中學面試後發信「適合就讀」 家長批誤導

小時了了

明報記者 鄧力行
https://news.mingpao.com/pns/dai ... 00002/1501177697026

【明報專訊】中一派位本月中已放榜，元朗信義中學在自行分配學位階段面試後，向家長發信稱其子女「整體表現十分良好，十分適合於本校就讀及成長」，並「分享入讀本校的最佳策略」，建議家長在統一派位將該校選為第一志願，如未能入讀也「歡迎貴子弟於放榜後申請『叩門位』」（見圖）。有收到信的家長最終兩階段都落空不獲取錄，質疑校方誤導。教育局指該校做法不恰當，會繼續跟進確保學校遵守指引。校方稱明年會優化和修訂，以免再有誤會。

按建議放首志願 期望落空

家長胡先生的女兒，早在自行收生階段向信義中學提交申請；胡先生稱，其後收到校方信件時，以為女兒很大機會入讀該校，「開心到不得了」，於是按校方建議，在統一派位亦將該校放第一志願，惟女兒未獲派該校，派位公布後再去叩門，連面試機會也沒有，最終要到另一較低組別學校就讀。

他批評該信件給家長很大的錯誤信息，「真係害死人」，斥該校自私和不負責任。

校長：原意鼓勵學生 明年優化

元朗信義中學副校長譚建勳回應稱，發信原意是為了感謝家長報讀該校、讚賞面試表現良好的學生，以及提示增加入讀機會的方法，認為信件符合教育局要求，強調校方完全無意明示或暗示是否取錄學生，絕對沒有誤導的成分，但「家長的想法我們控制不到」。校長尹浩然其後補充，發信原意是鼓勵學生，教育局曾就此事聯絡校方，提醒部分字句可能引起誤解，校方明年會優化和修訂，不會再用「十分適合於本校就讀」等字句，以免再出現誤會。

教育局發言人表示，局方早前接獲相關投訴，並向學校了解，雖然有關信件並無具體和確實列載自行分配學位的申請結果，但做法並不恰當；局方會繼續跟進，確保學校遵守有關指引。 發言人稱，中學學位分配辦法的自行分配學位及統一派位結果一向同時公布，而局方每年都向參與中一派位的中學發出相關指引，不得在派位結果公布日期前，透露自行分配學位的申請結果。

中學校長會主席李雪英認為，信件按字面理解是有暗示成分，認為該校做法未必恰當。她說從未聽聞有學校向家長發出這類信，從行內人角度看認為未必適宜，「做學校無謂在灰色地帶徘徊，始終教育界應身教言教」。

b3410

Band5 發表於 17-8-1 16:26
直資私立唔使參加抽獎，亦唔需要學生去扣門，自然唔需要玩項莊舞劍呢個鬧劇！
...

項莊舞劍

chesswin

衰左又唔認, 呢D學校真係要諗清楚

little_yolky

Band5 發表於 17-8-1 20:53
肉緊也好，肉酸也好，直私同津校唔同情況，唔應該直接比較！

直私可以經面試一次過收足學生，仲想留住嘅 ...

如果講津校要同津校比, 佢就仲樣衰。元朗信義大大話話都係B1中學, 做乜要搞咁多無謂嘢拉學生, 元朗又唔係話B1位多到要咁做。

Band5

judy 發表於 17-8-1 17:14
直私收到學生才有經費，都唔知幾肉緊。不過，肉緊還肉緊，唔會好似此校咁肉酸。冩封信俾人，封信冩到 “ ...

肉緊也好，肉酸也好，直私同津校唔同情況，唔應該直接比較！

直私可以經面試一次過收足學生，仲想留住嘅學生，可以列入後補名單，其他嘅自然關係結束，出信就真係正式通知，一定唔使諗啲花臣嘢咁肉酸！

津校應同津校比較，呢間就出晒位了！

judy

直資私立唔使參加抽獎，亦唔需要學生去扣門，自然唔需要玩項莊舞劍呢個鬧劇！

直私收到學生才有經費，都唔知幾肉緊。不過，肉緊還肉緊，唔會好似此校咁肉酸。冩封信俾人，封信冩到 “家長的想法我們控制不到” 你話肉唔肉酸。

judy

津校面試完，學校将心水學生名單呈上教育局就得啦，根本甚麽都不用做。佢發出两封信自有其目的。且按其解釋：發信原意是為了感謝家長報讀該校、讚賞面試表現良好的學生，以及提示增加入讀機會的方法。出到信讚賞面試表現良好的學生，你能叫個個家長能完全不被誤導？你估個個好似呢度家長咁精明咩。

當然，全封信白纸黑字冇一隻字話取錄學生，家長也只好認倒霉。以後宜好好學習，别太衝動，别象這次一樣，你估信義中學校長就一定講信義咩，” 信義” 二字只是名稱而己。太衝動的结果只會换來校長的冷冷一句” 家長的想法我們控制不到” 。

Band5

little_yolky 發表於 17-8-1 13:44
其實, 如果只係為一般客套禮貌, 學校大可以同直資/私校一樣, 多謝同學參加面試, 句號。 ...

直資私立唔使參加抽獎，亦唔需要學生去扣門，自然唔需要玩項莊舞劍呢個鬧劇！

Band5

little_yolky 發表於 17-8-1 13:44
其實, 如果只係為一般客套禮貌, 學校大可以同直資/私校一樣, 多謝同學參加面試, 句號。 ...

