別迷失: 與考小一的家長分享

jesswu

我想分享自己在育兒教育上的心路歷程，希望現今的家長不要過於迷失，著實生命裏有些東西要失去太容易，要尋回則太難了。
可是在香港這個環境裏，人在江湖確實有時身不由己，清高地執意自我要付出的代價太大，畢竟這是個適者生存的世界。然而，我常常覺得，育兒方針取捨不是非黑即白，拒絕做怪獸做虎媽並不等如完全放任，最好是能在中間取個平衡。太多父母不甘後人，人谷我不谷好像很吃虧，可是做這些之前最重要先衡量小朋友的承受能力和當中要付出的代價。我絕對相信確實存在一些格外受谷、喜歡挑戰、求才若渴的小朋友，但我更相信這些孩子只佔極少數，更多數的只是一廂情願認為自己的子女是天生異稟的父母。

今天香港地一窩蜂追求越級學術、多才多藝，小朋友能人所不能便是贏了在起跑線，於是人人也大量蒐集證書資格。可是，這堆證書背後犧牲的是寶貴一去不復的童年和彌足珍貴的親子關係。而且我想道出的是，這一堆用金錢時間孩子精神體力換取的證書，對鋪砌他們的成長路真能起關鍵性的作用嗎？除非能確實發掘孩子某方面的天賦，在加以培育下發揮出過人成績而得到認可(例如鋼琴天才五歲考取六七八級)，否則其他一切如考了什麼什麼cert比賽得了什麼什麼皆大歡喜的豬肉獎，閱孩無數的直資私小會當是一回事嗎？如果認為集郵有用，這些父母真是太天真太儍了……

我不自命清高，確實我認知到環境所需也有給予孩子適度的學術支援，我讓她學數只因看到她數學方面較弱，只求打穩根基，讓她在K2 K3時上Trinity只想給予她機會接觸英文語境，讓她游泳跳舞繪畫純粹因為小朋友喜歡，我花的錢和時間在孩子學習和興趣上，不在於集郵，所以每當老師建議考取級別證書，我都一一婉拒了。

我是全職媽媽，出身草根自少屋村長大，也沒有得過甚麼培育，憑著努力最後也考到了全球十大之內世界級的大學。要相信，態度最重要，其次天資，之後才是適度的加強和支援……

(字數超額，待續如下)

Paypaybear

我自己覺得英文底子係必須由細到大要打好基礎，因為長大後出黎做野，英文唔好真係好蝕底，自己感同身受，至於谷同唔谷，完全睇小朋友受唔受到，我小朋友上英文班係上到好開心架，所以真係因人而異。沒有定案。適合就好了

jesswu

francis_chan 發表於 17-6-23 07:54
其實學下興趣班，學下英文，遊水，普通話，如果小朋友都學得開心，真係唔覺得係谷！而甚麼都唔學，考直私扣 ...

同意……
谷與不谷沒有定義，最重要考慮番自己小朋友的需要，不防礙身心發展下學一些對他們發展或培養興趣有幫助的課程其實只有正面的影響……

每個小朋友的需要和能力也不同，不可一概而論。我小朋友在K2至k3期間每星期英、數、游水、畫畫、跳舞各一堂……
聽起來都似好谷，但只有我最了解孩子，我針對性因應她的興趣和能力給予課後栽培，在孩子不抗拒、不影響其作息及身心健康下，有限度的課後學習課程只會產生正面的影響。

juneforgbb

其實講到尾, 都係搵一間岩自己小朋友的學校再作適當的培養, 太谷太放縱都唔好, 至於點先為之谷/放縱, 真係人人睇法唔同
細路仔既能力有幾多, 父母自己應該知道, 有時唔係你想谷就谷得到, 有D你唔洗谷, 佢都叻到飛起

eeie

jesswu 發表於 17-6-22 10:31
人生太短，能健健康康快快樂樂比一切都來的重要。我們想給孩子好的教育好的生活，為的是幫他們的將來舖砌 ...

講得好好！十分認同

creambun

bubuG 發表於 17-6-23 09:09
絕對認同。趁他們年幼時，好好「擺佈」佢地入d好少少嘅學校（唔一定神校），校風純樸，少d不良誘惑，咁様 ...

十分認同，父母能幫到小朋友的主要是幼稚園及小學階段。為小朋友找一間合適的幼稚園及小學是父母的責任。有適當的栽培，備有一定的能力才有選擇的機會。例如你想小朋友入活動，開心一點的小學如陳守仁，港同等，如果你沒有為小朋友準備，只是每日玩樂中渡過，對不起，你小朋友第一round 應該已out. 適合，適當的栽培，為的就是除大抽獎外，小朋友有機會選擇合適的學校。入到一間合適的學校就真是可從開心6年甚至12年。

bubuG

gwenstephen 發表於 17-6-23 07:10
冇話係終点，亦不等於个个要入大學添，有一技之長叻过好多人喇？？…………只要做父母过到 ok 架！

但如 ...

