妳地以前啲小學老師係咪都會打學生?

Charlie妹

我讀小學時，曾經俾英文老師用間尺打手掌，飛本簿落地下，要我去執返。而原因只不過是我抄寫生字時，本來有5個生字要寫在另一版，唔知點解當時我諗住慳位，就寫在footage個位，佢就勁鬧。嗰陣覺得勁無辜，覺得我又唔係無寫，解釋咗，佢再話仲有咁多版你用得晒咩？又試過有次男同學摸我大脾同心口，我大聲話: 你再摸我告你非禮㗎! 點知就俾老師聽到，捉咗我兩個出去，會惡咁問我，你要知道非禮係好嚴重嘅指控吓! 佢係咪真係有摸你，摸你邊度，你好講啦！我當時好驚，就話都係無事啦～佢再話我講大話，呢啲嘢唔准亂講。之後另一個男同學又摸我同其他女同學心口幾次，我地見佢就用手遮住心口同走開，無人話俾老師聽。呢間唔係名校，只是地區一間幾多家長追棒的小學，但只留給我好唔愉快嘅經歷。希望而家已改善。

Charlie妹

tutik 發表於 17-11-8 22:29
我又係天主教學校，都打得勁架。
有個男老師鍾意敲頭売(食菱角)，冇喇冇剩 家長又唔知，冇仇報。有個女老 ...

咁真係好緊要喎。我突然諗返我個老師會用膠紙封住講嘢同學個嘴，再罰企及mum耳仔。咁相比之下，你嗰間好得人驚。

tutik

little_yolky 發表於 17-11-9 08:28
咁我哋學校好就好在唔會冇喇冇剩俾人打, 打親你就一定係有嘢既。所以唔犯錯就得, 都唔係咁恐懼。 ...

細時成日諗，唔比傾偈，如果我問嘢算唔算傾偈？如果冇人彩我，自言自语又算唔算叛規，就係咁得閒，所以出事。呀仔亦繼承我既衰嘢，所以我好了解佢。

little_yolky

Jessy 發表於 17-11-8 23:33
小五小六時英文老師有用鐵呎打手板, 欠交功課或做漏改正就要打, 我都衰過一次睇漏左無改正, 鐵呎打真係好鬼 ...

好彩我哋欠交功課剩係罰企籃球架。

little_yolky

tutik 發表於 17-11-8 22:29
我又係天主教學校，都打得勁架。
有個男老師鍾意敲頭売(食菱角)，冇喇冇剩 家長又唔知，冇仇報。有個女老 ...

咁我哋學校好就好在唔會冇喇冇剩俾人打, 打親你就一定係有嘢既。所以唔犯錯就得, 都唔係咁恐懼。

retriever

tutik 發表於 17-11-8 22:29
我又係天主教學校，都打得勁架。
有個男老師鍾意敲頭売(食菱角)，冇喇冇剩 家長又唔知，冇仇報。有個女老 ...

所以都話天主教學校係好正架。

kwunpa

木間尺打手板就日日都發生。

小四時，有老師欏鐵間尺打。唔系打手板，系要學生伸一隻手指出來，放上老師桌子邊，老師好似揸菜刀甘，用鐵尺邊剁手指，好似剁豬肉甘剁！

Jessy

小五小六時英文老師有用鐵呎打手板, 欠交功課或做漏改正就要打, 我都衰過一次睇漏左無改正, 鐵呎打真係好鬼痛.  不過這英文老師教得好好架, 其實學生們都好喜歡佢教書.  

bbjanbb

80後
小學時被老師兜把星

tutik

little_yolky 發表於 17-11-8 15:15
我哋係天主教學校, 日日馬利亞照住, 老師都照打, 我哋不論乖定曳, 只要有錯, 照打, 一巴掌車埋嚟, 仲勁過 ...

