喇沙小學堂費擬加56% 增至5,000元 家長斥不合理

elbar

■喇沙小學擬下學年增收堂費，由每年3,200元增至5,000元。


津貼小學名校喇沙小學擬下學年起增收堂費，由每年3,200元大幅增加至5,000元，加幅逾56%；有家長斥不合理，不滿增幅「仲高過直資學費平均加幅」，批評校方不應將費用轉嫁學生；喇沙小學則解釋，政府限制收生令其收入減少，故需靠加堂費達致收支平衡，惟未有公佈詳細開支預算。

喇沙小學上周五向家長發通告，宣佈正就加堂費收集家長意見。


通告指，因政府2008至2009年實施限制班級人數政策，學生整體人數減少兩成，堂費收入因而減少，加上過去數年校方入不敷支，未來數年需要更換冷氣、鮮風機等大規模修葺，故擬於2017/18學年起將堂費由每月320元加至500元，即每名學生全年繳交5,000元堂費；預計加費後，收入可由原本約360萬元增至560萬元。


校方：因應物價漲


該校小一家長陳女士向《蘋果》表示反對大加堂費，「加唔係唔得，但一次過加咁多就唔係太合理，一加就加超過50%，仲高過直資學費嘅加幅」，陳女士又質疑校方無逼切性加堂費，「佢可以申請教育局其他基金、QEF（優質教育基金），亦應該節流，唔應該將支出轉嫁畀家長」。


另有不願具名的家長則指出，通告僅將堂費及租場費列作學校收入，未有計算教育局資助額，質疑校方刻意營造學校入不敷支，等同誤導，促校方詳細交代堂費的運用計劃、增費理據。


喇沙小學覆稱，正就增加堂費諮詢家長。校方強調加費是因應物價上漲及局方限制班級人數政策影響，已收回的家長回覆當中，近九成同意加費。校方亦解釋，教育局資助額與堂費收入是分開處理，已主動安排家長會解答家長疑問，惟未有透露堂費的詳細運用計劃。


教育局則稱，未收到該校的增費申請，局方2002年曾批准該校每年收取3,200元的堂費申請。局方續稱，除非獲批准，否則學校不得向小一至中三班級收取堂費。

meowymeowy

Soundervolt 發表於 17-6-4 23:56
天主教學校多數都係“有教無類”，我亦好欣賞呢個原則，衹希望大家唔好再為加適量用於學生身上雜費踩多幾 ...

Foundation同舊生會做左好多野，五花八門搞活動籌錢，都幾好㗎

sukitelfold

Soundervolt 發表於 17-6-5 00:32
唔好誤會呢位LS友校家長，佢衹係對佢公子讀過友校之後，對該校小學部教出嚟嘅學生有感而發啫。
...

係咪㗎！！！？？？

當係，收返最後一句

Soundervolt

sukitelfold 發表於 17-6-5 00:22
本帖最後由 sukitelfold 於 17-6-5 00:25 編輯

根本對了學校，不是對件事！！！

唔好誤會呢位LS友校家長，佢衹係對佢公子讀過友校之後，對該校小學部教出嚟嘅學生有感而發啫。

sukitelfold

siden 發表於 17-6-5 00:08
「希望大家唔好再為加適量用於學生身上雜費踩多幾腳」

踩低人來抬高自己，冇必要也無意義。

本帖最後由 sukitelfold 於 17-6-5 00:25 編輯

根本對了學校，不是對件事！！！

當天睇蘋果新聞，尾段搵個所謂專家校長出嚟吹兩句，居然話未聽過收堂費，唔知話佢低智定天真又太儍好！！！

服咗佢，仲話業界代表。。。


利申：交緊堂費。

Felix223

elbar 發表於 17-6-2 12:25
等同直資學費　學界詫異

有D人喜歡喺度挑機，唔明仲有咩好嘈？好無聊。

siden

「希望大家唔好再為加適量用於學生身上雜費踩多幾腳」

踩低人來抬高自己，冇必要也無意義。

sukitelfold

Soundervolt 發表於 17-6-4 22:55
本帖最後由 Soundervolt 於 17-6-4 22:58 編輯

陳sir，我點知令公子出身於邊一間名校小學呢？不過做比 ...

同意！

收堂費有乜好嘈呢？！用於大圍學生身上，又唔係學校高層攞去揮霍，條條數有根有據。。。

siden

Soundervolt 發表於 17-6-4 23:56
天主教學校多數都係“有教無類”，我亦好欣賞呢個原則，衹希望大家唔好再為加適量用於學生身上雜費踩多幾 ...

