地利亞青衣英文小學好唔好

Ivycctktc

想問大家地利亞青衣英文小學好唔好

cutieringo

朝朝返工都見到地利亞小學啲學生，就算南亞裔既學生，都好似一般既本地生咁，唔覺得特別頑皮！

試過係青衣城KFC，見到啲同學仔用流利既英文傾計～

Ivycctktc

Thx🙏🙏

gogogo2

同屋苑有位mix小朋友返地利亞青衣英文小學, 佢好鍾意間學校, 小朋友好有自信, 好友善, 活潑, 成績就唔知喇, 唔係同佢太熟, 冇問. 佢媽咪係華人但講英文的, 都好友善好有禮貌.

我仔有幼稚園同學升左上地利亞青衣英文小學, 小朋友又乖成績又唔錯, 佢地家庭關係好好的, 都係mix.

鍾意跳舞的話入地利亞都唔錯, 校隊有東方舞, 拉丁舞, Jazz etc, (不過未必年年都開足3樣), 差不多年年都攞到d獎, 選到入校隊可以學到合作精神同面對人群, 詳情可去學校網站睇.

間間學校都有壞學生, 我唔知地利亞青衣英文小學多唔多, 不過外籍小朋友比較活潑坐唔定就係真既,我覺得活潑坐唔定又唔等如壞既, 而且家教好重要, 學校點好都不能取代.

要有心理準備, 我估計中文科係正常進度, 唔會好似官津咁深.

我只見過校長, 未見過其他教職員, 校長好好人的.