學校出信當然唔會為咗客套禮貌，而係要“分享入讀本校嘅最佳策略“！

如果果兩句客套禮貌嘅開場白唔係過份咗，就完全係冇問題架！

os_ecu

出呢啲信唔多唔少都會令人誤會，除咗令人覺得自己可能被"選中"外, 仲會左右咗部份人乙部既排位.

間學校做埋呢啲踩界嘢，跡近打茅波; EBD 好應該警告下佢. 勁哩唔使叫好學生們都會揀佢, 係啲二三線先會出此下策.

little_yolky

瑩瑩老豆 發表於 17-8-1 14:14
「整體表現十分良好，十分適合於本校就讀及成長」真係幾誤導, 特別是在通常都唔會收到信的情況下.
正如去 ...

仲要加埋家長來自四面八方, 有唔同既文化背景同教育程度, 响EK都見好多人閱讀理解有D問題啦, 成日將人D帖會錯意, 唔係個個家長都咬文嚼字, 學校响原因不明既情況下出封咁既信, 唔可以怪家長抵死會錯意的, 以為係救命索, 點知原來係攞命藤。

瑩瑩老豆

小時了了 發表於 17-7-28 12:20
明報記者 鄧力行
https://news.mingpao.com/pns/dailynews/web_tc/article/20170728/s00002/1501177697026
...

「整體表現十分良好，十分適合於本校就讀及成長」真係幾誤導, 特別是在通常都唔會收到信的情況下.
正如去搵工面試后, 收到封公司信話「整體表現十分良好，十分適合於本公司工作」, 咪容易讓人諗多左.

little_yolky

Band5 發表於 17-8-1 13:40
明白！

學校的確係害人，句“整體表現十分良好，十分適合於本校就讀及成長”已超越一般客套話，出信叫人 ...

其實, 如果只係為一般客套禮貌, 學校大可以同直資/私校一樣, 多謝同學參加面試, 句號。

Band5

sammag 發表於 17-8-1 12:04
我講得太多了，恕我不方便透露這個數字，
只能說，去叩門的全部冇消息。

明白！

學校的確係害人，句“整體表現十分良好，十分適合於本校就讀及成長”已超越一般客套話，出信叫人叩門出得太濫！

sammag

Band5 發表於 17-8-1 10:51
多謝解釋得好清楚！

所以除咗愚蠢，大意同埋辭不達意之外，真係估唔到學校想做乜！

我講得太多了，恕我不方便透露這個數字，
只能說，去叩門的全部冇消息。

Band5

sammag 發表於 17-8-1 10:21
本身學校就唔應該出哩類信件，
面試完就個個等711結果咪得囉，
蓄意誤導我也不敢評論係唔係，

多謝解釋得好清楚！

所以除咗愚蠢，大意同埋辭不達意之外，真係估唔到學校想做乜！

想問問收第一封信嘅同學，有幾多個入到架（包括經甲一乙一抽獎）？又有冇經扣門入返呢？如果有，又唔可以話學校唔係善意提示！更唔可以話係錯誤訊息！

其實當家長有咁嘅疑問，係咪可以打電話去學校瞭解嘅呢？

c.chan

回覆 sammag 的帖子

我當時都有同其中一位分析發出數量, 覺得奇怪! 原來我數理真係不錯!

sammag

Band5 發表於 17-8-1 09:30
我又唔覺得學校係蓄意誤導（唔通想博投訴？），亦唔覺得學校係想暗中通水（冇理由搵非目標學生啫！），道 ...

本身學校就唔應該出哩類信件，
面試完就個個等711結果咪得囉，
蓄意誤導我也不敢評論係唔係，
不過令人誤解就肯定的了，
至於點解會有人誤解，其實好大原因係有人閱讀理解能力不高。

當時面試完，好多同學仔好快就收到第一封信，
有些還滿心歡喜在whatsapp群組宣告，一班有十幾廿個都話收到信，
其中一個學生成績也算名列前矛，卻收不到這信，
非常失望，鬱鬱不歡，看著別人"高興"，心裡很不好受，
我的兒子是班內沒有選擇此校的稀有份子，
看到老友如此落寞，趕緊安慰勉勵一番。

多天後，這個學生終於收到此校的信件，即是第二封簡單信件，
他認定自己落敗，沒精打采。
周邊同學朋友不斷說為他擔心。
學生們不太理解升中玩法，情有可原；
但家長不清楚，圍埋就評論收簡單信的學生即是落選。

看在眼裡，我忍不住找那個學生傾談，
分析兩封信件既內容及發出數量，
令他的心情從谷底慢慢爬升。

最後這個同學及另外少數幾個收簡單信的同學，
都成功獲派此校。

這個經歷真的不好受，煎熬了學生幾個月。

Band5

mcl203 發表於 17-7-31 23:22
哎，無行動唔等於合規，踩到界唔違規唔等於可以做，身教除左家長，校長都不能豁免～
...

我又唔覺得學校係蓄意誤導（唔通想博投訴？），亦唔覺得學校係想暗中通水（冇理由搵非目標學生啫！），道德上睇唔到咩嘢問題（賣下廣告都唔得？），如果愚蠢，大意或者辭不達意係違規嘅，咁就點都中一兩瓣囉！

講身教就正正係好好嘅反面教材！

karen55407

小時了了 發表於 17-7-28 12:20
明報記者 鄧力行
https://news.mingpao.com/pns/dailynews/web_tc/article/20170728/s00002/1501177697026
...

收到呢封信，的確會令人誤會