12月男b 做大b定細b好呢？

nothing123

一路係到爭扎緊
有幼稚園收左，今年9月開學
但我仲未決定好 好怕會做錯決定
見好多人都話男既 做大仔好過細仔
大家俾啲意見我可以嗎？
如做大仔，等多年先讀書，會唔會好悶。。

funseller

lambeanmama 發表於 17-5-13 21:49
如果你仔現時是K1細b 而ORT可自行朗讀至第六級，我相信這不是一般的聰明。你讓我更確定我家笨小孩真的要re ...

我個仔4歲5個月大，K2。
佢睇書同用點讀筆聽ORT係好專注同會重複聽，幼稚園又有教phonics，所以可能唔明但識讀D字同D文。
呢D係咪叫聰明我唔知，因為係我第一個小朋友，我冇經驗，不過阿仔嗰種專注同自學，我自愧不如。

lambeanmama

funseller 發表於 17-5-13 18:43
因為見有媽咪問有冇真係細B嘅媽咪，所以我分享下：
我大仔十二月出世，因為覺得佢細細個已經係好有意欲學 ...

如果你仔現時是K1細b 而ORT可自行朗讀至第六級，我相信這不是一般的聰明。你讓我更確定我家笨小孩真的要repeat一年好好學習。

funseller

nothing123 發表於 17-4-26 13:18
一路係到爭扎緊
有幼稚園收左，今年9月開學
但我仲未決定好 好怕會做錯決定

因為見有媽咪問有冇真係細B嘅媽咪，所以我分享下：
我大仔十二月出世，因為覺得佢細細個已經係好有意欲學嘢嘅人，例如幾個月大對書嘅興趣大過玩具，不斷要我地讀書畀佢聽，歲半自己用點讀筆睇ORT，所以畀佢試做細B考K1，諗住跟唔到就重讀K1。幼稚園面試係蝕底D，因為唔係好識講嘢，只係手指指，或者唔睬人。報左幾間屋企附近幼稚園，得一間私幼國際上午班收，其他一係唔收，一係下午班或後補。
頭嗰一、兩個月老師評價一般，因為屋企冇英文環境，我個仔性格又慢熱，所以相比其他小朋友各方面弱D。但其後漸入佳境，K1上學期完老師已表示佢學術上完全冇問題，小肌肉及身體發展會比同班大B稍遜，但尚算可以。
讀到今年K2，點知今個月不幸遇著阿仔間幼稚園因租務問題7月要執笠，於是去九龍塘某名幼面試插班K2，結果順利入讀。面試老師都驚訝我個仔雖然係細B，但身高中等唔算矮，英文、數學完全答到，中文字有D認唔到（因為兩間幼稚園教嘅主題唔同），以為阿仔有上好多補習班或屋企成日講英文。我地表示阿仔除左返幼稚園，就係佢自己睇書學，依家ORT可以自己朗讀到第六級（但未必明(emoji)）。
我個仔係求知慾好強嘅小朋友，所以我諗我畀佢做細B早D讀書係正確選擇，同埋返學多D小朋友冇咁悶，而我亦唔要求佢樣樣都要跟到或要叻。
但我亦知道阿仔同班有其他細B同學可能打算重讀K2。
所以做大B或細B真係要睇小朋友嘅特點。

lambeanmama

pizzafat 發表於 17-5-11 19:15
多謝你提點，其實我地已盡力陪小朋友，亦唔係覺得姐姐可取代父母，只係覺得有姐姐會幫輕到家務，陪小朋友 ...

係，早幾個月為了追上學校進度，我晚晚親子時間就是各式各樣學習有關的遊戲。追是無問題，但不想生活只在追趕學術。放慢一點步速，讓孩子有空間和時間成長，亦是美事。

sharonchan.0711

如果做細既跟得到，做大更加優秀
如果做細既跟唔到，更加應該做大

pizzafat

ar_mak 發表於 17-5-11 15:00
我善意地提提你,去到考小學,學校係高度重視親子關係.

"而且我地係雙職家庭，無姐姐，實在唔係太多時間可伴 ...

