保護孩子 家長應提出罷考TSA（許智峯）

elbar

■教育局今年復考小三TSA，並改名為BCA。


童年本應是充滿歡樂與懷念，但多得政府推行的TSA（全港性系統評估）政策，現在兒童長大後的童年回憶，卻是無日無之的操練，和永無休止的補充練習。取消TSA，是社會的主流聲音，但現屆特首梁振英還堅持要繼續今年5月的小三TSA（現稱基本能力評估研究計劃，BCA），不讓今年的小三學生有喘息之機。作為關懷子女的家長，我們應該保護自己的孩子，向學校提出罷考，以行動改變這個扭曲的教育制度。


政策本意是好的，是想通過客觀標準評估教與學的成效，讓學校改進，在英國有SATs，在美國有NAEP，都是類似的安排。英國SATs針對7歲和11歲學生進行英文及數學等測驗，但7歲的測試以教師評估為主導，測試只是輔助。美國NAEP則抽樣選出9、13和17歲的學生作測試，包括數學、語文及科學，但不會披露學生與學校的成績。


香港的TSA雖然不會公佈個別學生成績，但已經變質，由改善教學的工具變成校方逼學生操練以提升達標率的禍源。在學校瘋狂催谷下，學生要不斷操練，令TSA變得毫無意義，白白浪費學生的光陰及造成壓力。


政府早年濫用這評估制度，以成績向校方施壓，令學校有催谷學生的壓力，而辦學團體可從學校成績報告計算旗下學校的成績，造成學校間的競爭。最大的問題是，小三TSA是幼童第一個面對的公開試，形成過早操練應試的文化。                                                                                                         


為爭取更好的學制


父母想子女成材是理所當然，當然希望子女的考試成績好，但操練未必能改善子女成績，還可能對他們的心理有負面影響。若家長擔心子女學校的操練少過其他學校的學生，學校因此要增加操練，只會變成惡性循環。


要扭轉操練文化，最好的方法就是取消TSA。我們要相信前線教師的專業，他們每天的用心教導，比任何評估制度更能了解學生的水平，亦更明白如何可幫助學生提升學業成績。


我也是家長，很明白家長看到子女放學做功課到深夜，失去快樂時光和學習興趣而感痛心。既然政府拒絕回應民意，家長應該主動保護自己的孩子，向學校提出罷考。


罷考不是激進，也不是對抗，而是為了爭取更好的制度，家長絕對有權這樣做，只要寫信給校長，要求當天不考BCA，讓學校安排其他教學活動。因為不認同BCA而罷考，我有信心學校不會將之視為犯校規，亦不會懲罰學生。學校更能透過不考BCA，與學生分享背後的想法，會是良好的公民教育。


請梁振英政府放過學生，即時暫停BCA，讓社會深入討論，亦請候任特首林鄭月娥即使未能成功游說梁振英停考BCA，也請公開說新一屆政府不會使用本年BCA的數據，不會計算達標率或製成報告，直到社會有共識為止。




許智峯
民主黨立法會議員

MrBeast

MrBeast 發表於 17-4-12 13:41
眼看這幾年社會發生的事情，要去相信機制實在有些困難。早幾年前唔得掂因北區kg位出一些數據解畫，也是有 ...

見到d咁嘅新聞，仲點會對教局有信心：
http://cablenews.i-cable.com/ci/videopage/program/122484327/新聞刺針/教育局批地標準不明/

judy

你死都要話反TsA啲人是被又專業又懶又無良的老師擺佈幫手屈政府,

我冇講過呢啲。

反而，教師係俾反TSA嘅人屈成冇專業又懶又無良嘅人。

Doray

judy 發表於 17-4-13 16:53
我都冇話你俾人煽動。

我冇留意你"講咗呢個topic 係應該留被EBD同業內人事攪掂佢"。

https://www.edu-kingdom.com/forum.php?mod=viewthread&tid=3438484&extra=page%3D1&page=1
#20

