(其他科有90多分)回家時,他告訴我時,立時想哭出來,他對自己有要求，可見壓力有多大呢!

chun媽

今日睇都X日報頭條,提及小學有成3萬3小孩,有抑鬱,達臨牀水平,數字可謂不少
讀書路是漫長的,有些學生上中學後變成隱青,或有情緒病,不能不留意呀

YmOra

little_yolky 發表於 17-11-20 12:44
佢唔係講話要跳樓, 係真係行咗出露台睇風景.................

乜原來依家D小朋友會有咁多問題既????? ...

別誤會呀!!不是現在的小童問題多多,只是我歸納濃縮咗十幾個個案的問題讓你有些頭緒點去"誘導"而已啫!基本上,遇到難題的小孩子,都只會有以上的一個至兩個問題出現而矣!

YmOra

little_yolky 發表於 17-11-20 12:44
佢唔係講話要跳樓, 係真係行咗出露台睇風景.................

乜原來依家D小朋友會有咁多問題既????? ...

俾你嚇死,點都好,升中壓力係大係小都好,都係一個難得嘅機會與子女建立關係,共同面對孩子人生中的第一件有選擇性的大事呢!我都係响哩段時間裡大儲特儲大量嘅"關心"、"關愛"、"關懷"响女兒身上,ｅ＋升上初中,阿女越嚟越大,開始有自己的思想主見,無以前咁易被我儲蓄那些"""愛"""了.

妹妹頭

回覆 little_yolky 的帖子

如果冇咁多問題, 就唔會有咁多小學生又走去自殺, 係又死, 唔係又死, 死可解決問題咩, 死左, 連試下解決既方法都冇埋

mch411

我自己同太太都係BAND 5出身,
讀得書少, 只望亞仔中學好似車仔面樣樣有,
有得玩, 有得讀書(合格OK), 有D老死,
有得拍拖(唔好攪大人個肚),
肯同我分享下心事, 唔好讀書讀傻左,
唔好做空中飛人, 我心滿意足

little_yolky

YmOra 發表於 17-11-20 12:38
吓!嗰兩個字,若然孩子輕易說出係要更加正視,要加倍利用溫柔的說話與她傾傾計,誘導她說出原因或帶領孩子從 ...

佢唔係講話要跳樓, 係真係行咗出露台睇風景.................

乜原來依家D小朋友會有咁多問題既????????????????

mcl203

little_yolky 發表於 17-11-20 12:32
就係C6個發瘟仲要同個女嘈！之後佢帶阿妹去跳舞, 阿妹出門口之前都見到家姐行咗出露台, 佢居然乜都唔知, 乜 ...

咁就要靠你出手了～～～

可能，家長先減壓，再同囡囡傾下偈，理解吓佢憂慮D乜，再為佢減壓。目標可以定，但我估，令囡囡認識到並非必然之選，可升亦可跌，用心盡力已足夠，目標係可以變既。輕鬆下去游樂，未嘗唔係減壓既好方法，玩完再継續，要教懂佢自殺並非解決問題既正確方法，亦唔好常提令自己經常有負面認識，令佢明白問題只係好少既事，明天回望已唔係問題～～～

YmOra

little_yolky 發表於 17-11-20 12:00
我就是選低一band的方法了。而且佢今年响班入面個成績越來越突出, 我揀果間應該問題唔大, 所以我好懷疑佢唔 ...

吓!嗰兩個字,若然孩子輕易說出係要更加正視,要加倍利用溫柔的說話與她傾傾計,誘導她說出原因或帶領孩子從不太肯定的原因而慢慢確實原因係乜,一定要對正下藥.

建議誘導的方向,問題可以由淺入深,給點指向你參考下:
最近囡囡與同學間是否出現問題?誘導她講多D嘢!
摯友是否做咗D令她不快的事情或行為?
有否與男同學有關,例如男同學口不擇言?
最近成績大躍進,有些同學視為敵對人嗎?
是否因為睇到,或是聽到一些事而感覺難受?
喜歡咗男孩子嗎?
被同學仔屈與某男同學是一對?
邊個老師最近討厭多咗?
喜歡的老師去咗實習嗎?由代課老師代替嗎?
覺得老師處事不公允?不欣賞亦不認同嗎?全收在心底裡嗎?
無啦啦俾訓導主任無理責罵?
細心想想家裡最近是否發生過一些生活小事而導致現在的情況呢?
... ...

妹妹頭

回覆 little_yolky 的帖子

咁危險, 開始要正視問題了, 加油, 傾多D

little_yolky

mcl203 發表於 17-11-20 12:26
呢D可能對小朋友已經係無形壓力，係不少場合我都有提過，小朋友愛去遊樂場，基本上係適用於絶大部分。

你 ...

就係C6個發瘟仲要同個女嘈！之後佢帶阿妹去跳舞, 阿妹出門口之前都見到家姐行咗出露台, 佢居然乜都唔知, 乜都無理！好彩家姐今次話自己論盡又腳短, 估計自己抓唔過欄杆, 所以返番入屋。你仲旨意佢?

mcl203

little_yolky 發表於 17-11-20 10:16
即係話, 要捱到2019年3月.........依家只係2017, 佢個壓力好似早咗D.............
佢噚日問我暑假可唔可以 ...

呢D可能對小朋友已經係無形壓力，係不少場合我都有提過，小朋友愛去遊樂場，基本上係適用於絶大部分。

你大囡認該識諗㗎啦，就算你唔提唔俾壓力，升小會自然從多途徑接收訊息，亦會帶來壓力。對一個懂事型既女孩子，分析和鼓勵已經好足夠，佢哋自己會去跑，從旁觀察俾支援可能已經足夠，令佢地有安全感。或許，呢次可參考你先生意見，男仕大路野既睇法都唔錯㗎～～～

little_yolky

YmOra 發表於 17-11-20 11:39
老實講句,這種情況我都見過一些個案,父母要慢慢誘導孩子道出心中的"憂慮"是甚麼?!"浸"响憂慮中越短時間越 ...

我就是選低一band的方法了。而且佢今年响班入面個成績越來越突出, 我揀果間應該問題唔大, 所以我好懷疑佢唔係因為成績唔開心, 但問佢佢又話唔知點解, 總之就突然之間唔開心, 禮拜六果日仲話想跳樓。

YmOra

little_yolky 發表於 17-11-20 09:26
佢成日話唔知點解無端端會好唔開心。

老實講句,這種情況我都見過一些個案,父母要慢慢誘導孩子道出心中的"憂慮"是甚麼?!"浸"响憂慮中越短時間越好,尤其是因為"學業"而造成的憂慮,因為還需要繼續好幾年的上學,唔係話即時離開就離開,在發現情緒開始的早期及早治療或了解和開解,發生抗拒讀書想離開的機會會是最少,講真的,我識的jm都係用唯一一種方法解決讀書壓力所帶來的情緒問題,就是"""退而求其次""",選低於孩子Banding以下的中學,例如,B1a選B1b,B1b選B1c,到孩子升上中學,人成熟多了才有更大的能力應付壓力和情緒,那時,就算面對公開試DSE亦無問題呢!這點亦是把問題放响較適合的年齡去解決,可大大提升解決問題的成功率呢!努力加油呀！

妹妹頭

回覆 little_yolky 的帖子

唔好怪我多口 :

因為我啱啱個暑假話, 去埋今次旅行就兩年都無得去, 因為家姐要呈分, 要讀書。 <===依句已經係壓力