叩門-有冇人試過送圖畫給校長?(真誠求教,不喜勿進)

choikiuma

想送小朋友畫的圖畫給校長，應如何部署?
在面試日子前送? 面試當日送? 面試後送?

如面試當天未能見到校長，是否叫老師轉交給校長?  

如非面試日送，是否要伏校長呢？家長有機會去到校長室嗎？要帶埋小朋友一起送嗎？

Felix223

www 發表於 17-6-9 09:12
點解要送野俾校長？
對其他申請人公平嗎？
這裡是香港，不是大陸！

認同，呢D根本就是歪風。

www

brother4 發表於 17-6-8 07:17
唔送圖畫，還有什麽表達心意?

點解要送野俾校長？
對其他申請人公平嗎？
這裡是香港，不是大陸！

hy8838

我試過整左個精美portfolio ，响見完校長後親手比佢，咁應該比較自然。如果特登等佢而又想成件事自然啲，可能要諗下台詞或出現時間，千奇唔好响佢好忙時出現

retriever

choikiuma 發表於 17-6-5 18:16
想送小朋友畫的圖畫給校長，應如何部署?
在面試日子前送? 面試當日送? 面試後送?

送任何野都係睇受禮人。

可以係送左無壞，但佢公正嚴明(對送野印象不在於你，而在於佢之前遇到什麼奇人奇事),亦可以有反效果。

話說回頭，你可直接寄去，抬頭寫校長名。

brother4

唔送圖畫，還有什麽表達心意?

mytambb

choikiuma 發表於 17-6-5 18:16
想送小朋友畫的圖畫給校長，應如何部署?
在面試日子前送? 面試當日送? 面試後送?

跟電視劇去模仿肥皂泡片段不是成熟的做法。再加上你現在咁高調係呢到問。我相信校方知道後，未必欣賞。

一個半個還有機，但個個咁去做就使人煩厭。

bigyanb

sissysze 發表於 17-6-5 18:35
算把啦，校長好忙，唔好阻住啦，唔係人人 buy 呢啲，要送，寄去算啦

聞所未聞呀

miujoey

所以送畫最多都係加少少誠意分,仲要係個校長受, 對最後結果無直接關係, 我信唔會因為你送晝學校會收個小朋友.

ccyin

我女當年真係有畫過畫第一輪叩門時，交俾面試老師，心儀學校叩門時都有畫，畫左3幅，第一志願嗰間係第二輪叩門時女女親手交俾校長，係一幅用廢物造既畫 (花盤上有幾朵花，另外有隻蝴蝶)，最後叩門成功。

當年同一時間女女朋友又係心儀呢間學校，媽媽親自畫左好多幅畫，親手交俾校長都得不到面試機會

Nee001

山海兒女 發表於 17-6-6 22:04
我認為，如果你小朋友畫畫好有天份，幅畫會令人眼前一亮的話，可撰擇面試前你送，令校長對你小朋友留下良好 ...

好讚同(emoji)(emoji)，在眾多家長叩門日交幅畫，我覺得不合時宜。反而在portfolio加上她的畫畫零感、過程及成績等比較有用！星期六相信見校長機會少之又少，如果有第二次interview,我會一幅交比老師，另一幅代交校長。用正常合理嘅方法，請老師或認識的朋友等等

山海兒女

我認為，如果你小朋友畫畫好有天份，幅畫會令人眼前一亮的話，可撰擇面試前你送，令校長對你小朋友留下良好印象，之後再面見。

但如果只是純粹表達一下誠意，就面試當日，由小朋友親自送好D。

早兩年，姪兒考小一，因他愛書法，K3已寫得一手好字，於是親手寫了一封信，我早上在觀看小兒早會時，幫他交比校長。校長匆匆收下就走了，我估他想避嫌。但不一會，他又出來問我，是否小兒表弟親手寫的？我説是呀。他又問我交了叩門表格未？是否111？我當時已看出，我姪兒成功機會好大，果然當日下午已收電話通知翌日面試，翌日下午就通知成功。
祝成功叩門。

sissysze

http://nextplus.nextmedia.com/news/latest/20170606/517723

浸信會沙田圍呂明才小學（下簡稱沙呂小）校長薛鳳鳴接受《壹週刊》訪問，她強調「想要正常小朋友」，最好獲取錄學生令學校感覺是「多個人、多雙筷」。家長表現過分積極，不按規則辦事，反而把她嚇倒。她說孩子履歷、推薦人及衣著打扮都不重要，最重要是孩子跟學校能perfect match。

作為沙田區其中一所競爭激烈的小學，沙呂小在截止叩門的前一天，已收到三百三十份申請表，校長根據去年經驗，估計截止收表時，大概會有五百多份，但今年的學校能提供的後補學額只有十五人。家長為博取學校注意，往往奇招百出。有些在家長眼中，以為是誠意的表現，在薛鳳鳴校長眼中，卻表示怕怕。

她說最怕看見家長在校門等候自己，亦對不按學校正常程序辦事的家長感到反感，她說：「交申請表唔排隊，直接要遞入去俾校長。你唔單止唔信任我嘅團隊，其實你唔信任我嘅管理。」她認為，家長堅持不按規則辦事，等如預告將來的家校合作會變得非常困難。

www

Felix223 發表於 17-6-6 16:38
校長環柱而走...

乃引其圖畫以擿祭酒，不中，中桐柱。...

www

takakura 發表於 17-6-6 16:16
如果有校長痛腳，畫出黎都係一個好辦法

www

kanhan 發表於 17-6-6 16:21
攪埋呢D門面野仲衰，唔送好過送，反效果，覺得係麻煩，有機心的家長，反而一定唔收。

也有道理，有可能有反效果。自己衡量。

Jane1983

回覆 Charlotte_mom 的帖子

係要有強大心理質素先得，因為打電話、求見、等待的時侯，係容易有d唔係好pleasant的情緒。
有朋友個女而家都十幾歲，佢自己係專業人士，老公係醫生，當年兩公婆去求見校長，三番四次先見到，終於都入咗。但咁多年，每次提起，都係覺得好屈辱，話自己好似乞兒。如果自己心理頂唔順，其實無謂勉強。

Duffy727

想送咪送，一幅畫啫
又或者送張咭或者自制書簽
心意而巳