95校網小學happy school

martharita

我對將軍澳區小學不太熟悉，知道有幾間大熱：將天、馮晴、黃永樹等，升英中派位亦不錯，不過據聞都是較谷的，即是多功課和程度較深（？如錯了請指正，謝謝）。

不過見標題都知我稍為怕谷的學校，小兒個性活潑，我估佢數理方面較強，喜歡睇圖書（最好我喺隔離陪佢睇⋯⋯），對科學有興趣，美術方面似乎興趣不大，你話佢唔專心咩？遇到佢鍾意的圖書又可以睇好耐，做功課都算自動自覺，但都要大人督促一下，我估太多功課和谷的學校未必適合小兒和本人。

其實區內有哪些學校（官津）除了成績以外，是比較重視學生個性發展？培養他們的興趣？我相信小學時期是一個很好的啟蒙時機，讓小朋友初步摸索一下自己喜歡什麼，想做什麼，然後再在中學逐步實踐自己的夢想。如果每天都要做數小時功課和溫習，我想什麼其他興趣都提不起勁去做了。所以我估happy school或者可能較適合。

離題一點，假如幸運，小兒能夠大學畢業，將來都可能是一半為機器人世界，或者非常倚賴人工智能的世界了。不少人都說將來可能有一半工種都被人工智能取代啦？所以我想從少培養孩子有獨立思考能力，不過知道現時小學及中學都以成績為競爭手段，以創意解難、培養獨立思考和個性發展的提及較少，我都茫無頭緒，期望各位家長指出意見和指點。還有品德方面的培育，都是我重視的。

謝謝各位諒解我說得有點東拉西扯的，不喜勿插。

kinwlau

babytt2 發表於 17-7-14 17:26
潛能個個都有，但未必在成績表上。

其實以升中為目標，熱門小學是否整體都派得不錯？

熱門小學中比較谷的馮晴，她的升中派位結果整體上的確不錯。55% 畢業生入b1 中.

babytt2

潛能個個都有，但未必在成績表上。

其實以升中為目標，熱門小學是否整體都派得不錯？

kinwlau

babytt2 發表於 17-7-13 07:32
只係5班馬房，先天資質較好學生較少咁解

呢句其實講唔通！一班馬房(受歡迎的津貼小學)每年只能自選 10個多D學生(叩門生)，其他都係派入去。邊可能年年有咁多資優生入哂D一班馬房。

小一生大部份都係白紙一張，關鍵係D小學如何發掘他們的潛能。

babytt2

kinwlau 發表於 17-7-10 15:10
我真心覺得呢幾間係將軍澳區的 happy schools:
陳國威,劉德,西貢崇真,志蓮, 黃藻森, 陳耀星,
亦肯定如在自 ...

都係會有叻學生，都一樣谷

只係5班馬房，先天資質較好學生較少咁解

lhyxxx

martharita 發表於 17-7-9 08:14
我對將軍澳區小學不太熟悉，知道有幾間大熱：將天、馮晴、黃永樹等，升英中派位亦不錯，不過據聞都是較谷的 ...

樓主可能諗得比較理想化，國際學校、CKY或港同可能會滿足到你部分要求。如想免費，就要跟教育局課程。

Gakki

martharita 發表於 17-7-9 14:24
謝謝你的回覆呀 ：）
我都明白要了解學校有好多時都係要親身去了解，不過，我去親簡介會，佢哋呢都講到自 ...

我都身同感受，準備9月聽多D簡介會再諗。

kinwlau

我真心覺得呢幾間係將軍澳區的 happy schools:
陳國威,劉德,西貢崇真,志蓮, 黃藻森, 陳耀星,
亦肯定如在自行或大抽獎選first choice一定入。
奈何她們都不是大部份家長的首選，原因係她們都不谷
及升中派位未及本區一線小學咁有競爭力。

BBKDWLAM

樓主不妨都留意下港澳信義會，坑口果間。比熱門的明顯無咁谷，見啲學生幾開心的。

carbeN_NG

回覆 Paypaybear 的帖子

除了一星期一堂電腦課在下午外, 所有科目都是上午上課 (包括視藝, 體育及音樂), 下午是不同的活動及功課堂.

HK-MAN

babytt2 發表於 17-7-10 10:04
如 happy是否升中派位不一定一線？

我就選 happy不看派位

問題係唔係話係HAPPY佢就係HAPPY, 亦唔係你想HAPPY就HAPPY咁簡單..

babytt2

如 happy是否升中派位不一定一線？

我就選 happy不看派位

HK-MAN

apple~y 發表於 17-7-10 09:41
明天升中派位,可看各學校派位情況

未有咁快反影出黎...聽聞有3,4年班既家長不知點做好,以前谷既時候小朋友反而努力去跟..改政策後,小朋友HEA咗....