judy

我都冇話你俾人煽動。

我冇留意你"講咗呢個topic 係應該留被EBD同業內人事攪掂佢"。

Doray

扮乜？我唔明你死都要話反TsA啲人是被又專業又懶又無良的老師擺佈幫手屈政府, 我一早講咗呢個topic 係應該留被EBD同業內人事攪掂佢，我個人立場上一兩個post 講咗啦，你啲立場咪係話好憎被人代表嘛，我就好憎被人屈係俾人煽動嘅無知師奶！

judy

我完全唔覺得呢啲回應幾有point 同對解決件事有乜用？又開始無限loop...

咪扮野啦，對你而言，冇取消TSA點解决到問題呢？

况且，TSA己撿討，改咕啦。

palmchristy

Doray 發表於 17-4-13 15:42
I object 過早過深的考核 and support minimize 所有初小考核,that's why I support cancellation of TSA a ...

你咁講就清楚好多了. 唔知啲有關團體係唔係咁諗.  

同埋, 點解唔係先取消校內考試 / 取消默書 / 取消測驗先呢? 點樣去justify取消的緩急先後呢? 用乜野方法去衡量邊樣事情對學童的壓力和損害最大呢?

我懷疑有人好多相關問題都未諗清楚, 就急就章去建議取消一個有實質作用而學童又壓力唔大的TSA, 開刀做手術都開錯位, 咁係有問題的.

palmchristy

唔知有無團體可以做一個問卷調查, 訪問小三學童:

1. 你認為以下那些環節為你帶來學習壓力:
(a) 平日的默書和測驗
(b) 每年數次的校內考試
(c) 小三TSA/BCA
(d) 全部皆是

2. 你認為以下那些環節為你帶來過多操練:
(a) 平日的默書和測驗
(b) 每年數次的校內考試
(c) 小三TSA/BCA
(d) 全部皆是

3. 可以選擇的話, 你認為以下那些環節應該取消:
(a) 平日的默書和測驗
(b) 每年數次的校內考試
(c) 小三TSA/BCA
(d) 應全部取消

4. 承第3條, 如果只能選擇一項取消項目, 你最想取消那一項?
(a) 平日的默書和測驗
(b) 每年數次的校內考試
(c) 小三TSA/BCA

咁樣問, 應該會得到真相. 大家會覺得四條題目答案會係乜?

Doray

palmchristy 發表於 17-4-13 15:35
或者咁講啦, 一個建議是否合理, 都幾睇佢的理據有無一致性.  

響呢件事上, 如果要求取消小三TSA的理據係 ...

I object 過早過深的考核 and support minimize 所有初小考核,that's why I support cancellation of TSA as a start.

palmchristy

Doray 發表於 17-4-13 14:00
我完全唔覺得呢啲回應幾有point 同對解決件事有乜用？又開始無限loop...

或者咁講啦, 一個建議是否合理, 都幾睇佢的理據有無一致性.  

響呢件事上, 如果要求取消小三TSA的理據係學童在初小階段應減少考核, 甚至不應考核的話, 呢個說法應該同時適用在小一至小三的校內試上, 否則便是雙重標準, 容易引人詬病.

我個人幾同意你不時提出的減少小學考核呢點, 因為可以還學童一個快樂童年, 減少壓力.  然而, 咁做有一個麻煩, 就係應同時應用在各個引來壓力的小三或以前所有考核上.

我由頭到尾都覺得所謂乜野關注組乜野聯盟等組織, 完全攪錯晒焦點, 混淆視聽, 將學童壓力同過度操練問題無故賴左落無乜關係的TSA上, 反而有意無意忽略左根本問題: 就是過早過深的考核.  既然係咁, 如果有關組織焦點正確的話, 應該係要爭取取消所有初小考核, 同時包括TSA, 咁就有力得多.

當然, 大家同時應要顧及另一個問題: 無左小三TSA, 學校只能靠小六TSA資訊得知學生六年生活後的真相, 無機會在途中修正, 唔係好事, 咁有無替代方案?

