中學生講粗口

BB-CLEVER

e 家啲學生男男女女都講粗口, 佢地同學之間講我已經可以當聽唔到睇唔到, 但佢可以肆無忌憚係FB/IG or other social media 公開講粗口, 男仔講已經好難頂, 最弊係啲女學生講, 完全唔覺得醜, 好恐怖, 男男女女講, band 1 to 3 都講, 莫非佢粗口先可以溝通? 莫非先至型? 唔通係我太離地?

akys

喺我記憶中，以前小學生個個都識嗰5個中文粗口字，厠所門，巴士椅背都寫满粗口。街上全部媽媽聲。中一入學就學曉英文操口和生殖器官名稱。是我生長在平行時空，還是大家在記憶中美化自己的童年？
以前冇咁礙眼因為祗講不留痕，現在多了社交網站，寫低有証據而已。

Longan

孩子最近在U上一個 course, 最粗口竟然係個香港導師，佢現在仲係熱門科目嘅一年級學生，經常有粗口助語詞包含在說話內，行為像高小至初中生。
孩子聽到O晒咀，每天回家都跟我引證一下係唔係粗口，講吓佢可笑的行為和反應！從外地來的導師一樣是大學生，但就冇問題兼正常好多。
香港的教育其實出咗好大的問題，好些家長唔理，老師更加唔駛講。
講粗口是習慣，不會大了就懂自我反省和停止。
我作為家長，覺得好不安，但除了教好自己的孩子外，又可以怎樣教他去保護自己呢！

1998Ruby1998

回覆 nintendo 的帖子

其實唔識粗口先驚，不過最好就唔好講。我班主任話：「中學畢業前要識曬有咩粗口，唔係聽左都唔知自己畀人 X。講就儘量唔好講，要講就唔好係著校服果陣講。」我學校都畀人話純品、思想純樸，咪照樣講，只不過係出學校門口就唔講，FB 只有大約 20% 學生會用粗口，大部份都有分寸。私下 Whatsapp 就另論。

BB-CLEVER

nintendo 發表於 17-7-30 12:19
未必唔知。
我朋友的女兒，在 facebook 的言論有好多中文粗口，
佢有 add 父母，有 add 我，

就算佢父母冇權限睇, 最後總會有機會傳番到父母知, 其實公開posted 得中文粗口佢地唔會驚任何人知,
講都算啦, 仲要公開"同人分享", 低線再低真係接受唔到

nintendo

hehehaha2017 發表於 17-7-29 22:29
皇仁90%的學生會返學講粗口

講就算啦。

但如果是女生，post 中文粗口上 facebook 我覺得幾難睇。

可惜似乎連龍頭名女校女仔都係咁。

nintendo

chingyu 發表於 17-7-29 22:20
不過, 見到D小學名女校(不是個別例子) 講這些中文粗口, 實在驚訝.
他們的父母全不知情.

未必唔知。
我朋友的女兒，在 facebook 的言論有好多中文粗口，
佢有 add 父母，有 add 我，
佢冇設閲讀權限，佢 d 同學都冇，
所以我睇到晒，感覺到佢地唔 care 比人知。

chingyu

講粗口是對父母過嚴監管的無能吶喊
(以我認識的, 全部不是!)

我見果啲爸爸媽媽超級親切友善, 給與孩子很多自由空間.

所以, 粗口香港小姐講的是新一代的語言.  整個香港大學好普遍.

不過, 見到D小學名女校(不是個別例子) 講這些中文粗口, 實在驚訝.
他們的父母全不知情.

王家爸爸

mhc123 發表於 17-7-29 10:20
叫她男朋友好好教她

現在既男仔，未必會真係介意自己女朋友講一兩句粗俗啲既野。

Mattison

環境決定一切
在學時 年輕時的瘋狂罷
在職時 在地盤唔講 可能人都做唔成
在某些部門唔講 可能工都做唔長
在中環大部分角落唔講 可能都係人都做唔成
做父母 就可能唔講
退休後 就真係唔講

chingyu

呢一代真係好多學生講粗口 . 已經不再是地盤佬或者band 3學生!

佢地在 facebook, IG, snapchat 男男女女隨便咁運用粗口.

其實好多外國大學係會Check.  

唔知點解呢一代點解會搞成咁.  
我估主要父母沒有check佢哋 facebook, IG, Snapchat, WhatsApp, etc.
我就睇唔少, 所有純情玉女, 女校, 男女校, 都會有.
英文人會好啲, 至少唔會講一大堆中文粗口.

其實不單是父母身教, 我見嗰啲父母好斯文和有禮貌.  
只不過佢哋唔知仔仔女女已經變到咁大膽.

互聯網害死好多年青人! 父母監管不力, 但又好難怪, 香港地手停口停.

mhc123

叫她男朋友好好教她

BB-CLEVER

王家爸爸 發表於 17-7-28 12:36
記得廿年前第一次去廣州做野，真係男男女女都係每句必定有個粗口字，我作為外來人真係覺得好難頂。所以，我 ...

你小朋友受教咪唔使煩啦

BB-CLEVER

1998Ruby1998 發表於 17-7-28 12:37
回覆 BB-CLEVER 的帖子

我會話，把口生係人度，佢鍾意點樣表達自己我地管唔到，但係要記住一個人嘅言談係 ...

多謝指點, 父母身教一定好重要, 但有時年青人係外面時間多過在家, 又容易受朋輩影響 , 所以發現佢識左呢啲人特別不安, 一有機會都會提點佢, 講得多又嫌你煩, 所以同佢傾要好有技巧

王家爸爸

brother4 發表於 17-7-27 14:23
是不關己，己不勞心。。。議員一樣講，地盤佬每句加助語詞。。除非自己孩子一定要教，自己冇講好多年了(身 ...

見好多地盤佬講野都係咁，互相想做對方既老豆。

王家爸爸

JustAParent 發表於 17-7-27 17:52
唔使擔心既，大大吓，等佢充分掌握呢隻語言， 唔想覺得過癮，佢就唔會再當口頭禪。
...

習慣咗真係好難戒，我啲廣州朋友雖然講少咗，但係都係幾句就會有一個粗口字。

1998Ruby1998

回覆 BB-CLEVER 的帖子

我會話，把口生係人度，佢鍾意點樣表達自己我地管唔到，但係要記住一個人嘅言談係反應到父母教養自身同學識。身為父母唔希望你講粗口，畀外人印象唔好，尤其依家好多公司 HR 同老闆都會八卦上人地 Social Media 睇，見到你滿口粗言穢語，咁樣對你好不利。有或者有女仔鍾意你，但係一見到你粗口咁多，都會被嚇走。

王家爸爸

BB-CLEVER 發表於 17-7-27 12:18
e 家啲學生男男女女都講粗口, 佢地同學之間講我已經可以當聽唔到睇唔到, 但佢可以肆無忌憚係FB/IG or other ...

記得廿年前第一次去廣州做野，真係男男女女都係每句必定有個粗口字，我作為外來人真係覺得好難頂。所以，我唔會俾小朋友講粗口，因為真係好難戒。