Paypaybear

carbeN_NG 發表於 17-7-10 08:43
其實香港讀書好難happy, 不竟教育制度令家長要推動孩子力爭上游.  我小朋友讀將循, 上課做功課也很Happy,  ...

將循下午不上課，係咪只係唔上中英數常，會上音樂，視藝,體育果d ?

apple~y

HK-MAN 發表於 17-7-10 09:23
根本就係冇可能HAPPY,除非學校唔競爭啦. 佢改為上午上課下午玩,課程咁多,上午真係教得晒嗎?來緊1,2若升中成 ...

明天升中派位,可看各學校派位情況

HK-MAN

carbeN_NG 發表於 17-7-10 08:43
其實香港讀書好難happy, 不竟教育制度令家長要推動孩子力爭上游.  我小朋友讀將循, 上課做功課也很Happy,  ...

根本就係冇可能HAPPY,除非學校唔競爭啦. 佢改為上午上課下午玩,課程咁多,上午真係教得晒嗎?來緊1,2若升中成績下跌,相信佢既政策私底下又會變了..

carbeN_NG

其實香港讀書好難happy, 不竟教育制度令家長要推動孩子力爭上游.  我小朋友讀將循, 上課做功課也很Happy, 活動多表演機會多, 功課在學校已完成八九成, 評估也沒有考深.  但校內彌漫著一份爭鬥的氣氛, 你覺得進步已足夠, 但老師會說: 不單要進步, 要追求更高的分數.  所以, Happy不Happy好看家長的心態, 如何把壓力化成動力去推動小朋友, 家長的角色真是很重要.

Potato001

martharita 發表於 17-7-9 14:24
謝謝你的回覆呀 ：）
我都明白要了解學校有好多時都係要親身去了解，不過，我去親簡介會，佢哋呢都講到自 ...

好多間津小都話會拔尖補底，功課會有不同深淺程度的題目，資優同學可以做埋bonus 題目，學校亦會有功課輔導班。學校課外活動給學校自由參加，表現好的會入校隊，加強訓練。

好多間英文科用校本課程，上課時很互動，鼓勵學生多聽多講多讀多寫，有些用英語話劇訓練學生從活動中學英語。中文課很多有什麼課堂一分鐘之類，要學生在同學面前講話，訓練表達能力。

學校每年會有英語日，普通話日，科普/STEM/環保日之類，感覺上啲課程及活動數量比得上直資，仲要全部小班25-27人一班。

比不上直資的，就係英語語境，做唔到專科專教，NET 的數量通常全校2個。

Potato001

martharita 發表於 17-7-9 14:24
謝謝你的回覆呀 ：）
我都明白要了解學校有好多時都係要親身去了解，不過，我去親簡介會，佢哋呢都講到自 ...

區內熱門學校中，課外活動種類較多和較受重視的，應該是黃永樹，之前聽過小一簡介會，校長都幾重視校外活動，學生經常參賽，最出名是游泳，還有自己的泳池。

次熱學校當中，田家炳亦很積極發展課外活動，會另外聘請專門教練訓練學生，有自己的冰球場（不是真冰）,不少學生用特異功能考入名津。

以上兩間學校，聽聞功課都頗多，一點也不輕鬆。

明道和宣基很早已經發展STEM，明道更會舉辦比賽，讓其他學校參加。宣基有人話谷，亦有人話唔谷，明道被認為係二線，要上位所以都係谷。

非熱門學校中，梁省德近年加強發展體育運動，也有幾個制服團隊。一年四測四考，也是上位中的學校，比較谷。

將循是區內大熱學校，著名Happy School, 唔靠死谷爛谷，對玩很重視，成績唔係最勁但也不錯，不過好多人爭，好難入。

HK-MAN

martharita 發表於 17-7-9 14:24
謝謝你的回覆呀 ：）
我都明白要了解學校有好多時都係要親身去了解，不過，我去親簡介會，佢哋呢都講到自 ...

同一間學校,兩個學生比你既意見都可能唔一樣. 只有自己用心去感受簡介.
沒有完全適合自己的,只能夠從中取捨! 問清楚自己就會決定到了!

遊戲規則話你知你只能選擇1間熱門學校..跟住既已經非你所願了..所以當前你亦要看看,怎麼的學校你是可以接受的更為重要. 這是聽簡介目的.