剛確認仔仔有自閉症, 有冇人可以分享應該如何是好?

purinlu

仔仔宜家2歲2個月大, 健康院已轉介到智力中心做評估, 但我們心急到了精神科醫生做評估, 醫生確認了, 仔仔主要社交障礙, 無乜眼神接觸, 自我中心. 語言也遲緩,

昨晚好難過, 好擔心仔仔將來長大發展, 醫生建議我們盡快揾訓練中心改善, 否則上到幼稚園都有困難, 我哭了成晚, 我要好好面對,

我們現在都唔知如何是好, 也不知要怎樣教仔仔, 醫生知道協康或政府都要排好長時間至可以安排訓練.

大家你們可否分享心得或建議到那中心比較好?

purinlu

由評估到今日, 今日至可以攞到個排政府服務的號碼, 都要成差唔多一個月. 唉...

purinlu

我都有睇到Youtube 陳錦鴻個講座, 真係可以多點了解自閉, 很有得著,

不過, 這幾個月唔只睇以上的講座, 其他自閉Video都有睇, 有時半夜瞓唔著又睇, 睇到有時更加唔開心, 又睇到喊, 宜家唔敢再睇咁多。

jadenhayden

purinlu 發表於 17-4-11 11:26
仔仔宜家2歲2個月大, 健康院已轉介到智力中心做評估, 但我們心急到了精神科醫生做評估, 醫生確認了, 仔仔主 ...

我覺得除左接受治療之外，父母首先要了解一下這個病，明白小朋友嘅行為，因為嗰時我唔了解，成日會因為佢嘅固執問題而鬧佢！一家都生活得好唔開心！後來睇多左書，對佢包容大左，大家都相處得好左！介紹你去YouTube 睇陳錦鴻個talk,必定有所得著

selahpmau

原來收到獲派通知仲要等多幾個星期, 不過社署社工好nice, 真心讚

T96

selahpmau 發表於 17-5-29 02:16
想請問如果剛收到社署的通知話康復服務中央轉介終於獲得編配協康會的早期教育及訓練中心的服務後, 通常需要 ...

睇下派到幾時


康復服務中央轉介系統輪候冊資料更新

http://www.swd.gov.hk/tc/index/site_pubsvc/page_rehab/sub_admissiont/id_crsrehabwa/

purinlu

你不如打去問一問你的社工, 抱歉我都唔太清楚

selahpmau

想請問如果剛收到社署的通知話康復服務中央轉介終於獲得編配協康會的早期教育及訓練中心的服務後, 通常需要再等多久? 因為最近校長同老師話小兒的情緒社交問題明顯咗，而最近在校發生了些頗嚴重的社交事情，本來想立即另找私人小組訓練，但同時收到社署通知，不知是否需要找私人。 我小兒屬於自閉傾向類別,情況不算太嚴重。

purinlu

回覆 KCHK 的帖子

知道, 我會努力的!

KCHK

purinlu 發表於 17-4-18 10:45
我心情真係好唔平穩, 昨晚發了好大脾氣比老公, 我平時好少發, 瞓覺都唔係好瞓到, 我想問有冇一些家長會或講 ...

我昨日仔仔做小一評估, 智力正常（中下）, 可入主流小學, 建議學校提供言語治療, 社交小組來幫助行為及情緒方面的支援, 學習支援。心理學家同我講我仔算係好大的進步，呢個都算係作為自己的成績表，因為兩歲時的評估都幾差，所以你都要努力。如果你想參加一些講座, 例如協康，耀能呢d，你入左會就可以參加好多講座及課程,努力！

purinlu

我請問大家, 樂天好唔好? 因有朋友建議上樂天密集訓練

Yukiruirui888

purinlu 發表於 17-4-18 10:45
我心情真係好唔平穩, 昨晚發了好大脾氣比老公, 我平時好少發, 瞓覺都唔係好瞓到, 我想問有冇一些家長會或講 ...

耀能，協康，愛培，坊間都多，或者你都可以係fb搵下d特殊谷，都會有d資訊

lobb2015

purinlu 發表於 17-4-18 10:45
我心情真係好唔平穩, 昨晚發了好大脾氣比老公, 我平時好少發, 瞓覺都唔係好瞓到, 我想問有冇一些家長會或講 ...

我都成日瞓瞓吓紮醒

purinlu

我心情真係好唔平穩, 昨晚發了好大脾氣比老公, 我平時好少發, 瞓覺都唔係好瞓到, 我想問有冇一些家長會或講座可以參加, 我想同老公好好上堂, 多點了解及可以從家長們得到多點資訊.

heiheiada

vincelo29 發表於 17-4-16 23:58
你好，我小朋友兩歲半都確診自閉譜系，言語社交緩慢，言語方面遲同齡一年，今年K1剛派到兼收位，現在仍要 ...

我的到校服務機構有期刊讓家長報名參加相關活動，亦有志願機構，如明愛，搞這類課程。
我阿囝的幼兒園在小學暑假期間會借用附近小學校舍一個星期做模擬，而多數小學都會在開學之前有幾天小一適應日。

你的小朋友現在才K1，不用太擔心。

vincelo29

KCHK 發表於 17-4-17 08:55
小一適應小組， 我係政府醫院的精神科覆診之一的治療姑娘講會在暑假時進行(之前都有家長及小朋友的治療及講 ...

好呀，謝謝。他們的學校特殊老師曾提及瑪麗醫院曾有類似的小組，但怎麼申報就唔太清楚，所以我想上來了解一下。

KCHK

小一適應小組， 我係政府醫院的精神科覆診之一的治療姑娘講會在暑假時進行(之前都有家長及小朋友的治療及講座)， 我唔知道是否每地區有， 另外亞仔讀緊S 位, 差不多開始會模擬小學咁上堂, 另外你將會讀的小學也會有應該有體驗堂

vincelo29

heiheiada 發表於 17-4-14 19:24
回覆 purinlu 的帖子

你好，我小朋友兩歲半都確診自閉譜系，言語社交緩慢，言語方面遲同齡一年，今年K1剛派到兼收位，現在仍要繼續追言語、社交，我想了解怎樣申報升小一適應小組？謝謝你

heiheiada

回覆 purinlu 的帖子



我個囝都係今年年頭俾 CAC 評估為自閉。

阿囝發現有問題時佢已經4歲半，因為情況唔嚴重，健康院夾硬話佢冇事。只係轉介左幾堂言語治療俾阿囝。

後來我透過學校找了心理學家評估，取了轉介信，去社署登記。當時我好好彩，幼園校長請了學校社工幫忙，陪我去社署登記，又幫忙我申請到校服務。之後，我又遇到一個好好心嘅社署職員，佢收到我個 case 就即刻接見我，幫忙處理。所以我喺極短嘅時間就申請到社署嘅輪候號碼＋到校服務。之後，我才拿轉介信到 CAC 登記，排期排差唔多一年，到今年年頭才等到評估，結果 CAC 嘅心理學家確認佢有自閉証。


我同C6當時都好平靜，可能係因為阿囝自從接受到校服務之後，有好明顯嘅進步，亦都可能係因為我地明白，無論評估結果如何，我地都會努力去輔助佢。最近，阿囝參加左升小學適應小組，阿囝嘅態度有好明顯嘅改善，社工亦都話佢升普通小學完全沒問題。


所以，樓主唔好唔開心，我地要做嘅係盡我地嘅能力去幫助佢，結果係點樣唔到我地控制，只能說盡了力，無悔了！船到橋頭自然直，我們都不要太擔心，上天自有安排。