請教屯門band1尾band2頭邊沿選校

sharol1312

請教一下，學校話無banding比我個仔，叫我自行量個仔係咩banding,星期四要交表，勁苦惱，我應進取還是要保守選校好，請各家長給點意見，謝謝

lmc640

tamahy 發表於 17-7-14 18:27
你小朋友讀屯門邊間小學?,你可PM我!

請問可pm你嗎？

sharol1312

tamahy 發表於 17-7-14 18:27
你小朋友讀屯門邊間小學?,你可PM我!

佢唔係屯門學校

hwl2b

sharol1312 發表於 17-4-29 16:03
首先譚伯羽無得in。話說起來真係長篇大論，請各家長包容一下。
小兒係天水圍順記就讀的，全級有121人，五年 ...

樓主真係好無奈, 我個仔小六時係邊緣人,
老師都講到明, 係邊緣, 分唔到1定2
我都問老師咁邊緣人要點揀

佢教我乙部 1,2志願 填BAND 1學校
第3志願開始要填BAND 2

但更安全的做法是:
第1志願填BAND 1C 學校
第2志願開始填BAND 2A

因為如果係BAND 1,應該第一志願已入左,
如果唔好彩係BAND 2, 咁你頭兩位揀左BAND 1 就蝕左,
就好大機會跌到好後

點都好啦, 現在大局已定, 希望你仔仔順利入讀第一志願~~

winglung

如無理解錯誤...我睇到學校已估計係1尾2頭
每間學校可估計到一定數量學生係b1,接着有約10~15名係灰色地帶(1尾2頭)
填大抽奬時,灰色地帶學生同肯定係b1生填法唔同

sharol1312

回覆 blee427 的帖子

我起初都以為係有龍先係咁，有朋友個女係耀道讀，佢哋都係有龍嘅學校，但佢哋都有提供學估計的學生組別，及上年度所有組別的派位結果資料，仲係有齊如b1某學生的自選中學名，抽籤頭三中學名，獲派甚麼學校或自選已取錄的資料，所以我對伍記有所失望。

sharol1312

回覆 wingfamily 的帖子

無任何數據可比到我作參考，主任話跟據教育局的參考指引，一間普通學校平均banding係1/3，叫我以這個作為參考。

blee427

龍校好多時都係咁。但伍記考40，到屯門好有可能跌落band2

wingfamily

sharol1312 發表於 17-4-28 22:06
請教一下，學校話無banding比我個仔，叫我自行量個仔係咩banding,星期四要交表，勁苦惱，我應進取還是要保 ...

想問下你小學大约這幾年有幾多人派到Brand one 及 Brand two 中學? 如果有數據可以大约推算你小朋友屬於Brand two 頭 or 尾 ， 另外你間小覺好差Law 叫人點簡。

sharol1312

如兩個方案，方案1:乙1馬中2屯天3崇真，方案2:乙1馬中2崇真（之後都係排b2),請問各媽媽的意見，那方案會好d同埋應該第幾要排b3學校，謝謝各位。

lcwz01

屯門區英中位夠曬畀band1生, 所以有部份英中都會收到band2學生. 樓主乙1 可以放馬中或者譚中.  如果係band1生, 好大機會已經入咗. 如果唔入, b2機會好大, 咁乙2就要揀返間穩陣嘅B2. eg 永隆, 唐賓南.

sharol1312

問唔到所識的家長，因為大部分都選一條龍直升，我估都有3分2人係直升。

lost201103

我都係第一次聽到學校係完全唔俾banding,  大概既都應該要講。 家長好無頭緒喎！ 有無問過其他同學仔媽咪是否有同樣情況?

