點解呢個世界上可以有咁無品既小朋友

little_yolky

點解呢個世界上, 可以有咁無品既小朋友。

話說阿女們上興趣班, 有兩個地區名校既小六女仔。佢哋break時同女女聊天, 問女女讀邊間學校。阿女如實講, 點知佢哋話：XX呢間學校好差既, 你哋一定無前途。


然後, 其中一個女仔又話阿妹好醜樣(因為佢剪短咗頭髮), 又話阿妹對眼好奇怪。搞到阿妹係咁照鏡, 研究自己對眼有咩奇怪。


我真係理解唔到, 都11歲了, 六年級了, 講說話都仲可以唔經大腦, 可以咁無禮貌。其中一個阿媽我仲識的, 佢阿媽相當有禮貌的, 做乜個女搞成咁。佢讀書咁叻, 正常呢D唔駛人講都知道既禮貌, 會唔識嗎? 幼稚園小朋友都知道乜嘢應該講, 乜嘢唔應該講啦。佢哋到底知唔知道自己好無教養的。


呻完。

retriever

akys 發表於 17-6-28 14:07
唔知算唔算歧視，以前自己讀男女校小學，所有投訴，篤背脊都係女仔所為，男仔一般要有『雷氣』，好少出賣同 ...

因為呀媽影響力高左，唔少當仔好似女養。

little_yolky

mcl203 發表於 17-9-18 09:24
你教你囡囡請佢地食之前，拍碎包薯片先嘛，蛋糕仔就唔使拍~~~

我唔會浪費食物的。

而且, 唔係阿女主動請佢食, 係阿女請其他大哥哥姐姐食, 佢又走埋去食而已。不過, 我噚日先知, 原來年青人真係可以食好多嘢的。因為噚日下午上堂只係三個鐘, 啱啱有人生日, 有生日蛋糕食, 班年青人食完蛋糕, 仲可以掃晒D零食, 真係厲害。

mcl203

little_yolky 發表於 17-9-18 09:07
係呀, 佢哋真係宇宙最強, 完全唔覺自己有問題先至宇宙無敵。

剛剛噚日又上堂, 阿女帶咗好食薯片去做小食, ...

你教你囡囡請佢地食之前，拍碎包薯片先嘛，蛋糕仔就唔使拍~~~

kkhon

little_yolky 發表於 17-9-18 09:07
係呀, 佢哋真係宇宙最強, 完全唔覺自己有問題先至宇宙無敵。

剛剛噚日又上堂, 阿女帶咗好食薯片去做小食, ...

你女好可能係9號仔，我仔都係咁乜都冇所謂，人地對佢吾好佢一d都吾care仲繼續采人。

little_yolky

kkhon 發表於 17-9-15 22:10
搞到人應该道歉，我吾会叫佢赔，只希望有一聲sorry。到底E家d人受的是什么教育？家庭教育又係点？ ...

係呀, 佢哋真係宇宙最強, 完全唔覺自己有問題先至宇宙無敵。

剛剛噚日又上堂, 阿女帶咗好食薯片去做小食, 我已經提醒佢唔好請果兩個拍扁蛋糕既姐姐食, 因為佢哋浪費食物........點知, 落堂我問阿女, 阿女話姐姐有食。我問佢做乜又請佢哋食, 佢話, 人哋想食咪請人食囉!!! 阿女仔點解會好意思呢, 真係一個迷思。

kkhon

HaYi 發表於 17-9-15 21:09
叫佢賠一碗都好正常呀.