絕對認同。趁他們年幼時，好好「擺佈」佢地入d好少少嘅學校（唔一定神校），校風純樸，少d不良誘惑，咁様已經好值得每星期花少少時間上興趣班，裝備個小孩子去考合適小學。六年小學（甚至一條龍12年）的童年不是比三年幼稚園更重要嗎？

francis_chan

其實學下興趣班，學下英文，遊水，普通話，如果小朋友都學得開心，真係唔覺得係谷！而甚麼都唔學，考直私扣門當然蝕底！

gwenstephen

jason1978 發表於 17-6-22 19:35
一世人流流朽長，點解要將考到心儀小一中學來做終點？
有些事情，過去了不能回頭，童年無咵就無咗。
到大個 ...

冇話係終点，亦不等於个个要入大學添，有一技之長叻过好多人喇？？…………只要做父母过到 ok 架！

但如想仔女入大學，家下抽左去宝校，無錯係仍然行緊，但日日擔心且非常艱難呢！
得閒看看某中學会貼出其 DSE 成績，试唸下你兒子全校頭十名……但不代表入到好小小的大學,心情会如何？

kat0318

很認同以上咁多位媽媽的意見。
我不是ftm,  但我都盡陪伴小朋友閱讀。
這比"陳列"沙紙更重要，更能引發小朋友長大後自我學習的能力。

Sophie0804

mmpo 發表於 17-6-22 15:11
上興趣班學下英文普通話又唔等如唔愉快既，我女上英文班笑到卡卡聲，最緊要適當和適量，太多時間係屋企，佢 ...

我仔仔勁喜歡上興趣班，又勁喜歡去interview。不過沒錢上太多興趣班

jason1978

一世人流流朽長，點解要將考到心儀小一中學來做終點？
有些事情，過去了不能回頭，童年無咵就無咗。
到大個想放鬆、放空都無乜機會。
不同人有不同玩法，找到適合舒服便行。
塞翁失馬，焉之非福。塞翁得馬，焉之非禍。

於我而言，從小培訓學習自學興趣，如何辨是非，與家人相處，勝過硬件智識，面試技巧。

gwenstephen

marcuspoon1207 發表於 17-6-22 13:58
其實我心底是同意六歲前不用識字。。不過要培養音樂感，建立自己的興趣。。

但係派到寶校後，叩門面試時 ...

現狀是殘酷的！ 要清雅脱俗，不跟洪流 …………  冇問題，後果自負之嘛
正等如阿仔考完 DSE，成績優秀，同你講不要一般見識，入大學先有前途。 要尋回自我，決定不入大學且要回歸大自然去種菜…… 到養唔起自己時咪知囉 ？(戴頭盔: 總有種菜成功嘅)

mcl203

bubuG 發表於 17-6-22 18:15
數手指又太慢......2、4、6 even number 都唔得，咁我冇補充。

我小朋友當年P2某日，見佢數手指，我又被EK教話，唔係化，人地K3乘/除數，你仲數手指，冷靜番問，學校教係咪咁教，佢話係，咁我可以收工，請你繼續。P1/2, 好似仲見佢畫下畫下去計數。其實，P4我仲見佢手指郁郁下，佢答話慣左 ~~~

bubuG

mcl203 發表於 17-6-22 18:13
數手指 ~~~

數手指又太慢......2、4、6 even number 都唔得，咁我冇補充。

mcl203

bubuG 發表於 17-6-22 18:05
其實咪就係考個小朋友識唔數2、4、6。往往就會被吹到考小一要乘數。又例如，每個盒5個波，4個盒有幾多個波 ...

數手指 ~~~

bubuG

ok3 發表於 17-6-22 15:49
其實乘數都可以考得好生活化. 我相信冇學校考小一會叫你背乘數, 問你5x4=?, 3x8=?. 最多都係問下, 一棵榭 ...

其實咪就係考個小朋友識唔數2、4、6。往往就會被吹到考小一要乘數。又例如，每個盒5個波，4個盒有幾多個波，其實唔係考你5x4，係考，5、10、15、20。呢d好基本數數。

marcuspoon1207

Sophie0804 發表於 17-6-22 08:16
我唔相信有happy school, 只有適不適合的學校，我不是怪獸家長，但我會把小朋友的底子打好、例如中英文是浸 ...

極度同意。。講乜鬼happy school... 都係假。。。

最Stupid係我同老婆信左6年。。。

ok3

creambun 發表於 17-6-22 14:55
下任特首名字可以算是常識。乘數就比較誇張，不過我知好多K3 小朋友已識。
...

其實乘數都可以考得好生活化. 我相信冇學校考小一會叫你背乘數, 問你5x4=?, 3x8=?. 最多都係問下, 一棵榭有2隻鳥, 3棵榭有?隻鳥呢類問題. 你話呢D問題深唔深, 算唔算乘數? 現實係好多4-5歲嘅小朋友已經識答呢D問題.

deby49

creambun 發表於 17-6-22 15:19
小學校長應該比家長更淸楚教育局指引，如果叩門時考小朋友乘數，家長應明白教育局的指引根本是鬼話。因為 ...

其實只可以靠家長自己平衡。