請問用咩方法去教小兒認知概念？

kiukiuwzhoho

我仔已3歲半，見過健康院，i位老師，特殊技能導師，言語治療師，都說他是有自閉特徵，現在已排政府做評估和會去私家做評估，請問各位媽媽，怎樣令專注力弱嘅小朋友專心學習，他現在還未識大小，上下，顏色，你我，男女等概念性分別，很擔心太遲發現他自閉過了黃金期就教不好他。

cheechi

kiukiuwzhoho 發表於 17-10-25 23:58
有興趣呀，謝謝你分享！
其實咩叫ABA教學？

經驗所言，我覺得ABA比較適合自閉小朋友，因為呢套方法除左教學術外，仲教埋A仔最需要學習既服從指令同溝通技巧

sissielo

kiukiuwzhoho 發表於 17-10-25 23:58
有興趣呀，謝謝你分享！
其實咩叫ABA教學？

ABA(運用行為分析法)是將一個合成的指令,拆成一個個小而簡單的步驟,使自閉兒能聽懂且跟從複雜的指示,如同將一棟房子拆成一塊塊磚頭, 教自閉兒認識一塊塊磚,然後合成一個大型綜合作業,當他懂得將磚放在另一塊磚上,我們要立即給予獎賞,使孩子明顯地區分對錯,並著重調整行為態度問題.

這個訓練自閉兒學習的方法是由出生挪威的羅法斯博士(Dr.Ivar Lovaas)所發明,
基本原則在於如何 “迅速地”強化正面的服從態度,使正確行為能重覆發生,並如何 “切實地”不理會負面行為,使失常行為失去傳達需要的力量,並逐漸教導孩子認知這是一個不被接受的行為.

你上網查查便可理解。

kiukiuwzhoho

sissielo 發表於 17-10-25 19:22
看你說見了這麼導師，相信他們都教了你一些方法，相信你兒子認知上有點落後，除了跟治療師的建議家中練習 ...

有興趣呀，謝謝你分享！
其實咩叫ABA教學？

sissielo

kiukiuwzhoho 發表於 17-10-15 09:31
我仔已3歲半，見過健康院，i位老師，特殊技能導師，言語治療師，都說他是有自閉特徵，現在已排政府做評估和 ...

看你說見了這麼導師，相信他們都教了你一些方法，相信你兒子認知上有點落後，除了跟治療師的建議家中練習，你其實還可以做好多。你喜歡看書嗎？之前我都在這裡爬文，見到有人推介了一本家中訓練手冊，有關認知，語言等訓練，抱著一試無妨心態淘了回來看，發覺很好很有用。基本上，手冊都是教你些ABA的方法，循序漸進，很多好簡單，你可在家中和仔仔試做，你有興趣可pm我書名。

kiukiuwzhoho

smallfish28 發表於 17-10-24 23:28
眼神點？ 如果專注弱真係好難教，要練左注意力先。
大小要搵同一樣野佢知大小， 我會好誇張表達大（大聲， ...

哇，你呢d方法真係唔錯喎，我都試下先，不過佢專注力好弱，連而家返學嘅功課，一拎出來就走，要爸爸捉住，我就在旁問佢，不過佢根本都唔識點分相同定不相同，所以都只係我捉住佢手做咋

smallfish28

眼神點？ 如果專注弱真係好難教，要練左注意力先。
大小要搵同一樣野佢知大小， 我會好誇張表達大（大聲，隻手劃個大圓形），細就會細細聲，小心翼翼咁係手心留個細圓形，最好用d佢鐘既野引佢會好d
另外試過佢放唔入某架太大既車既野入某個盒/洞，我會話大車車唔得，之後用細車，同佢講得！
上下未識，但我覺得係後續既野，如大細車分別放上下，再教佢分上下。
顏色我係教配對先，我用唔同顏色泥膠整個圓形，d泥膠盒蓋返蓋，每次俾一個顏色波佢，要佢放返岩既位上面， 佢一路放一路講係咩色。step2, 一大堆顏色波叫佢例如：「橙色波放邊？」
慢慢就會識。
你我唔識教
男女可以先試一邊性別，都係佢要知道男女特徵後先教佢，例如女仔長頭髮，顏色衫等，佢要識左呢d先

kiukiuwzhoho

我小朋友只鸚鵡學舌，完全唔理解問題，而且佢經常講埋無關係嘅說話，教佢講野時就突然唱歌

vincelo29

我小朋友都有自閉傾向，當時3歲幾特殊老師教上、下、有、無、數數字（1-10）、分類（動物、蔬果）、顏色，上到K1才開始學你、我，K2初開始學分男、女、大、細、長、短，所以唔使咁急，慢慢分類按步學，你小朋友識講話嗎？

KCHK

kiukiuwzhoho 發表於 17-10-15 09:31
我仔已3歲半，見過健康院，i位老師，特殊技能導師，言語治療師，都說他是有自閉特徵，現在已排政府做評估和 ...

先教男女， 然後教顏色， 跟著教大小， 上下。男女點教我唔知點教你， 因為我只係不斷問媽媽係男仔定女仔， 爸爸係男仔定女仔， 其實佢可能一早就已經知道， 只係不斷提佢。 顏色就找一些佢鐘意的玩具（如果佢係鐘意車， 咁就用來做訓練， 問佢咩顏色， 然後又比佢攞來玩。另外上治療堂老師有無比教材返屋企練習呀？在家自己做訓練需要諗下有無足夠教材， 這個真的要花點心意， 你的目標是要吸引他注意你講什麼， 你先可以教佢