多謝你提點，其實我地已盡力陪小朋友，亦唔係覺得姐姐可取代父母，只係覺得有姐姐會幫輕到家務，陪小朋友時間可以多d

所以先會諗做大b，多d時間幫小朋友成長，平衡自理同學術，唔想做細b只顧一齊追學術

fasic88

回覆 lambeanmama 的帖子

同意，如果細b 本身已經超班，做大會更加顯著，話唔埋考到co-ed添^^

pizzafat

ar_mak 發表於 17-5-10 22:37
有個現象係好有趣,一方面會希望小朋友做大B,比時間佢地成長;另一方面,又會不斷想小朋友學前D學快D.

1. 當 ...

都明呀，坦白講我想仔就大b係因為我懶，我唔想佢做細b長期再幫佢追課程、迫佢學多d野，拉近同大b距離，希望俾多一年時間佢慢慢成長，到大左學野會比較得心應手，係幼稚園階段打好基礎同建立自信心先上小學

而且我地係雙職家庭，無姐姐，實在唔係太多時間可伴讀教佢野，所以先諗俾佢做大b會唔會好d

agneslulu

pizzafat 發表於 17-5-10 19:27
我仔都係慢熱觀察型，做大b大多一年再去考k真係會好一點？

我個人覺得個優勢係，大B會淡定啲，唔喊已經比人著數咗

pizzafat

agneslulu 發表於 17-5-10 08:51
當年我都掙扎好耐點選擇，本身囡囡係慢熱/觀察型，足兩歲時入讀N班先開始肯講嘢，讀咗半年N班 我就決定讀 ...

我仔都係慢熱觀察型，做大b大多一年再去考k真係會好一點？

agneslulu

AlissaKate 發表於 17-4-27 20:12
請問是否你同意女孩子做細B會好些嗎？

當年我都掙扎好耐點選擇，本身囡囡係慢熱/觀察型，足兩歲時入讀N班先開始肯講嘢，讀咗半年N班 我就決定讀多年N做大大B，亦可能真係大B問題 囡囡幸運地考到好K1

lambeanmama

不知道回覆者當中有多少人的孩子是十二月細b。我仔13年12月；去年有出名學券幼稚園收K1, 全班最細，但決定照讀。上學期，已感受到大細B差距。班中最大的同學大我仔14個月！但去到上學期尾，老師已說學術、自理均與大中b無疑。下學期四月開始畫線，明顯見到孩子執筆未ready; 老師也叫我多在家中練習。我本身也有再考K且有好offer; 五月交大訂時也有回現校老師傾過。老師建議：1. 可睇多一年，repeat K2; 2. 要在家多練習；多練就好；3. 老師同意我仔學習能力好，但細b始終要時間去追。經過和老公再三討論，決定repeat; 因為1.我睇過小一功課，比我們小時候深，小一似小二三；怕孩子追得辛苦；2. 我相信每位小朋友都有自己的時間表，唔想過分追谷；不想嚇怕孩子；3. 我自己希望孩子考小升小時有選擇，讓我和孩子多一年時間準備相信會較理想。事實也無悔先讀一年K1, 這年學好自理，打好品格基礎。repeat與否，因人而異；固是細b也有叻仔叻女；但學術以外，有很多環節其實仍有大細b差距。你多留心孩子發展，才可作決定。

happyapple

http://www.baby-kingdom.com/forum.php?mod=viewthread&tid=19753990

睇完係BK，令我覺得選擇做大B是正確的。

QQfishs

男仔比女仔遲熟，特別係小朋友差半年已好吾同，如果有得選擇就做大B好。

day_bo

nothing123 發表於 17-4-26 13:18
一路係到爭扎緊
有幼稚園收左，今年9月開學
但我仲未決定好 好怕會做錯決定

做大細B是看看小朋友的性格和能力是否適合。但通常要到K2-3才真正看到能力是否真的適合做大一或細，而到K2-3才決定REPEAT又可能有點遲了，所以如你唔想搏就做大B吧。至於升上小學追得辛苦有很多因素，不一定是關大細B事，因素例如本身小朋友資質、幼稚園程度、自小有冇閱讀習慣、錯配小學等等。以上只是個人愚見，不喜勿插。