做投行iBanker點解賺咁多錢？

elbar

做投行，從來都係賺大錢的代名詞。觀乎StealJobs上面投行的Job Reviews，唔難發現做投行收入普遍高得驚人，以Front Office尤甚。

做iBank固然亦係辛苦的代名詞：工時超長，通頂時有發生，而且仲要任勞任怨，尤其係Analyst及Associcate呢D初級職位(雖然收入已經高過全香港90%的人)。而即使一路升職到VP, Director, MD呢D位 (假如未Burnout轉行的話)，亦唔見得會有任何Work-life balance：從被老闆捽變為被客戶捽，光線的西裝，名牌大學學位已經甲級寫字樓的玻璃門表面下，就係要和顏悅色服侍小學未畢業的山西煤老闆與財大氣粗的基金經理。

做ibank固然辛苦，但亦解釋唔到一個問題：大家都打工，但點解特別係 banker會搵咁多錢？

首先必須睇下 Banker 究竟賣乜

投行同任何公司一樣，都係一盤生意，而且係屬於 Advisor 及 Agent類的生意，本質上同車行同地產代理差唔多。例如係二手車行Sales，賣一部二手Audi A4車價20萬，代理的車行可能賺到5%，即係1萬蚊佣金。必須以量取勝，而Sales需要向客戶介紹車輛性能及基本資料。

又例如地產代理，賣一層樓價800萬的「上車盤」，地產代理袋1%佣金，即係8萬蚊佣金。做一單相等於好多人幾個月收入。而代理需要帶客戶睇樓，介紹單位座向間隔，甚至提供樓價走勢的意見。

然後就到投行的Investment Banking部門，本質上就係買賣公司 (及融資：賣股份或賣債券) ，而且係賣以十億元計的公司股份或債券。

假如一單十億元的「中型Deal」，投行的專業費用就可能係6%即係6000萬。而投行要做咩？其實本質上同以上的銷售及建議職能一樣，但金額大好多之餘，仲有好多調查要做，而且有非常複雜的商業條款及法律問題需要談判及釐清。

假如錯任何一個範疇，一單Deal隨時就此作罷。所以需要極度Specialised及富經驗的專門投資銀行家處理。因此，佣金的%可以維持在相對高的水平：因為並非任何人想做就做到以上極度Technical的工序。

由此可見，呢個就係點解投行咁賺錢的第一個原因：超高額產品的銷售帶來的巨額佣金及專業服務費用。

其次，睇下投行開支，相對來講，Investment Banks會比Commercial / Retail Banks賺錢，原因係開支細好多。

以Retail Banks為例，要收取市民的存款並借返出去賺利息差價，周街都要開銀行分店地鋪，每間分行都要請好多Tellers及經理。開支頗高。

但投行相對來講，開支細得多。雖然投行大部份都處於頂級甲級寫字樓，但要處理一單數以十億元計的Deal，其實往往都係一條得幾個人的團隊。而投行裡面有唔少幾個人的團隊，而且 (Ideally) 互相良性競爭鬥業績。

雖然投行Banker (front office) 年年袋袋平安以「球」計的收入與花紅，但假如返唔到數，一樣會炒人需要另謀高就。因此，投行呢種Businss Model，只要經濟活動 (ECM, DCM, M&A 等等) 維持正常增長，就算要比投行Banker天價收入，一樣年年賺大錢，因為一個Banker的天價收入背後，往往就係幫公司賺左天價收入 3x – 6x的超級利潤。

如果咁好賺，咁點解無更多人開投行分一杯羹？

主要係因為呢個確實係哥 Imperfect competition的市場：在巨額融資市場，訊息普遍不透明，基本上第一手「市場消息」只能透過人際關係及專業關係的信任而取得。而且，正如以上所所講，做投行Banker需要嚴謹而系統性的長期訓練，唔係人人做到，而且非常Technical亦唔係賣樓咁簡單。

SJ結語

由此可見，做投行 (如果市況好而且Run得順) 係可以賺好鬼多錢，而且有經驗而Well-trained 的Banker在市場上亦非常難得，所以大量獵頭公司以靠呢行搵食：幫投行A從投行B/C/D/E 撬某極度專注某職能的Banker過來 。

呢個基本上就係投行個Business model，未必所有行業裡面最賺錢 (大把真正暴利行業，而投行歸根究底亦只係賣時間而已)，但肯定係著西裝的行業裡面比較好賺的行業。

interview

youma 發表於 18-6-22 00:05
Depends on how you define "好".