sharol1312

補充：住址已轉屯門網。

sharol1312

首先譚伯羽無得in。話說起來真係長篇大論，請各家長包容一下。
小兒係天水圍順記就讀的，全級有121人，五年級下學期40㦱45名，六年級上學期35左右，這是測驗加考試排出來，當時係家長日班主任所提供的資料，因成績表沒名次的，係第二次呈分未出成績時，因要選擇是否直升時曾與升學主任聯絡過，當時她給的意見係應該直升比較好，原因係小兒第一次over40排名，揀b2學校，但未必一定會派到你心儀嘅中學，要睇埋個隨機No睇彩數，仲之不斷強調小兒over40名，不宜脫龍，最後我堅持簽表要脫龍，到第二次呈家長日，班主任說自選可以㨂得進取些，因之前升中主任聯絡我時未出第二次呈分，當時我問小兒名次時，她提供的資料係約35，到第三次呈分試考完就即刻放復活假，派咗張派位表副本比我試填，唸住應該未出到成績所以無banding,期待假期完結後應有結果比我考慮點排學校啦，但日日問我小孩老師有無比相關資料，答案係一直都無，到今個星期四派正式表格都未有，一心唸住昨日係家長日應該有我想知嘅答案啦，其實已心急如焚，到我見班主任時，我好似跌咗入谷底咁求助無門，問佢小兒係屬咩banding,答案係學校一往都無提供亦無特別去比學生，因每年學生banding的比率都會有機會改變，無可能答覆一個準確的答案比我，我話我明白呢點，當然無百分百啦，但其他學校都有他們為每個學生估計的banding,學校會根據過往的數據資料去估計，呢d資料係我家長無的，她還是那句我學沒有d希望家長明白，於是我問她給我小兒今次的呈分排名給我自己估，她說沒有的，測驗成績學校係唔會排名，你小兒成績唔係特別上上那群，如全A分數(即90以上）就知係b1，只能說她自己估計係1尾2頭，不能答到你是b1定2,因學校真係無出學生Banding,如我選的馬可賓都有50%機會，叫我應自行作出考慮及估計，當時我已去到火燒心的程度，要按住自己情緒同她解釋差一個band,排位都可有所出入，還要拜托她幫忙可否盡量找找大約名次，好讓我估計，她說幫我問一下負責計算分數的負責主任，再覆我，最後我問佢而家可以點搵負責升學的主任，佢叫我到校務處書記幫忙，最後同我講升學主任可能幫到我，主任會清楚點。當然即去校務處找找，我眼見書記幫忙打內線去找，一會書記說主任唔係位，請我留電話，我答佢昨日放學已留過，未知係咪職務煩忘未回覆，不知所措時，不一會書記竟答我主任話而家忙緊未方便接見，一陣會再覆我電話，我當時呆咗，好似無再見書記再接觸過個電話，一時唔係位無人聽一時主任話轉頭覆，我安慰自己可能剛才無望清楚，無為意，唔好誤會人哋啦，帶小孩去食嘢啦等下啦。應該約半個鐘頭內，主任回電了，打完招呼的開塲白後，聽到好似睇新聞高官的回答技巧，按教署指引不能透露.......，我校都只能遵守......，希望家長明白體諒，跌落谷底未算底，仲要轉地，我又係嗰幾返說話啦，表明係不是要教署嘅準確資料，係希望以學校過往的經驗估計比我作參考，佢答我同班主任頭先傾過，跟教署全絕人數平均分三份，頭兩次當佢係1尾學生，我話就係頭一次底咗，加埋第二次去拉平均會好擇界，所以第三次級名次好重要，我話間間小學比學生嘅band都係估嫁啦，點解人哋做到，唯你校做唔到呢，佢先答我因我個案特別，先幫下我低處理，但叫我要低調，跟住話晏少少會有個負責分數嘅主任會聯絡我，為有等等等。一個鐘頭左右，負責整理分數嘅主任打嚟，一論開塲白後，又係教署指引......，同埋學校無單單一次測驗去為單一學生去排名，我只能再退一步，問請佢告訴我知單看的大約估計及同上次呈次對比其他同學會否有大躍進而小兒係跌，答案係我唔係班主任身份，所以唔方便答呢d問題，一會叫班主任覆你。五分鐘內班主任回電，當然係無答案啦，只透露小兒成績平穩，無大上大落，其他的同學也是，總有一兩位同學進步嘅，都係1尾2頭，好難講實係1定2，最後估計及決定權係家長到，到此我已無心機再去同佢講一字半句，客氣地收線。我腦海裡將所有事件及對話，感覺係灑緊我，且時亦係一個好鬼麻煩嘅家長，或許大家言語有誤解，又或係我自己太主觀有問題，星期四要交表啦。今日聯絡過補習老師，佢了解事情及對話後，意見係應1尾多，計法係第一次（老師當時比41至至45）當45計，第二次37（昨日提供），第三次當38計（昨日提供平穩，差不多），拉平均係40名。
請各媽媽見諒及包容咁長篇，謝謝您們比我宣洩一下情緒。希望各位指教一下及我一點意見，謝謝各媽媽及祝福你們的小朋友順利入到首一心儀的中學。

kaiyui_BB

學校無可能唔比個banding個學生喎（雖然都係約略估計）

pancy

回覆 sharol1312 的帖子

你個仔讀邊間小學呀？考試成績如何？

lost201103

譚伯羽有無得interview？
平時考試，學校排級幾？

sharol1312

回覆 ms.aeroplane 的帖子

自選馬可賓，譚伯羽。今日家長日問班主任，佢話學校無banding比學生，前後三個老師覆我電話，攪咗半日都係無答案，谷氣到爆。