小學英文教快一年？

Caduceus

而家好似好多名校都會教快一年， 咁譬如小六英文，就會教中一英文。咁呢啲學校教科書 究竟會用邊本？ 繼續用返小六英文書但教深啲，定抑或索性用中一教科書呢？

skkeung

Caduceus 發表於 17-7-1 21:54
咁樣催谷法根本唔啱

不知幾多家長贊成！

HaYi

little_yolky 發表於 17-7-7 10:06
小一、二睇HP真是了不起。至於三國、紅樓, 只是兒童版而已, 何需葡萄。中學生唔怕悶, 也可以看博 ...

好同意呵,
我大仔就係K3睇HP 個類人, 個時要明晒一定冇可能, 但明下估下有7成都好好.   幾年後佢而家P5, 除了幾寸厚英文小說外, 一樣會睇captain underpants, so what?  佢睇書唔會睇reader 的深淺level, 只要過癮.  對小朋友來說,  哩D只是消閒的小說, 又不是功課, 要明晒才可以看.   中文書, 三國個D因中文功課需要P3,4 都叫有水過鴨背 (兒童版), 紅樓夢我小時都是初小已睇成人版, 但叫佢而家睇兒童版都冇可能, 實在距離太遠.   

我細仔就冇太多超前的閱讀能力, 我見佢同學(K3) 都睇老鼠記者英文版, 叫佢睇下, 佢一D興趣都冇, 佢第一句就是怕老鼠.  好彩佢英文又唔係差, 工具科普書個D好深都會去睇.   佢亦唔怕中文, 個日我問佢佢愛中文定英文, 佢說中文, 我都有點不相信, 因為都是較多接獲英文.

有時想, 人人興趣能力不同. 在學業外都不需要樣樣限死同定型.   隨心閱讀,  不討厭或喜歡中文或英文已是一個好開始.   

little_yolky

babytt2 發表於 17-7-8 15:39
可憐諾貝爾得獎的丁肇中，12歲前都未受正式教育，考試又失利，完全輸在起跑線上，咦？咁似保特嘅:question ...

可惜我小朋友不是天才, 也不是神童, 我又要上班, 所以她們只好一步步依着平凡的步伐從小接受教育。

babytt2

little_yolky 發表於 17-7-7 10:06
小一、二睇HP真是了不起。至於三國、紅樓, 只是兒童版而已, 何需葡萄。中學生唔怕悶, 也可以看博 ...

可憐諾貝爾得獎的丁肇中，12歲前都未受正式教育，考試又失利，完全輸在起跑線上，咦？咁似保特嘅

skkeung

Caduceus 發表於 17-7-1 20:41
而家好似好多名校都會教快一年， 咁譬如小六英文，就會教中一英文。咁呢啲學校教科書 究竟會用邊本？ 繼續 ...

教快二年更多！

starrymama

回覆 jumphigh 的帖子

係, 語文呢樣野真係好難講.

我都冇睇小說, 因為當年好多小說都係愛情/ 科幻/ 武俠小說, 本身唔鐘意睇呢d書. 只睇漫畫書, 又冇另外讀文學, 但會考中文都有B

little_yolky

eviepa 發表於 17-7-7 07:16
入讀小學時係六十年代，我住喺一個小島嘅木屋區。島上有幾間小學，我讀嘅大概仲係全島最好嘅小學。相信當年 ...

你真是我大家姐的年代了。不過, 既然已是全島最好既小學, 咁都無辦法了, 當年唔興跨區返學的(不過, 我當年都係跨區)。

little_yolky

yovin 發表於 17-7-7 08:00
小學一、二年級睇HP、睇金庸、睇三國紅樓……
中學就睇博士論文……
大學睇下怎樣做架穿梭機出嚟……

小一、二睇HP真是了不起。至於三國、紅樓, 只是兒童版而已, 何需葡萄。中學生唔怕悶, 也可以看博士論文, 不過, 看博士攞咗學位之後, 撮短發表既文章, 效率可能好一些。至於大學睇下如何做穿梭機, 是應該的吧, 如果相關學科既學生唔咁做, 學科如何進步, 如何產生研究人材。至於六十歲時可以睇乜書呢? 嘻嘻, 我就話應該睇禪、易經等等既書, 因為要有一定人生閱歷先有感受。

