數學科突然多了careless mistakes

grandmalolo

個女數學科初小成績至小四上測考 維持 95- 100 , 通常錯解錯題,   今年小四下學 ,小測  100分, 84分 (末試過) , (解錯題 + 3 題  careless mistakes)   3月中期考92分(1題解錯 + 3 題  careless mistakes), 有私補。奧數比賽有獎.

有乜解決方案?

1998Ruby1998

回覆 IloveJJ 的帖子

我中學數學補習個導師都係畀其他學校卷我地做，一來多練習見下「世面」，摸下唔同題型有咩陷阱有咩巧妙，二來學校老師有時候好陰濕／新老師過檔，會出唔同風格嘅問題，做唔慣就一鋪清袋。我中學數學老師最鍾意咁做，次次都唔同題型（係陰濕＋長命少分題）玩謝班學生。
例如我平日學校卷做大約 70%，銀禧中學就個個同學都至少 90%，DBS 就 60%－70%，St. Paul Co-ed 就大約 80%，La Salle 我得 50%，間間感覺好唔同。如果係 concept 清的話，做咩風格題目都得（就好似如果中英文好的話，作文無論作議論文、抒情文定係記敘文都一定冇問題），做其他學校卷好容易就睇得出一個學生有幾多根兩，同埋學校卷老師一定會派答案，雖然選擇題未必有解釋，但係後面文字題一定有 full step，唔需要額外計答案，自己溫書都得。

出面坊間 d 練習係唔同感覺，好多都係一篇一篇，或者一個一個課題，一本練習可能得一兩個 General Test，如果其中一個課題做得唔好，好容易訓身入去操而唔記得都需要兼顧其他課題。加上，坊間練習未必係老師出，質素冇保證。

我都唔鍾意操，有幾個課題我因為蠢嘅關係用左個慢方法去左，但係考試時間緊迫，如果操練可以提升效率，不妨一試，我覺得如果我操練完之後做卷可以第一時間搵到個快方法，我會仲開心。如果有時間剩，咪返去用自己個慢方法去「玩」。

October.

1234ats 發表於 17-3-31 21:50
October

.中學生DSE也可以取得中上成績。

同意，數學中等至中上成績可以靠努力取得，我女就是人版，講真佢數感痲痲，小學成績幾好 ，到咗中2程度深咗，從次之後就經常唔合格，要到中5佢的起心肝，非常非常之勤力學數學，又咁岩果位數學阿SIR合佢心水，佢話阿SIR教得好，並且一星期去三晚補習社做數，DSE前就更加勤力操卷，佢鎖埋房門唔俾搔擾，真係好似網友所講，較定時間練做卷速度，咁DSE科數成績總算有回報。

1234ats

October

數理科著重理解，如果掌握方法，學習起來不困難。如有適當訓練，看題目時可以瞬間從每一句話中獲取相關資料有助解題，這些感覺就如看見3+5自然知道等於8。掌握些基本反應，數感和自信自會提升，學習變得容易。

不是說每個學生數學都可以有卓越成績，不過我認為若有適當訓練，如果不是學障，只要態度認真不抗拒，不需要大量操練，小學課程個個都能輕鬆掌握，中學生DSE也可以取得中上成績。

October.

1234ats 發表於 17-3-31 09:17
現在最常見的問題是未完全做完題目。譬如題目問A、B兩數那個較大，他花很長篇幅計出AB兩數後，卻忘記寫下哪一個較大。類似問題在文科較為嚴重，經常開始時長篇大論寫得好好的，到最後卻離題。

我仔中學了, 都曾經作文離題而低分,佢算幾寫得經常超字, 得過徵文比賽冠軍, 但偶而都會失準,所以,有時都幾無奈, 要睇臨場發揮.

不過, 我覺得數學強既學生不一樣,他們對數學非常敏銳, 反應快而準. 我女數感麻麻, 中學時有次補習社練習唔識做, 我見住佢電話問佢一個數理勁既同學, 一邊讀完題目一邊人地就已經講個列式俾佢聽, 佢呢位同學DSE 數/物理/生物/M2 全部 5**, 而且12年中小學未補過習.

1234ats

一般學生做功課或考試測驗都是自己獨立完成，老師只從結果分數來評估學生能力，並不清楚學生計算過程。其實過程非常重要，如果仔細留意學生計數過程，從中可以分析清楚他的能力與各樣問題根源。

操數是其中一種鍛煉方法，效果因人而異。操數如果只考慮分數有機會導致學生習慣機械反應而不懂分析，小學可能成績很好，問題到高中才顯現。

能力好的學生操完數後自己懂得分析及總結經驗，操數後數學能力有所提升。但更多學生沒有這種動力與習慣，操數只著重運算而忽略明白概念及推理分析，到年級越高時內容越複雜，最後怎麼操練能力都沒法提升，分數上不去，導致越來越辛苦壓力越大。

簡單憑操卷的結果來評定學生數學水平不一定準確，要更準確評估計數速度是要根據學生能力相對於每題數的深淺或複雜程度來衡量。一份卷中題目有難有易，如果有跟進學生操卷過程，便可知他的時間花在哪裡，哪裡有提升空間。教導學生，先要了解學生能力，才能事半功倍。

