如果小兒不懂寫字

chowqv

試下唔好揸筆寫…搵盤沙，係沙上邊用手指"畫"。

idak

Shirleychansl 發表於 17-7-2 00:01
佢冩數字對佢來講比較易，例如8，9，5字難D，英文又難D，可能佢對空間感比較冇甘易掌扼到，中文真是不懂得 ...

你買依D間尺比佢畫多d，尤其係圓形。我女個時，職業治療師比咗把有不用大小圓形間尺，日日畫，好咗小小，不過祈望唔好太高。亦可以用遊戲方式，一分鐘可畫幾多個，多過上次就獎一張貼紙，儲夠十張可換禮物。手肌好d就要儲夠20張貼紙，慢慢加難度。

17-7-2 11:04 上傳

下載附件 (129.85 KB)

idak

你就咁叫佢寫佢未必識，我教亞女係在隔離寫比佢睇，一畫一畫咁跟住寫及講，佢哋依一類的小朋友係要睇到先會明，重要重複好多次先會記得，小朋友最鐘意比人讚，寫完十個字同佢玩5分鐘，再繼續寫會好d。
s位d老師都係打份工，我對住一個都暈，佢重要對6個。自己仔女能力自己最清楚，問心仔仔係咪真係要讀特殊小學？你會否考慮重讀k2？我女讀完S位重差過之前，好老實講亞女入S位，我只能係D治療師度學到點教個女。

lulumelody

佢唔識也要比佢寫，有一日佢會識。試下你同佢一同寫，你一筆，佢一筆!我小朋友同你小朋友一樣'，s位老師只不斷話要訓練小手肌和空間感'，但我自己係屋企同佢寫，佢有一日真係會自己落筆,之後中文字的自己教佢寫。

只可以說仔係自己,s位老師只是收人工，有几多真有心?而且佢地已把s位学生分等級，有D学生佢地已諗入特小，好聽係因進度而教，唔好聽係hea教!

rabbit_panda

Shirleychansl 發表於 17-6-22 18:55
多謝你的建議及聽為呻，今日仔仔放學終於可以完整剪到頭髪，終箅值得開心，平時由爸爸剪，今天佢好叻仔，人 ...

其實小朋友識字，背後涉及大小肌發展、視覺空間感、眼球追蹤能力等好多因素，要慢慢鍛練。上星期我去了step一個講座，關於小朋友寫字和認字能力，教了一些家居訓練遊戲。坊間也有為SEN小朋友的讀寫班。大家一切加油

KCHK

樓主, 小朋友的情況最好入S 位慢慢去訓練小肌肉, 因為從你講的內容中似乎現在要做的功課都對小朋友好有壓力，S 位的最大好處就係按能力去安排學習進度

lobb2015

Shirleychansl 發表於 17-6-22 18:55
多謝你的建議及聽為呻，今日仔仔放學終於可以完整剪到頭髪，終箅值得開心，平時由爸爸剪，今天佢好叻仔，人 ...

咁好好啊！

long107

Shirleychansl 發表於 17-6-22 14:43
我已經無要求靚，佢願意拎起之筆然後叫佢橫再直缐寫個雨佢都無從入手。唔識落筆，我話寫橫缐啦，佢只會把 ...

如果係咁不如唔好勉強寫字先，唔好為完成功課而逼佢。

jtung99

讀完S位再看有否改善, 老師及智能評估也會給你意見應否選擇主流小學

long107

Shirleychansl 發表於 17-6-22 11:35
佢唔鐘意快，叫佢玩，佢玩一陣就會厭，好鬧佢，佢好似知道我唔鍾意佢，佢喊住瞓著左，我知道自己都有唔對 ...

家長先控制自己情緒，小朋友不是不想做，是他能力做不到，他都唔想，鬧他不是解決辦法。
家長往往覺得氣餒和無助感，和s位治療師，老師，社工好好溝通吧！他們會俾到培育發展遲緩的小朋友的方法給你的。

long107

Shirleychansl 發表於 17-6-21 22:20
你今日又哭哭啼啼才完成仲要扶著佢只手

集中訓練小朋友小手肌先，玩練力膠，穿珠，衣夾，s位治療師會設計訓練計劃，家長多去學校參與訓練和做家居練習。