至於一百歲, 我見植物學家胡秀英博士仲係日日飲coffee, 睇D草草葉葉咁；考古學家石章如, 就日日返辦公室看最新考古資料；至於饒公, 好似係休息緊。不過睇相佬話我得8X歲命, 不會活到一百歲。

yovin

小學一、二年級睇HP、睇金庸、睇三國紅樓……
中學就睇博士論文……
大學睇下怎樣做架穿梭機出嚟……
六十歲時仲可以睇乜書呢？
一百歲呢？

噢！我真的葡萄了。

eviepa

入讀小學時係六十年代，我住喺一個小島嘅木屋區。島上有幾間小學，我讀嘅大概仲係全島最好嘅小學。相信當年英文用低一年嘅學校，全港層面嚟講唔會太少。

LeeCC

little_yolky 發表於 17-7-6 18:09
家父家母都係呢「小部分」入面。當年我哋住木屋, 當然都好似你哋咁, 緊係搵間近既。不過, 近既都一定有幾間 ...

我父母讀書都唔多，爸爸讀到小三，媽媽讀到小六，但媽媽會問樓上樓下街坊邊間好，甘岩隔離屋有個當代虎媽，四個仔女分別讀sfa, 瑪神等名校，佢幫我媽分析附近學校校風程度，又教佢日日午飯時間去附近中學睇放飯

YolandaTam

民智未開唔緊要，有口碑㗎嘛。我父母，一個小學逢二進一讀到五年級，一個只讀過一兩年卜卜齋，就係聽咗街坊口碑秤咗我去考協恩。

little_yolky

1998Ruby1998 發表於 17-7-6 18:10
回覆 tkinwong 的帖子

我阿爸阿媽中學畢業，果陣住深水埗，阿媽就帶我去考協恩（佢嚇我話協恩唔畀留長頭髮 ...

你咁後生, 行埋一邊先。

1998Ruby1998

回覆 tkinwong 的帖子

我阿爸阿媽中學畢業，果陣住深水埗，阿媽就帶我去考協恩（佢嚇我話協恩唔畀留長頭髮，所以我係學校門口喊到七彩唔肯入去）同 SFA。雖然知道係名校，但係冇話要補習／面試班。以前都冇咁多呢 d 班。果陣幼稚園都冇話要老人家／工人排隊係門口，求其搵間附近嘅幼稚園就算啦

little_yolky

eviepa 發表於 17-7-6 17:54
所以我咪話「大部分家長」都唔識囉。你好好彩，有個比普通人醒嘅阿媽。

家父家母都係呢「小部分」入面。當年我哋住木屋, 當然都好似你哋咁, 緊係搵間近既。不過, 近既都一定有幾間小學吧。阿爸真係周圍問人, 邊間學校校風好, 老師好。阿爸阿媽又真係走去睇下D細路放學咩情況。阿媽話, 其中有一間放學D細路好似放監咁, 嚇到佢拉住阿爸走都走唔切。

家母都無讀過書, 不過佢就係想自己小朋友讀多D書, 佢個理想係大學架, 係家姐們自己唔想讀啫。我都真係好好彩, 阿爸阿媽雖然窮D, 但都十分好, 100分既。(又晒下先)

eviepa

所以我咪話「大部分家長」都唔識囉。你好好彩，有個比普通人醒嘅阿媽。

tkinwong

eviepa 發表於 17-7-5 19:48
當年民智未開，有部分家長本身係文盲。我老豆小一程度，識睇報紙識簽名已經唔輸蝕，大部分家取根本唔知好學 ...

未必。

我家母教育程度唔高，但幾十年前都識帶我去考培正和油天。當然，那時唔會有資源在幼稚園時期進行什麼額外預備。

eviepa

另外，我老豆雖然極想佢呢個幾代以來嘅長子嫡孫讀好書，但係佢真係唔知個仔嘅潛力，從來都用「高中畢業」(會考full cert)嚟做我嘅人生目標。

eviepa

當年民智未開，有部分家長本身係文盲。我老豆小一程度，識睇報紙識簽名已經唔輸蝕，大部分家取根本唔知好學校同差學校對仔女嘅影響，亦唔知邊間係好學校，邊間係雞校。邊間近咪揀邊間囉。