今年怪事特別多

piyohk

今年小一申請，真的令我眼界大開：

1. 家長認同借地址申請小一，沒有什麼大不了。孩子若派入寶校，才是恐怖的事情！

2. 又有話「自行」派唔到，決定讓細B重讀K3，可以明年再申請（原來可以這樣，失敗的我，沒有為我家細B向教育署申請明年再派）

3. 高姿態到小學叩門，中學哥哥也很乖的陪妹妹回小學面試。媽媽卻說：從沒想到會叩不到哥哥的小學⋯算⋯

4. 家長還未參與香港的小一派位，卻能提供高超卓見。希望未來，他能參與這場「轟烈」的叩門戰，再和其他家長分享當中的實況

聲明：以上埸境，如有雷同，實屬不幸


坦白說，這埸小一派位，由誠惶誠恐的等待六月的派位，到每天都在哭，又不敢讓孩子，令人老了十年

mcl203

se6b03 發表於 17-8-25 11:48
睇黎數據王今次遇到勁敵，被人咬住唔放。

咬住唔放 =  勁敵，我仲未諗通有乜必然関係 ~~~

利申: 我懶D，對於100字以上既蒲暑，會選擇性先去睇 ~~~

mapp2009

我沒有看畢hkpapa852所有 figure, 亦不肯定當中有沒有錯誤, 有亦唔出奇, 但至少hkpapa852不是為個人目的而亂做figure, 純粹供大家參考, 各人當然要再自行考究下

不停"反駁"hkpapa852的文字, 我卻看不出能為大眾帶來什麼好處

hkpapa852

係我眼中:
要參加小一派位但唔去瞭解遊戲規則 = 要去試但唔去溫書

如果要改變遊戲規去"遷就"不願付出努力既家長齋鬥運氣, 我認為比現行制度更不濟, 因為家長連保障自己既策略都無得用

其實我一直只強調, 儘管制度不完善, 但家長應該親自去"瞭解"小一遊戲, 唔係斷估, 或者坐係度怨天尤人

我從來無話過要保護升學專家, 反而我唔介意佢地失業, 因為大多數現在仍活躍係"市場"上既所謂專家, 似乎係"整蠱專家"為主,  資訊outdate兼好流, 佢地消失咗, 其實可以少D人受害.

至於其它話題, 到底係邊個去 side track 呢?

se6b03

睇黎數據王今次遇到勁敵，被人咬住唔放。

teambuilder

我唔明自行可以申請兩次有乜問題喎，一日未take offer 一日都唔算分配到學位亦冇得到任何好處。難道我今次抽居屋唔中，下次唔俾我抽？

hkpapa852

mapp2009 發表於 17-8-24 14:59
會參加升小派位, 就係要去了解, 什麼因太忙照顧小朋友而未能付出時間去了解, 確實可以不叫懶, 但叫蠢!  ...

其實咩原因都好，只係印証咗下面呢句說話既真確性:
唔想做一件事，無論件事幾容易，唔想做既人總有“理由“唔去做。

mapp2009

會參加升小派位, 就係要去了解, 什麼因太忙照顧小朋友而未能付出時間去了解, 確實可以不叫懶, 但叫蠢!

Felix223

hkpapa852 發表於 17-8-21 21:51
要去明白小一學位分配如何運作，根本不用花費大量時間，如果連呢一丁點時間都話無，原因不言而喻了。
原來 ...

去了解一個小一派位遊戲規則要花好多時間？呢d唔係叫懶？直情懶到出汁！
呢度大把人呢d淨係問派位點排位，乜都冇，冇資料、好似冇要求（其實唔係冇要求！）

mcl203

ar_mak 發表於 17-8-21 17:01
我冇睇過你果個六合彩及居屋既抽獎方式例子,所以唔作評論,除非你有興趣講多次.
如果硬抄居屋果套,就即是每 ...

嘩，硬抄居屋睇住黎㨂，你可能太耐無睇戲，唔少消費者棟岩場次都要用超過五分中㨂位，幾萬人去㨂位，學期完前揀晒未？

hkpapa852

ar_mak 發表於 17-8-21 22:41
"為了照顧小朋友而唔去瞭解遊戲規則係合情合理"

我係話,有D家長,擅長照顧,但唔熟抽小一,所以唔係一定係因 ...

參加小一統一派位(大抽獎)既家長只要睇明以下兩段文字(重點係新二段):

統一派位

學校須預留其全部小一學額的大約50%作統一派位。統一派位分為甲、乙兩部分。甲部佔統一派位學額的10%，為不受學校網限制的學校選擇，家長可選擇不超過三所香港任何官立或資助小學。乙部佔統一派位學額餘下的90%，居於有關校網的申請兒童的家長須根據其小一學校網統一派位選校名單內的小學作出選擇；居於內地申請兒童的家長則須根據《統一派位選校名單（居於內地申請兒童）》內的小學作出選擇，家長應依照意願，盡量將可供其選擇的小學排列先後次序，並填入選擇學校表格內。

統一派位電腦程序首先會處理甲部（不受學校網限制的學校選擇），然後處理乙部（有關選校名單內的學校選擇）。派位過程基本上是以家長的選擇為依歸，若個別學校的申請人數多於其小一學額，電腦會按申請兒童的「隨機編號」決定分配學位的優先次序，務求公允。電腦首先會依據「隨機編號」次序審閱所有申請兒童在甲部填寫的第一選擇。當電腦審閱完畢所有申請兒童的第一選擇後，再依次序審閱未獲派位申請兒童的第二選擇，然後第三選擇。未能在「不受學校網限制」的選校中獲派學位的申請兒童，電腦會依上述程序處理他們在乙部的選擇，直至每名申請兒童皆獲得分配一個小一學位為止。



其餘別人提供既資訊，就同是否需要考直資/私立小學一樣，係非必須。
難道你咁都唔知？不過你好似無參加大抽獎，唔知都唔出奇既。

PS: 我係一個幾鍾意做無謂嘢既人

nerolibaby

大檸樂 發表於 17-8-21 13:49
我聽過最O咀,但又係真人真事.細佬入唔返啊哥個間. 不過我估9成佢係自行機會個部份去搏第二D所謂名校.之後就 ...

如果真係必收生都入唔到既，甘梗係拎埋自行學校比返家長個頁去嘈佢啦！
至怕人地根本就拎唔岀個頁紙

hkpapa852

ar_mak 發表於 17-8-21 20:27
你呢個"懶人論"之前已經講過架喇,再講就係重覆發言架喇.
PS:你咁勤力,年復一年去收集數據,再得出分析,我係 ...

要去明白小一學位分配如何運作，根本不用花費大量時間，如果連呢一丁點時間都話無，原因不言而喻了。
原來係某些人眼中，為了照顧小朋友而唔去瞭解遊戲規則係合情合理，反而去瞭解遊戲規則為自己小朋友爭取較理想既派位結果係浪費時間。

個然又一件怪事。

hkpapa852

ar_mak 發表於 17-8-21 18:33
你引用"好偉大的想法" , "不如寫信比教育局,特首" ,無非就係話比我知 : 你講黎都哂氣啦~
你點解會將抽小學 ...

係現行機制下，盲毛只要肯填表交表，好運既一樣可以中甲1乙1入名校。如果唔係，每年點會有咁多抽獎後既偉論。
咦，如果盲毛連表都話唔記得交，咁有冇方法保証佢地可以參加抽獎呀？

想做好一件事，無論件事係幾困難，想做既人總會搵到方法。唔想做一件事，無論件事幾容易，唔想做既人總有“理由“唔去做。