普教中會令小朋友中文差?

jerry1027

剛替小女註冊了小一, 要選擇入唔入普教中既班。
本來一心諗住係好事, 點知今日同朋友食飯, 佢話普教中係唔好既野, 令小朋友中文水平下降,寫字要先喺腦內轉為著通話,令成個過程慢左, 佢話見過好多入讀普教中班既學生中文都好唔惦, 有無人知係咪真架呢? 有無家長既小朋友係用普教中,可以分享吓

bobpinpin

pbhe 發表於 17-6-27 07:22
我都係比小朋友由K開始讀英普班，讓佢在英普語境無痛地學習和使用英文及普通話。如到6歲仍未習慣聽講普通話 ...

十分有道理的分析。無痛學習提早開始確會令小朋友不會太抗拒新語境。小朋友適應力强，八歲前趕得上語言列車，可以成為終生受用的學習及溝通工具。
不過，要有一定經濟能力先負擔到。

retriever

jerry1027 發表於 17-6-7 19:01
剛替小女註冊了小一, 要選擇入唔入普教中既班。
本來一心諗住係好事, 點知今日同朋友食飯, 佢話普教中係唔 ...

有得揀我揀粵教中。

pbhe

我都係比小朋友由K開始讀英普班，讓佢在英普語境無痛地學習和使用英文及普通話。如到6歲仍未習慣聽講普通話，小朋友開頭可能上中文堂(普教中)冇吸收咁好。廣教中相對更有利，因就算廣教中，要學好中文都係難。我自己細個中文科廣教中D中文咪又係差。反而中文作句我小朋友會自己爆D精準詞語出來，我直頭叫佢用佢嗰個啱唔好用我嗰個。

王家爸爸

akys 發表於 17-6-21 23:41
回覆 jerry1027 的帖子

政府曾經委託大學喺2000至2006做咗個大型學童普教中成果研究，但收到報告後立刻擱 ...

都係嗰句，用最熟識既語言去學習，效果最好。

kwan_0128

語文能力好的小朋友選普教中, 佢地本身學習能力強咩語言教都一樣, 甪普教中可以學到純正流利的國語, 寫作亦比較好
到佢地長大個代跟內地合作(或者返內地工作)在所難免, 學好普通話及中文好重要
但我都聽過唔係間間小學既師資都咁好, 根本唔能夠真正用全普通話上堂, 結果同一時間學既中文夾雜粵語和國語, 完全影響成效
真正既普教中應該老師成堂都用普通話

PandaVV

mimi222shi 發表於 17-6-8 11:20
普教中學多一種語言, 好事.

默書佢自己溫, 聽/講都好左, 為何會令中文差?

認同。我的小孩升讀小一時，中文課是粵教中，另外有普通話課。升讀小二，選了普教中。

我在暑假期間，幫他把小一中文課本用普遍話全部重溫。小二開學後直至小三，普遍話聽講能力很好，寫作/閱讀也理想。

我個人認為學每種語言，多聽說有幫助，況且學多一種語言，將來職場/社交上有幫助。

Olympian

首先，不得不承認，學校作文好的同學，大多內自大陸。他們的家人未必是說普通話，但幼稚園都是全普通話的，生活上接觸普通話的機會亦比我們多，所以自幼就有較好的普通話語境。

在香港，要由普通話帶動到中文作文好是不可能的。即使你上普教中班，你還是不夠語境，要有足夠的語境，除非把香港變為大陸一個城市。

所以普教中，只能令小朋友學普通話學得較好。對中文是不會有幫助的，但也不會令中文變差。

如果小朋友有學習障礙，如讀寫障礙戓語言遲緩，就會加重負擔，否則一般都不會對中文構成問題。

HaYi

我2個都是英普K/P,  大的已高小(英小), 由細中文弱, 一直追到今年呈一算有8字頭, 但要保持需更多功夫  細的將升另一英小P1 , 因為有大的前例, 我地一直放多左時間在中文, 現看他明顯中文能力同英文相若, 同輩中 (有廣教中有普教中) 可算中上.  

所以普定廣教中文我覺得分別不大, 如果小學會是普教中, 在K時普教中反而令他們早習慣.  