Doray

palmchristy 發表於 17-4-13 12:33
其實, 一直以應減少考核為由要取消TSA的朋友, 應該同時爭取取消小一至小三校內試.

咁就唔會雙重標準. 亦 ...

我完全唔覺得呢啲回應幾有point 同對解決件事有乜用？又開始無限loop...

palmchristy

shadeslayer 發表於 17-4-12 23:16
反TSA的理由, 也可用於校內試。如果反TSA的理由合理, 校內試也該反。

反TSA, 又不反小一至小三校內試, 則 ...

其實, 一直以應減少考核為由要取消TSA的朋友, 應該同時爭取取消小一至小三校內試.

咁就唔會雙重標準. 亦都可以令佢地的理據有一致性. 真正造福初小學生同家長.

judy

想考TSA既請隨便，我無興趣叫仔女參與，因工作經驗話比我聽係廢既試。

你講野啦，依家反TSA家長團體係要政府執佐TSA噃！執佐點能"想考TSA既請隨便"呢？

公平啲講，係唔係反TSA家長罷考TSA，想唔考TSA既請隨便呢？

返番起點，係有的學校教師不顧教育理念和操守，你係唔係要向呢哟惡勢力挑戰呢？你依家怕惡而欺善，是何道理？

shadeslayer

Vanadium 發表於 17-4-12 22:10
無謂上崗上線，依家只講TSA，無需講到唔考TSA就要等於唔考所有試，唔想承受TSA壓力就等同少少功課壓力都唔 ...

反TSA的理由, 也可用於校內試。如果反TSA的理由合理, 校內試也該反。

反TSA, 又不反小一至小三校內試, 則雙重標準或 hipocracy.

shadeslayer

cow 發表於 17-4-12 22:39
這安排最好，想考嘅自己報名．

想小一至三考校內試家長自已報名, 是最好選擇。

cow

Vanadium 發表於 17-4-12 22:10
想考TSA既請隨便

這安排最好，想考嘅自己報名．

Vanadium

無謂上崗上線，依家只講TSA，無需講到唔考TSA就要等於唔考所有試，唔想承受TSA壓力就等同少少功課壓力都唔接受，呢種論証方式都算一種邏輯謬誤。

有學生、家長、老師為到TSA不斷投訴，係事實，雖唔係我，亦唔會發生係我地家庭身上，但我會體會同尊重別人，既然有人為到一個試而增加無謂壓力，個試可免則免。

TSA是否可免? 早前討論已講過，另一個post程介明亦引用過其他處理方式，正式做到零風險，不過據早前經驗，呢度各有立場既人，係絕對..好絕對...極絕對...唔會因為人地論據有任何改變，只會不斷話人地論據唔係理據，講完一大輪數據仍都繼續話無數據支持。

想考TSA既請隨便，我無興趣叫仔女參與，因工作經驗話比我聽係廢既試。有人聽完教育局同考評局講覺得有用，信呢D局多過信學校同老師，我仍會極度尊重(因知大家無同呢D局接觸會以為佢地做野一定會好專業好認真)，故會支持政府保留比想考既家長、學生同學校，唔贊成廢除。

(我之前係只支持廢除，但參考呢度支持既家長意見，我改變看法，認為應保留比佢地。)

最近有線新聞報導，三間深埗小學太殘舊，同時爭取同一個地盤想重建，最後批比一間，無原因無解釋，只講會參考教學質素。對教育局黎講，咩係教學質素? 記名去考TSA/BCA，我唔知有幾低風險。

shadeslayer

cow 發表於 17-4-12 21:44
TSA不影響殺校, 但影響校長、校長影響老師、老師影響學生．

咁學校師長一遇壓力，立即轉嫁孩子，是否專業，有承擔的教育工作者？

cow

TSA不影響殺校, 但影響校長、校長影響老師、老師影響學生．