以lawyer打工搵銀計, 做compliance officer/head當然不是最高, 但也算 ...

我見d
人成日轉工，還有這些職位未被大陸人蠶食

我自己做過大行，十幾年前已開始見少香港人能入frontline

youma

interview 發表於 18-6-21 22:02
讀law 做compliance 是否好出路？

Depends on how you define "好".

以lawyer打工搵銀計, 做compliance officer/head當然不是最高, 但也算中上和工作穩定. 出事也易轉工.


不過, 不是讀law degree便可入行. 最好曾做過regulator / i-banker, 另要熟悉 Securities Ordinance / FRR / Accounting/ Auditing standards / IPO,  M&A practices / IOSCO, Basel, HKMA, Exchange & Clearing Rules etc, 仲要捱得.

interview

讀law 做compliance 是否好出路？

youma

hillary1938 發表於 18-6-4 13:39
risk man, compliance, legal, product dev........
don't u think Risk assurance, Risk Management, compliance, legal not hard working !!!!????
don't comment if u are not that industry !

1.
Why one cannot comment if not in the industry?

2.
你又肯定我冇做過Risk assurance, Risk Management, compliance, legal? 而做過這些亦唔見得好了不起! 在網上, 冇謂狗眼看人!

3.
而且, 我亦冇講過risk man, compliance, legal, product dev 唔辛苦, 只是說有學歷的話, 由前綫做deals轉去做這類mid office會襟捱D. 可能我寫得唔好.

4.

有學歷當然不是指單有degree. 兼有CFA, CPA, actuary,lawyer 等或multi qualifications 應是基本吧.

5.
網上藏龍伏虎, 我就唔敢貶人抬己.

Doray

其實投行或bank 都係壓力大嘅工，唔係點解釋人工高過其他行業，尤其外資bank, 請一個人expect 你做個半至兩個人嘅嘢，好多做bank 頂唔住都退早退休，我啲friend 做risk 同compliance都有，都有分享難頂之處

hillary1938

事實係一樣好辛苦的!  經常有OT  7 days a week 的情形出現!

hillary1938

youma 發表於 18-2-15 19:49
在香港, 所謂投行老細, 其實個個都只不過係高薪打工仔, 尤其做前綫(trading, sales, M&A, IPO) 隨時可以起 ...

risk man, compliance, legal, product dev........

don't u think Risk assurance, Risk Management, compliance, legal not hard working !!!!????


don't comment if u are not that industry !

ANChan59

ACE2126 發表於 18-4-12 16:34
今天香港人的優勢是什麼？廣東話？獅子山精神？

你指後生那一批，還是整體？

如果是整體，我的經驗是去到某些高階的，還是專業，誠信，視野及團隊合作！

當然你可以反駁，「陳仔」我們政府主要官員，咪冇囉？我只好眼淚在心裏流地說，「你是對的」。

我在外國傾生意是 sell 自己，sell 香港，就是這些！個客跑慣江湖，見不少好人衰人，會聽其言觀其行，他們識分，特別是在大陸領過嘢那些。

正式香港人及公司好辛苦，因為香港政府是香港注冊的公司就是香港公司，所以越來越多「香港公司」根本是皮包公司，得到政府有意無意的支持下，國內人利用香港的剩餘價值。

融入大灣區是取捨，有得有失，以前教人工業生產，現在被趕出去。

如果軟實力都冇埋，真係單第三產業就可以支持香港經濟？

政府懶及唔駛用腦的方法，就是緊跟大陸政府國策，但如果當大陸是另一種形式競爭對手，要平衡要自強，香港暫時未有這樣政治人材，較接近的是兩個老李，李嘉誠及李光耀。

daisy17772

golfwu 發表於 18-2-11 18:48
現在香港做IBANK嘅無論系外資或中資基本上系內地嘅尖子生，香港嘅尖子生冇任何優勢，唯有讀醫。

...