中文差, 從我自己的觀察,  除了少接觸外, 細的人我反而覺得同圖像記憶能力有開關,  在初接觸中文時, 此能力高的小朋友易記得字多, 寫得正確, 中文易明易記才不抗拒, 到大了學習高級些的作文分析用字等技巧會相應易些.

在高小初中時, 中文亦需要較細緻的惰感去理解/ 分辨到一些看似差不多的閱讀內容, 因為中文文章有時是較委婉, 不很直接黑白,    (英文我們一般的小學英文要求只是簡單的文法正確, 未需要近中文對文學的要求)   

2jkidsfather

1998Ruby1998 發表於 17-6-22 01:45
粵語／普通話學中文冇話好定壞。

不過如果本身唔係語言天份高的話，普通話讀可能會辛苦。以前班老師都係用 ...

有少少唔同意。
學習一套知識如果能夠以自己的母語，相信會更見速效。
現在不過想以普通話拿到中文控制權，並妖魔化廣東話( 有冇睇教育局 etv?)。

wan_sosin

1998Ruby1998 發表於 17-6-22 01:45
粵語／普通話學中文冇話好定壞。

不過如果本身唔係語言天份高的話，普通話讀可能會辛苦。以前班老師都係用 ...

現在有些普教中的小學生，以能用普通話思考來作文而自豪，認為是學得好的成果，就是家長也這樣認為。
我也曾經試過有家長提議我用這個方法教我仔中文，當然我也認為無咁嘅需要，認為普教中能減少口語入文，其實是極低層次，小朋友經過一些時間學習，這些錯誤不難改過來。好的作文不單只只是文中沒有口語。

1998Ruby1998

粵語／普通話學中文冇話好定壞。

不過如果本身唔係語言天份高的話，普通話讀可能會辛苦。以前班老師都係用粵語讀中文，大學中文系都係用粵語教授。研究都有講過，粵教／普教成效一樣。精英班老師未必好，普通班老師也未必差，呢個好睇運氣。唯一肯定嘅就係，接觸普通話機會高左，普通話能力應該會相對提升。

至於作文，我每次思考都係用粵語。如果要每次都一定要普通話先可以諗到點作，我感覺就係學得唔夠好。

akys

回覆 jerry1027 的帖子

政府曾經委託大學喺2000至2006做咗個大型學童普教中成果研究，但收到報告後立刻擱置研究，跟住死都唔肯公開，哈哈！會唔會因為普教中成果太太太好了，所以驚家長上街反對廣教中？ 自己諗下。

target4

如果屋企有支援，可以普教中，如果無，便不好了

October.

牛奶朱古力 發表於 17-6-20 23:04
唔係個個追到架，咁咪有影響

問題係佢幼稚園好hea, 字都唔多識隻。

所以，我唔肯定唔合格係因為普通話差或是語文底太弱，不過，佢到大考，中文卷已全班第二。

cherrieshum

mimi222shi 發表於 17-6-8 14:23
我覺得普教中對寫中文有幫助.

我都認同！

牛奶朱古力

October. 發表於 17-6-7 21:05
我家兒子小學無得揀全部普教中，佢都幾唔爭氣，普通話學咗六年都非常普通，小一時第一、二次中文測驗唔合格 ...

唔係個個追到架，咁咪有影響

Ocean419

我囝讀英粵普幼稚園但囗語能力好明顯英粵比普好，以前去普通話地方旅行多數聽得明但極少講。小一入左英普班到小一下學期普通話能力大進步，我普通話差所以中文課文對住我佢會用廣東話讀和傾，和同學仔之間就自動轉全普。如果再楝過我都會揀普教，因為我希望我佢能夠克服媽媽其中一樣最大的弱點

cherrieshum

jerry1027 發表於 17-6-7 19:01
剛替小女註冊了小一, 要選擇入唔入普教中既班。
本來一心諗住係好事, 點知今日同朋友食飯, 佢話普教中係唔 ...

我覺得不會，反而普通話進步了。

MrBeast

成效無需爭議，正苦已有研究報告，in short，係唔會令中文好左，至於會不會差左，這個要stretch下父母自己的聯想力