譬如全卷都是同一類題目，假設計算每題數有四個步驟，學生在計算其中一個步驟特別慢，只要改善這一步驟的速度以後計算同樣題目便會節省時間。

又或者卷中題目有深有淺，如學生大部分題目都做得很理想，但其中有幾題有些困難，導致花了大量時間或計錯，便要教導他如何處理好類似題目。

學生明白之後，還要跟進，久不久抽問他以前有困難的東西，確保他有適當的反應。只要他對各類數的步驟有良好的反應之後，操卷才會輕鬆。

計數需要時間，其中包括思考時間與書寫時間，到高小以後，大部分學生如果運算慢是慢在思考。訓練運算反應其實有很多時候不需用筆。譬如一看假分數便知道一定大過1，或者一看算式就知道先乘除後加減。又如看見a+b=c, 腦海中馬上呈現c-a=b 和c-b=a，三條式其實都是一樣。訓練這些基本反應不需操卷，平時得閒隨便花幾分鐘訓練便可，孩子不會辛苦，也沒有什麼壓力。

每題數考一些東西，學生做錯或做得慢有其原因，明白個中原因，搞清每個概念，優化每個步驟，掌握好之後，計數自然水到渠成，不需不停操卷。省下時間，讓孩子多習慣思考推理邏輯。

YanKanMom

IloveJJ 發表於 17-3-31 12:00
對呀！的確是數感好弱，邏輯好強。你仔讀一條龍學校，可不必理會呢啲問題，我係要考慮自行，先要顧及操行 ...

係咖，如果他要呈分找中學，真是迫又唔係唔迫又唔係。幸好你囝囝算聽話，妳平時由他「思考」，臨考前才操練一下這個方法幾好啊，我都成日話阿囝平時做慢啲由你(雖然我認同網友1234ats說做數保持均速是重要的)，考試時就要快手快腳啲。

greentea000

其實學校既功課+工作紙、屋企既操練習+模擬試卷加埋已經有一定數量，操練習+模擬試卷用操其他學校試卷並唔會增加幾多負擔。

YanKanMom

IloveJJ 發表於 17-3-31 11:27
係既。
不過坦白講，我唔喜歡操數，我覺得操，就係將思考過程變成唔需要思考。
因為我覺得我仔只係慢，但 ...

我猜我們兩個阿囝都是那種數感較弱，邏輯較強的人。但你囝比較聽話，肯配合考前操練，我那個很討厭操練的，幸好他學校學科中數學科的功課及測驗是最頻密的，故相對地迫他多做些數。

greentea000

回覆 IloveJJ 的帖子

無奈考試有限時，更無奈考試成績有記錄，最無奈間間學校睇成績。

greentea000

IloveJJ 發表於 17-3-31 11:09
明白了！即是操了其他學校的卷，不只在自己學校成績更好，亦更能應付不同類型題目。對嗎？
謝謝!
...

一方面係見識更多唔同頻型題目，另一方面係更全面評估係咪掌握到知識，一間學校既試卷始終係就返學生既整體水平去出題既，點出都識就更好啦！

greentea000

IloveJJ 發表於 17-3-31 10:18
我唔明，做其他學校既卷，都有用既咩？唔係操返類似自己學校嗰啲咩？
另外，我講練習，係模擬試卷嗰種，係 ...

有無用視乎個人要求，我會咁諗，官津課程大綱係一樣既，但係題目有深淺 / 唔同類型，係自己學校高分而做其他學校試卷低分係咩問題？一係出深左唔識做，一係唔同類型未見過又轉唔到灣，操其他學校卷更加有助融會貫通。
中二我搬入大埔，新收一批大埔學生。新學生摸底測試，大埔舊墟公立學校試卷俾個黃建常紀念學校既學生做得7x分(本身佢級15內，平均有9字頭)，我問佢阿媽呢20分差距要唔要追，因為佢阿媽目標係聖公會莫壽增會督中學(大埔5間英中最好既)。唔好講而家直私教快教深果Ｄ，以前官津中學分5級，小學都要分3級。以前派位係同區鬥，而家有自行係全港鬥，當然要做幾多同邊個鬥係家長同學生自己衡量。

外面模擬試卷係我未夠學生時買俾佢地做，學生多左之後，一比較之下模擬試卷質素欠佳，操其他學校試卷進步快好多。反正都係操，重量一樣要重質。

greentea000

little_yolky 發表於 17-3-31 09:29
greentea000  操卷唔好操練習  發表於 1 小時前
請教！操卷唔操練習應該點操?

主力操完整測驗卷 / 試卷，唔好操太多外面買既一本本練習。
操試卷有壓逼感，可以訓練到好多野，例如做邊Ｄ先、點分配時間，又要高度集中精神無得遊魂，通常我要求補習學生(小學)操到比限定時間早10分鐘做完既速度。

little_yolky

greentea000  操卷唔好操練習  發表於 1 小時前


請教！操卷唔操練習應該點操?

1234ats

October


經常性地因為唔小心而失去10、8分,我會歸於能力及基本功問題, 真正數理資優既人,佢地都會疏忽,但最多被扣1,2分.
--------------------------------

我兒子不單止所有科目都有大意失分情況，平時日常生活也有很多由於專注能力不足所引起的問題。

他小一時問題最嚴重，做功課時視線無法連續停留在功課簿五秒，每個字要分多次才寫完，抄書每行不出錯是奢望，測考不可能做得完，當時根本不需要考慮他是否合格。

相比以前，他現在各方面進步明顯，比起其他科目，數學是他最穩定的一科，一般選擇題比較少錯漏，大意問題主要集中在長題目。

現在最常見的問題是未完全做完題目。譬如題目問A、B兩數那個較大，他花很長篇幅計出AB兩數後，卻忘記寫下哪一個較大。類似問題在文科較為嚴重，經常開始時長篇大論寫得好好的，到最後卻離題。

他不是資優，不過據我判斷，他數學能力偏上，只要能改善專注問題，數學成績自會提升。