Well said

Soundervolt

ANChan59 發表於 17-6-5 00:01
但這所小學的硬件設施就真麻麻，又細又舊，但軟件就比所謂名小教出嚟的學生，謙虛 d 嚟講不徨多讓，性格塑 ...

陳sir, 住公屋同住豪宅亦都可以係好人，如果有得揀，我都希望住豪宅亦係好人。

ANChan59

Soundervolt 發表於 17-6-4 22:55
本帖最後由 Soundervolt 於 17-6-4 22:58 編輯

陳sir，我點知令公子出身於邊一間名校小學呢？不過做比 ...

但這所小學的硬件設施就真麻麻，又細又舊，但軟件就比所謂名小教出嚟的學生，謙虛 d 嚟講不徨多讓，性格塑造更好！

你又唔好估錯名小係邊幾間？

Soundervolt

meowymeowy 發表於 17-6-4 23:49
隔離校一早出左email講明唔會轉直資～ 學校係有教無類，現時辦學模式切合辦學宗旨～
...

天主教學校多數都係“有教無類”，我亦好欣賞呢個原則，衹希望大家唔好再為加適量用於學生身上雜費踩多幾腳，亦希望鄰居學校嘅校友多啲支持母校作出捐獻。

MC1128

Soundervolt 發表於 17-6-4 23:45
本帖最後由 Soundervolt 於 17-6-4 23:46 編輯

鄰居學校其實問題更大，因為學校部份建築物被列為甲級古 ...

辦學團體最近再重新確定了瑪利諾修會的辦學精神，不轉直資

meowymeowy

Soundervolt 發表於 17-6-4 23:45
本帖最後由 Soundervolt 於 17-6-4 23:46 編輯

鄰居學校其實問題更大，因為學校部份建築物被列為甲級古 ...

隔離校一早出左email講明唔會轉直資～ 學校係有教無類，現時辦學模式切合辦學宗旨～

Soundervolt

B.B.BaBa 發表於 17-6-3 15:15
搵一兩個唔讚成的 "家長" 做新聞，其餘的 90% 家長意見可以不理？搵個唔識野的 "資深校長" 扮權威出來評論 ...

鄰居學校其實問題更大，因為學校部份建築物被列為甲級古蹪，但政府對維修資助有限，而其他未列入古蹟部份亦相當殘舊，需要唔少錢去維修，而且女校（除咗DGS外）籌款能力一向偏低，以佢地學校嘅規模，雖然會收6000一年雜費，但身為津貼學校仍然十分吃力，真係有可能轉為直資去解決問題。

Soundervolt

ANChan59 發表於 17-6-4 22:47
你應該搞錯了，當年是讀東區一間好正的津小，不是直資！升中才僥幸考入直資。

5000 同 400 又真係差好遠 ...

我之前都有講過，就算唔游水，唔玩田徑，唔玩課外活動，仲有其他教學設施同起碼全校中央空調已值回票價啦，任何學生一定受惠。其實LS foundation己經對相關支出作出補貼。

Soundervolt

ANChan59 發表於 17-6-4 22:47
你應該搞錯了，當年是讀東區一間好正的津小，不是直資！升中才僥幸考入直資。

5000 同 400 又真係差好遠 ...

陳sir，我點知令公子出身於邊一間名校小學呢？不過做比較都要Apple to Apple, LSPS嘅設施好肯定（除咗直資之外）係全港津小之冠，我相信以令公子讀過嗰間小學，交幾百蚊一定冇咁嘅回報。

ANChan59

Soundervolt 發表於 17-6-4 22:35
本帖最後由 Soundervolt 於 17-6-4 22:47 編輯

但係令公子間學校又收政府資助又要學生交學費呢，而且學 ...

你應該搞錯了，當年是讀東區一間好正的津小，不是直資！升中才僥幸考入直資。

5000 同 400 又真係差好遠！

如果個仔唔遊水，唔玩田徑，唔玩音樂，唔玩課外活動，咁又好激氣！

Soundervolt

ANChan59 發表於 17-6-4 22:22
You mean ....

5000 > 3000 > 1600 > ....   the highest among all aided primary schools.

但係令公子間學校又收政府資助又要學生交學費呢，而且學費唔平，收得兩家茶禮已經好好使啦。仲好意思收300蚊雜費，150蚊PTA費?
而且貴校亦係全港籌款能力之冠，津校點有得比呀?

dreamdream081

要俾5萬都大把人爭住入讀