初中中史擬教古今中港連繫 魏晉南北朝講起 另增回歸歷程

elbar

【明報專訊】教育局決定下學年落實將初中中史列為獨立必修科，並於本月底就課程展開次輪諮詢，據知當局提出中史科內容調整，包括加入《基本法》的制定，及加入魏晉南北朝以後各朝代與香港的關係，以突出香港自古以來與中國的關係，期望2019/20學年學習新修訂的中史課程。


次輪課程諮詢月底開會


教育局近日公布於本月30日召開第二輪修訂中史科課程諮詢會，當日會派發諮詢文件，會議由下午2時半至5時半，人數上限為400。初中中史科首階段諮詢去年10月底結束，當時有業界人士指出修訂後的課程大綱「重盛世、輕衰亡」，認為涉政治考慮。教育局於今年5月突宣布第二輪諮詢須「延期數月舉行」，以讓當局有充足時間整理及安排相關諮詢事宜。


據了解，第二輪諮詢文件在學習內容方面有更多細節，朝代更替及興衰部分加入以往提及較少的朝代，例如三國、晉朝、五代十國等，佔150個課節中逾110個課節。香港史和文化史方面，課節則有30多個，當中香港史部分的「預期學習內容」，建議老師教授中共建國以來香港與內地的關係，包括中英兩國就香港前途問題談判的歷程、基本法的制定，以及香港特別行政區的成立及其概况。


「重大一統輕亂世」有調整


此外，有關香港與中國關係的內容亦有增加，包括加入魏晉南北朝以後各朝代與香港的關係，加強中國和香港在歷史上的連繫。


早前較多中史教師關注的「重大一統、輕亂世」方面亦有調整；首輪諮詢亦有教師指太多文化史，課時不足下教不及，今次諮詢文件亦建議可讓教師選擇教少一個題目。


預期2019/20學年教新內容


修訂初中中國歷史及歷史課程專委員會主席梁元生稱，盼學生可於2019/20學年學習新修訂的中史課程，他又指是次修訂已花了數年時間，「拖來拖去，都是政治考慮」，指委員會只從教育出發，希望大家不要「搞咁多政治考慮」。至於課時問題，他指150個課節一定「教得完」。他又認為是次對象是初中生，把課題說得太深入是「超出他們的理解」。

王家爸爸

JustAParent 發表於 18-5-19 11:03
本帖最後由 JustAParent 於 18-5-19 11:04 編輯

唔好一竹篙打一船人， 中國篡改歷史嘅程度， 全亞洲都 ...

日本、韓國篡改歷史嘅範圍、力度都遠勝中國。

2jkidsfather

王家爸爸 發表於 18-5-18 17:45
亞洲國家既歷史都係咁，所以我叫小朋友唔好讀中史。亞洲歷史係用來食飽飯，無野做既時候研究既，唔係用來考 ...

Yes, for 研究, not for 考試

October.

三國、魏晉南北朝是個英雄與名士輩出的時代，如果教科書寫得夠詳細文筆夠好，會係好好睇，學生哥當故事咁睇，讀呢段中史會冇咁悶。

JustAParent

王家爸爸 發表於 18-5-18 17:45
亞洲國家既歷史都係咁，所以我叫小朋友唔好讀中史。亞洲歷史係用來食飽飯，無野做既時候研究既，唔係用來考 ...

唔好一竹篙打一船人， 中國篡改歷史嘅程度， 全亞洲都要叫佢做師傅！

另外， 高中唔修中史，初中都要讀。 我經常提醒阿仔，中史同Phy Chem Bio一樣計咁多分， 高中唔想讀中史依家唔該背好中史，唔係高中等住讀新版中史啦。

王家爸爸

JustAParent 發表於 18-5-18 17:28
你唔覺得要漂白， 因為你係港英教出來既。

我好現實，書本寫黨內反腐，你話人地係派別鬥爭。我現實Ｄ，如 ...

亞洲國家既歷史都係咁，所以我叫小朋友唔好讀中史。亞洲歷史係用來食飽飯，無野做既時候研究既，唔係用來考試既。

JustAParent

王家爸爸 發表於 18-5-18 13:56
我又覺得老毛啲錯失唔需要漂白，咁先至有可能從錯誤中學習。「厲害了我的國」要睇，但係老毛引起既浩劫都需 ...