我又係天主教學校，都打得勁架。
有個男老師鍾意敲頭売(食菱角)，冇喇冇剩 家長又唔知，冇仇報。有個女老師轉堂傾偈捉出來排隊用雞毛掃打手板，有次我中咗，記得把雞毛掃「發」落嚟嗰下聲，嗰種疼痛由手板傳入手臂，再上頭，一陣麻痹，個個頂唔住都爆喊，隻手到放學仲係又红又熱。
見有人被抽起耳仔，個同學要腳尖掂地，聽講有人耳朵皮膚被撕裂損咗。
返小學時果種地獄式恐惧係半世人最可怕既一段時間。

little_yolky

brother4 發表於 17-11-8 15:43
25年青春讀16年的書估所有懲罰都嘗到如坐無影凳，扭耳仔，竹間尺，罰抄，罰企；冇同學做朋友，組隊永遠最後 ...

我小學有老師罰企垃圾桶(因為同學衰到如同垃圾, 所以企垃圾桶), 罰响個位度跪响度, 一巴掌打到唔知耳仔定鼻哥流血, 流到件校服好多血, 打電話叫阿媽攞衫換, 連阿媽都鬧埋, 話佢個仔懶, 你試過未..............

熱媽

我中學時，同學做錯事有老師用間尺介佢耳仔，好似想切隻耳仔落黎，堅變態

brother4

25年青春讀16年的書估所有懲罰都嘗到如坐無影凳，扭耳仔，竹間尺，罰抄，罰企；冇同學做朋友，組隊永遠最後一個。。

little_yolky

retriever 發表於 17-11-8 15:29
我哋個位用米尺既老師，真係五爪金龍 兜巴星!

我哋學校只有校長用間尺打人, 校長無米尺, 係幾把間尺縛埋一齊, 成寸厚。其他老師都係真功夫, 赤手空拳。不過都唔係個個老師打人, 同埋全部打人既都係女老師。

記得我小學志願係做老師, 因為覺得可以隨便打人, 實在太好了。不過到高小好似政府立例老師唔准打人, 所以我改咗志願, 之後一直想做警察。

retriever

little_yolky 發表於 17-11-8 15:15
我哋係天主教學校, 日日馬利亞照住, 老師都照打, 我哋不論乖定曳, 只要有錯, 照打, 一巴掌車埋嚟, 仲勁過 ...

我哋個位用米尺既老師，真係五爪金龍 兜巴星!

little_yolky

Jane1983 發表於 17-11-8 14:40
回覆 little_yolky 的帖子

我小五都遇到個年年留班，大我地好多的男同學。有日佢同埋另外一兩個同學講咸嘢 ...

好似我哋呢D緊唔會俾人蝦, 當年除咗我之外, 所有女同學都默默忍受。我其實好善良架, 我俾咗一次機會佢, 但佢不知悔改, 我至打鑊佢甘。我打佢一鑊之後, 佢就唔敢再錫我了。

little_yolky

HaYi 發表於 17-11-8 13:33
我小学只是好普通地區小学，我算模範生，老師好锡，其它同學較乖，宗教氣氛濃，老師多為教徒，冇打人.

上 ...

我哋係天主教學校, 日日馬利亞照住, 老師都照打, 我哋不論乖定曳, 只要有錯, 照打, 一巴掌車埋嚟, 仲勁過降龍十八掌。

b3410

retriever 發表於 17-11-8 11:27
當年。。。

老師係用 米尺 打手板，有約1CM 厚的木尺。

讀男校？

Jane1983

回覆 little_yolky 的帖子

我小五都遇到個年年留班，大我地好多的男同學。有日佢同埋另外一兩個同學講咸嘢笑我，講得好露骨，我忍無可忍同訓導主任講，佢好似都好大鑊吓。

HaYi

我小学只是好普通地區小学，我算模範生，老師好锡，其它同學較乖，宗教氣氛濃，老師多為教徒，冇打人.

上中学官立，玩得來的都乖，老師最多冷淡些，打人冇，可能資歷耐，睇化，吾燥