搞到人應该道歉，我吾会叫佢赔，只希望有一聲sorry。到底E家d人受的是什么教育？家庭教育又係点？

HaYi

叫佢賠一碗都好正常呀.

kkhon

冇品的父母造就了冇品的孩子！

上星期同仔去尖沙咀食元朗好出名的車仔麵，一pair男女拎吾穩杯奶茶"fat"一聲倒左部分奶茶落仔碗麵度，佢地竟然sorry都冇一句若無其事望都冇望我地，只有他倆的世界繼續食麵！我當時同仔眼神對望，仔擰歪面就冇再食果碗麵。我如果自己一個，我一定會出聲。如果係你地會點做？

HaYi

缺乏同理心是一個大問題, 人人只顧自己叻晒, 唔理一切, 小, 中, 大學生都有, 大學生人大, 破壞力更強, 令人心寒.

retriever

cherrieshum 發表於 17-9-13 23:46
香港的學生好多太自我中心，覺得自己是對，別人是錯，還有一些連基本的尊重也沒有，心眼兒又差。真的需要 ...

“尊重所有人”

http://forum.hkej.com/node/142942-%E7%B6%AD%E7%B9%AB%E9%96%8B%E6%94%BE%E7%A4%BE%E6%9C%83%E9%A0%88%E5%BE%9E%E5%BE%B7%E8%82%B2%E5%81%9A%E8%B5%B7

retriever

little_yolky 發表於 17-9-12 15:46
最新情況。

今次唔知呢兩個細路乜學校了, 因為唔識佢哋阿媽, 無從打聽。其中一個係上次話妹妹剪咗頭髮肉酸 ...

學物？

粵劇？

做呢D 破壞性無聊野，女仔較少見，中學更係幼稚到不得了。

cherrieshum

IloveJJ 發表於 17-9-12 17:38
而家唔止中學生，大學生都…

香港的學生好多太自我中心，覺得自己是對，別人是錯，還有一些連基本的尊重也沒有，心眼兒又差。真的需要教好自己的子女，否則不斷怨天怨地就麻煩了。

Jane1983

回覆 little_yolky 的帖子

有時d青少年係會做d咁既嘢，可能係荷爾蒙，可能係無經大腦，可能一時玩到喪晒，無咗分寸。唔一定係本性好壞，或者屋企有問題。
人地仔女，忍得住唔會出聲。

bobbob

little_yolky 發表於 17-9-12 15:46
最新情況。

今次唔知呢兩個細路乜學校了, 因為唔識佢哋阿媽, 無從打聽。其中一個係上次話妹妹剪咗頭髮肉酸 ...

可能（被阿媽）壓抑咗好耐，要搵嘢發洩吓

leafun

回覆 little_yolky 的帖子

聽完，我好有衝動將包蛋糕碎車埋佢哋到，然後要佢哋食晒佢。我只會形容佢哋係高智低能，反面教材。

little_yolky

Hoyinleung20166 發表於 17-9-12 15:23
香港教育制度, 太重視成績, 分數, 令到D小朋友都入到名校都目中無人。入名校其實都係想要個讀書氣氛。如果 ...

最新情況。

今次唔知呢兩個細路乜學校了, 因為唔識佢哋阿媽, 無從打聽。其中一個係上次話妹妹剪咗頭髮肉酸果個, 另一個就次次上堂阿媽都跟到實, 想必好關心小朋友。點知, 個小朋友老老實實, 原來响阿媽背後都............


話說近排老師無請零食小朋友食, 咁操足三個鐘, 肚仔餓丫嘛。我帶咗零食俾阿女食, 又可以請朋友仔食。上個禮拜食百力支都無乜事, 點知今個禮拜食蛋糕仔, 呢兩個女仔响人哋排緊嘢時, 用力拍碎咗包蛋糕仔！係碎晒, 食唔到。阿妹見到叫佢哋唔好拍, 佢哋唔聽, 老師教緊同學, 阿妹唔想阻住老師, 所以無出聲。


點解D小朋友可以咁樣浪費食物? 你唔鐘意可以選擇唔食, 唔係你既嘢點解可以破壞? 就算係你既嘢都唔可以浪費食物。幼稚園都有教啦, 我唔相信屋企無教, 我真係唔明白依家D小朋友諗緊D乜, 都已經係中學生了, 唔係小朋友, 應該可以對自己行為負責任了。居然有年青人有此等行為, 難過不已。