你唔覺得要漂白， 因為你係港英教出來既。

我好現實，書本寫黨內反腐，你話人地係派別鬥爭。我現實Ｄ，如果考試，有冇分㗎？

王家爸爸

JustAParent 發表於 18-5-18 12:56
出版社official notes, 一字不改capture screen.  有時間再影本書。

其實，呢個史觀唔係出版社自己發明。 ...

我又覺得老毛啲錯失唔需要漂白，咁先至有可能從錯誤中學習。「厲害了我的國」要睇，但係老毛引起既浩劫都需要研究。
反右運動係黨內鬥爭，將黨內對手劃做「右派」，然後批鬥，係典型既give a dog bad name and hang it。

王家爸爸

無知人 發表於 17-10-20 10:32
母親/父親懷裡就係生不如死，寄人籬下反而東方之珠。
唔好意思，無性別岐視。

反認他鄉是故鄉。

JustAParent

kwunpa 發表於 18-5-18 09:48
中史書已經變灑系甘？
可唔可以影果頁中史書來睇睇？謝謝！

出版社official notes, 一字不改capture screen.  有時間再影本書。

其實，呢個史觀唔係出版社自己發明。不過，既然老毛自己都認佢想"引蛇出洞"，係"陽謀"，教歷史既，唔洗幫佢漂白、唔駛兜啦。

18-5-18 12:56 上傳

下載附件 (79.4 KB)

kwunpa

JustAParent 發表於 18-5-18 08:55
我呢Ｄ殖民年代既理科生，放低本歷史書Ｎ年，周至清大事盛衰尚且記得清楚。依家回歸咗廿年，中史左改右改， ...

中史書已經變灑系甘？
可唔可以影果頁中史書來睇睇？謝謝！

JustAParent

我呢Ｄ殖民年代既理科生，放低本歷史書Ｎ年，周至清大事盛衰尚且記得清楚。依家回歸咗廿年，中史左改右改，越搞越垃圾。遠既歷史又話唔駛太深入呢Ｄ朝代省略呢Ｄ朝代又教少Ｄ，近百年近代史又要漂白，好似最近睇阿仔本中史書，我先知道原來由鳴放運動發展到反右運動，係知識分子過分批評政府，迫使老毛出手拉人封艇，真係長知識！遲幾年，我估學生乜嘢朝都唔使讀， 上堂睇"厲害了我的國"就搞掂。

tkinwong

雖然係無得追究，但其實老董年代點解會癈歷史科，現在又整番出來？

王家爸爸

LingChiBaBa 發表於 17-11-17 18:30
今時今日新時代……思想，中立已經係政治不正確。

古代史還可以中立，近代史就難啲。

LingChiBaBa

王家爸爸 發表於 17-11-17 11:54
當年我都係主要讀甲部（古代史），有趣之餘又無政治正唔正確既問題。

今時今日新時代……思想，中立已經係政治不正確。

akys

王家爸爸 發表於 17-11-17 17:20
我哋理科人讀中史好少死記（當然唔可以唔記啲基本史實），幾千年裡面唔少係有規律既，有循環既。例如東漢開 ...

呢班皇帝細細個就要讀經典和歷史，但永遠都走唔出個循環，所以我成日話歷史係用來驗證事件嘅重複，並不是什麼以古鑑今，避免犯錯。

王家爸爸

bigboyenzo 發表於 17-11-17 15:35
中史課復活，課程範圍唔係最重要，最重要係點樣讀，30年前我讀中史，由夏商周背到民國，背足3000年，治亂興 ...

我哋理科人讀中史好少死記（當然唔可以唔記啲基本史實），幾千年裡面唔少係有規律既，有循環既。例如東漢開始明顯既宦官、外戚交替循環。皇帝死，少主即位，母后、外戚臨朝，到少主成年時，只好靠宦官奪回政權，清除外戚。到宦官秉政，宦官令皇帝沉迷玩樂、練丹、好色、昏庸，結果玩死咗個皇帝，少主即位......一路去到明朝。每次演員唔同，因應唔同演員，劇情都有啲改變，但係每次既故事主線基本上類似。

王家爸爸

moon.ng 發表於 17-10-29 07:11
此一時彼一時，現在又有好多香港人移居內地，特別是珠三角地區！

正所謂，三十年河東，三十年河西，經濟改革之後，中國好多城市經濟唔比香港差。

王家爸爸

little_yolky 發表於 17-10-27 13:30
初中一定要讀通史, 到高中就可以讀斷代史。我就最憎讀經濟史同思想史, 悶到爆炸。先秦歷史真是有趣極了。:i ...

當年我都係主要讀甲部（古代史），有趣之餘又無政治正唔正確既問題。