想找一間教得深和快的國際學校

picture

小朋友在本地小學念小2， 越來越沒心機，説很無聊。以他不好勝的心態，不太在意分數，所以在失去學習動力和興趣的同時，不會因爲分數低了而努力！

我希望找一間不會讓他覺得悶的學校，找到挑戰，重捨學習動力。 因為我不希望小孩子跳班（個別課目跳班也可免側免， 因爲自己小時侯試過，也是孤獨的路程）。

Jane1983

資優唔等於績優，有時會有一些情緒或社交問題，在本地學校如果遇到比較嚴苛的老師，可以好辛苦吓。

最近我女無意中講起佢班一個資優但情緒唔穩定的同學，幾個月前因為同學叫佢排隊定係點，佢好激動，幾大力咁打咗個女仔背脊一下，個女仔有喊。跟住老師調解咗，男仔道歉，咁件事就過去。無家長提起，亦無人講起，由得佢過去。細路哥其實好包容，好多時針對小朋友都係由老師開始...

shadeslayer

aidan08 發表於 17-11-30 10:45
同意樓上有jm說，你在這裡講要搵間教得深和快的國際學校，真係會令呢度D家長睇到眼突！各位的回覆確實已經 ...

對，一般lS看資優不看得很重，對孩子本身和同學也有好處。

lui

aidan08 發表於 17-11-30 10:45
同意樓上有jm說，你在這裡講要搵間教得深和快的國際學校，真係會令呢度D家長睇到眼突！各位的回覆確實已經 ...

少少分享。我系容易感恩的人。
去阿女的ESF tutor period .应该这两年也有的。同一个tutor 跟house 跟左女女四年。
每次去都inspire到我。
阿女不是太talkative .每次同tutor 的对答也差不多，講下讀書野。
但tutor 会問佢，引导佢答。
將佢冇為意的个人經驗一一帶出。
原来阿女做左好多野。
只想说，这样的引导，在LS是妄想。
然后阿女可以reflect .又加上父母的引导。
非常grateful

EconFather

國際學校教學是學生為中心，而傳統教育是用老師為中心。所以嚴格來說，要國際學校教得深同快，是沒有意義的。因為所有學習都是學生自我驅動學習。而傳統學校係授課，老師主動教得快，學生被拉住行。

如果要求國際學校教得快，而最後和家長預期不乎，那就不好了。

aidan08

同意樓上有jm說，你在這裡講要搵間教得深和快的國際學校，真係會令呢度D家長睇到眼突！各位的回覆確實已經好溫和，無叫你唔好諗IS，你的思考模式更適合比仔女讀LS。

講番正題，我相信大部分國際學校都會因應小朋友不同的程度去比唔同嘅嘢佢哋探索同學習，我呢度特別強調探索。因為佢哋進入一個課題，大多數都係由要學生探索開始，而唔會係單向咁要佢哋學咁簡單。我身邊有個例子。我仔讀港島其中一間ESF，佢有個自YEAR1開始就同班的資優同學。個同學仔Year3已能做到本地中學中四、五的數學。ESF會叫學生去網上玩數學遊戲做數學題，可以同全世界不同年齡嘅學生去比試。有次有個同學仔daddy，用咗個仔的account去同呢個資優同學比賽做中學最深程度的數學題，個daddy本身係律師嚟，佢係輸咗比呢個資優同學。我去睇我仔學校的exhibition 見嗰個同學做的porject似大學生做的論文。所以呢個小朋友係喺數學同語言範疇都係超出同齡小朋友好多。

呢個小朋友我可以講睇住佢大，我仔現年year 5，由year 1開始我已經睇住呢個小朋友的學習路程。我仔會話我知學校比D咩呢個小朋友做，同佢做的有咩分別。我仔係普通小朋友，有D嘢叻D，有D無咁好。在班中，其實做什麼都分晒程度。個資優小朋友數學堂有時會去咗同校長上，我仔學校的校長係教數學的專才，所以佢會特別教一D程度好高的小朋友。一級中有兩、三個小朋友會有時去校長室上數學堂。另外老師會特別比個資優小朋友做一D工作，令佢有所發揮，好似最近我仔全級要攪一個fair賣嘢籌錢，個資優小朋友除了要同其他同學一齊參與做個攤位賣嘢之外，學校又會叫呢個小朋友打份發比全校家長的通告，解釋呢次活動的目的，叫佢哋支持，比錢D小朋友帶返學校等。因為呢個資優小朋友的語文能力強，所以比佢做呢件額外的工作。所以，睇得出學校喺好多位都會特意比呢個小朋友發揮，同埋挑戰，但又唔會分開佢同其他同齡小朋友一齊學嘢。