咁又唔係絕對， 或者majority 係咁.

我識個女仔, 係香港讀global business , 今年入到 美資i Bank。

不過我都有興趣問下佢， 佢身邊嘅fresh grad 係咩背景。

ANChan59

youma 發表於 18-2-15 19:49
在香港, 所謂投行老細, 其實個個都只不過係高薪打工仔, 尤其做前綫(trading, sales, M&A, IPO) 隨時可以起 ...

前一陣子，跟兒子傾開工作情況，他的行業冇投行咁風光，而且是在 mid Office ，加班情況冇咁嚴重，人工相對較低，但當他用時薪計算，加上 burnt out 及壓力的考慮，投行的吸引力就大減！

他現在在旺季很多時都是朝九晚七，唔帶工作回家，周末假期都不用上班，做到 work life balance，都唔錯！

他又覺得老一脫的管理層，可能以前老細是這樣，他們有樣學樣。後生一批相對較有親和力！但最終都是看實力，你有貢獻，幫到手，老闆不會太過份！

youma

dlam141231 發表於 18-2-15 11:39
我兒上週末從美國返港過農曆年, 跟两位在香港投行工作的舊同學見面.  两位同學都是尖子, 都不是香港人, 也 ...

在香港, 所謂投行老細, 其實個個都只不過係高薪打工仔, 尤其做前綫(trading, sales, M&A, IPO) 隨時可以起身, 所以壓力大, 好少見唔鬧下人.

新仔捱幾年後若頂唔順, 有學歷的可試下Mid office (risk man, compliance, legal, product dev,...), 襟捱D.    

dlam141231

我兒上週末從美國返港過農曆年, 跟两位在香港投行工作的舊同學見面.  两位同學都是尖子, 都不是香港人, 也不是大陸人, 但都會說流利普通話, 去年大學畢業, 在投行工作有半年, 評語都是不喜現職.
一個是高中同學, 從IS拿全額奬學金入三大, 說當時入職的那一批來自不同背景共16人, 半年時間己有6人離職, 舊同學說仍然打算堅持下去, 做幾年再轉工.   另一個是美國大學同學兼室友, ABC, 是美國投行派到香港工作, 當其時很雀躍, 現在說工作時間長壓力大不是問題, 但遇上個脾氣差鍾意鬧人的老番boss日日工作了無生趣.

猴子爸

manning2014 發表於 18-2-13 13:03
Very true. I personally know a few private equity firms that they hired no more HK fresh graduates o ...

是的，最近也要跟一些大投行做些project, 眼见团队里面很少是纯香港人，反而国内+英语流利的比例高很多。

manning2014

golfwu 發表於 18-2-11 18:48
現在香港做IBANK嘅無論系外資或中資基本上系內地嘅尖子生，香港嘅尖子生冇任何優勢，唯有讀醫。

...

Very true. I personally know a few private equity firms that they hired no more HK fresh graduates or experienced (regardless they are graduated overseas or locally). Sad.

golfwu

回覆 ANChan59 的帖子

自己去各大外資、中資投行了解下，系呢到講出來好多人..........你懂的。

ANChan59

golfwu 發表於 18-2-11 18:48
現在香港做IBANK嘅無論系外資或中資基本上系內地嘅尖子生，香港嘅尖子生冇任何優勢，唯有讀醫。

...

你指的冇什麼優勢是指什麼？

golfwu

EASTCOAST 發表於 17-10-30 15:17
就以最top 嘅尖子為例，十個有九個揀醫啦，仲會考ibank咩！

現在香港做IBANK嘅無論系外資或中資基本上系內地嘅尖子生，香港嘅尖子生冇任何優勢，唯有讀醫。

ivantissue

iBanker以往豐厚的花紅，經歷金融海嘯之後，呢10年已少咗一大截