上述嗰位小朋友，就咁睇係好叻，好特出。可能在LS係老師寵兒。因為學術爆分。但在我仔學校，佢唔係一個人人仰望的人。呢個小朋友有其他問題，情緒控制好差，有時challenge老師，甚至會發老師脾氣，社交亦有問題。我仔都會見到。小朋友因而得知每個人都有優點缺點，無人係叻晒。而且老師嘅態度唔會比其他小朋友覺得特別重視或欣賞呢個資優小朋友，因為在好多外國人眼中，學術突出不代表什麼。佢哋講求平衡，而且對一D價值係遠遠重視過學術成績。好似佢哋欣賞小朋友肯幫人，最喜歡小朋友盡力做好每件事。呢D好明顯，因為老師只會對呢D行為大讚特讚，而本身在某方面天資特別好卻不會被老師大讚，除非個小朋友表現得係盡其所能，又會幫助其他小朋友。所以，學術點好唔會被老師厚待，佢哋只會分程度咁去教小朋友，而且著重思考過程多過結果。我去我仔學校觀課，係睇佢哋上數學堂，佢哋做緊一D problem solving嘅題目，我見兩個小朋友一組咁做。老師最後攞出來向全班讚賞的不是做得最快最準確嗰組，而係將思考過程寫得最detailed，表達得最好嗰組。

我講咁多嘢，係想講IS同LS真係兩個世界嚟，佢哋嘅教學方法，重視嘅嘢係完全唔同。我好少聽到有小朋友覺得課堂悶，佢哋永遠有方法要小朋友動手動腦去做去學，而且你愈叻佢哋比愈難嘅嘢挑戰你，而唔係spoon feed 你學晒佢。我個人覺得，即使佢哋唔分程度，佢哋嘅教學方式好少小朋友會覺得悶。而圍繞一個課題分程度咁去教亦係好多IS會做嘅嘢。

lui

回覆 Sandy.hhp 的帖子

For my cousin's kid case, he waited list for P1 at QBS for 1.5 years still not able to get a spot. He then changed to CWB ( cos he moved to TKO) in April and got the interview invitation for p2 around June/July. I supposed it was easier to get a spot in CWB than QBS. Of course this was the past experience only.

Sandy.hhp

lui 發表於 17-11-15 09:04
ESF你最好排香港区的，即系搬，九龍除了CWB,另外两間排五年也未到你

Cwb學位比較多嗎？有興趣yr1 轉，但驚好難收

薑炳人

Activehealth 發表於 17-11-15 22:49
不如睇吓呢個

鏗鏘集

謝謝！很好的分享

Artie

picture 發表於 17-11-14 10:27
小朋友在本地小學念小2， 越來越沒心機，説很無聊。以他不好勝的心態，不太在意分數，所以在失去學習動力和 ...

很多資優 / 聰明的小朋友也不會在意分數，尤其小學時多數唔 care。
其他人溫習 60 分鐘才有 90%，他用10 分鐘 prepare 已經有 90% ，他會覺得為何要花 30 分鐘 prepare 去拿 98%？唔化算。
西方教育較人性化，大多會分組，有較 advanced 的 group ，或較 lag behind 的 group。
所以大部分的西方課程的學校也可以考慮。

picture

lui 發表於 17-11-15 09:04
ESF你最好排香港区的，即系搬，九龍除了CWB,另外两間排五年也未到你

多謝分享經驗！

picture

lui 發表於 17-11-15 09:14
我相信你本身资优，小朋友inherent左也冇走雞。這時候也可見見教育心理學家，看看他們的評估及意見
...

我沒有130，當年沒有，現在應該更加沒有！

picture

Baymax2009 發表於 17-11-15 00:35
+1

無自我驅動力是主因，應重點檢討。

他原本有的。只是在不foster這種態度的環景下 看著他慢慢偏離。

Activehealth

不如睇吓呢個

鏗鏘集
年年考第一都要轉校？
寧願學少啲，但開心啲？

「另一片天」
全集重溫：
https://www.youtube.com/watch?v=M_a3XMGLkag

#年年考第一
#自然教育
#踢波美好回憶
#露營
#另類學校

964000

ol_bb 發表於 17-11-15 10:18
資優最難處理是情緒同社交方面！佢地有興趣既學科反而會不停睇書去鑽研去尋求答案！IS最大好處是功課不多， ...

還有一様麻煩，佢地會質疑好多野

ol_bb

資優最難處理是情緒同社交方面！佢地有興趣既學科反而會不停睇書去鑽研去尋求答案！IS最大好處是功課不多，學生可以有大量思考空間...

964000

lui 發表於 17-11-15 09:14
我相信你本身资优，小朋友inherent左也冇走雞。這時候也可見見教育心理學家，看看他們的評估及意見
...

資優都未必適合local school

lui

picture 發表於 17-11-14 10:27
小朋友在本地小學念小2， 越來越沒心機，説很無聊。以他不好勝的心態，不太在意分數，所以在失去學習動力和 ...

我相信你本身资优，小朋友inherent左也冇走雞。這時候也可見見教育心理學家，看看他們的評估及意見

lui

picture 發表於 17-11-15 08:57
非常理想的結果，恭喜你！
我們起初是有打算中2 到外國念書，還沒有開始 research。
最近又和有類似經驗的 ...

ESF你最好排香港区的，即系搬，九龍除了CWB,另外两間排五年也未到你

lui

picture 發表於 17-11-15 08:41
謝提議。

I think your gal is In DGJS right? Or it is your another kid? 国际学校同local 最大分別系一个“学”through their own hands ,一个”学”through the teachers. 如果加入自己学的原素，学起來更加積極。我两个小朋友，大的在ESF,小的在local .小的学校不是傳统。亦有相當的時間learn through her own hands.所以佢回家跟我說科学實驗的findings.
小学ESF 我不知分stream 未。小朋友有困难你找方法，欣赏你。祝成功