保良 地獄訓練營

bananaGi

請問是哪間小學？ 所有保記學生要參加？

roccolamar

我小朋友2016年12月有去訓練營，3日2夜，但學校有俾選擇學生去不去訓練營。 5年級有4班，每班都有1-2個學生選擇沒去。我問過我個仔有沒浸污水，佢話無，不過可能有老師輪流入營陪住學生，有些放左學就入營，每天最少一定有3-4位老師在營，晚上更會留在營中睡覺。其中有1位同學發燒，老師更接至老師房照顧。每晚最夜12點便睡覺，因老師一早同學生家長保証不想小朋友太夜睡，我仔更說訓練營d飯餸好好味，但都有做掌上壓。所以我覺得如訓練營有老師睇住可能不會太過份。

alanchan11

睇完新聞之後，聽到「訓練營」這三個字都有些陰影，就算學校轉用其他公司，不再幫襯那個魔鬼訓練營，我都唔係太放心。

1998Ruby1998

回覆 alanchan11 的帖子

通常營最尾果 part 一定搞溫情、搞團結，派糖、朱古力同埋教練會好溫柔，小朋友好快就唔記得之前發生咩事。如果返到黎都喊，咁成個營應該好變態！

不過同你小朋友形容一樣，要表現到好似北韓同埋內地少年先鋒隊咁，又跳又大喊口號，攬教練攬老師，當班教練老師神咁拜。我睇北韓果d 宣傳片，班細路動作同訓練營果d 指定動作一模一樣！

其他學校可以唔玩，但係保記學校一定會強制參加，唯有希望出通告果陣可以唔去，反正去完都唔會提升到紀律，整張醫生病假紙留係屋企抖仲好。（聽聞中醫病假紙都用得）

Lingfung813

alanchan11 發表於 17-3-19 10:52
我小朋友讀保良局林燦英文小學，四至六年級學生每年都要入營進行三日兩夜的訓練，我見個個都喊晒返嚟，連平 ...

連保良局林文燦都有份

MASAYA

1998Ruby1998 發表於 17-3-18 12:42
回覆 judy 的帖子

唔講笑，我玩咁多年，次次都係咁做結尾，教練先講：「呢兩日，老師辛唔辛苦？」「老師係 ...

喊啦，盡情喊，話畀自己知好委屈要聽你班不良教練老點，應該要大聲喊

alanchan11

我小朋友讀保良局林燦英文小學，四至六年級學生每年都要入營進行三日兩夜的訓練，我見個個都喊晒返嚟，連平日最百厭最頑強的學生都喊到收唔到聲，真係唔知入營期間發生過D咩事，不過訓練完之後又唔覺得佢地有咩唔同左。

幸好我小朋友是初小，未夠年齡入營，但都要在校內進行全日訓練，佢話好多時要好似發神經咁又跳又叫，又要成班攬頭攬頸扮老友，唔係就會俾人罰。

long0

http://ubeat.com.cuhk.edu.hk/%E4 ... %E7%88%AD%E8%AD%B0/

其實一直有報告 點解而家先見重案出手?

1998Ruby1998

回覆 judy 的帖子

唔講笑，我玩咁多年，次次都係咁做結尾，教練先講：「呢兩日，老師辛唔辛苦？」「老師係咪對你地好好？」
然後就播 d 柔情音樂，然後扮曬溫柔咁話：「你地反思下，平日你地有冇對唔住老師，功課其實可以做得更好，上堂可以更專心。你地又反思下，平日點對父母，有冇同佢地頂嘴？講左 d 唔好聽、會傷害人嘅說話。如果你地覺得慚愧的話，就可以放心流淚，企起身，去攬坐係你地身後嘅老師。」
好多人喊啊，不過我同幾個人都喊唔出（我好少喊，又唔眼淺），d 同學喊曬咁行到老師面前攬到實一實，我地咪諗住就算喊唔出，都上前去攬下老師咁，當係多謝老師教導我地。結果班教練抽我地去間房嘅一角，話我地唔喊，係咪其實敷衍緊個活動，對自己平日嘅行為完全冇歉意，覺得自己冇對唔住父母同老師。結果？咪係班教練面前格硬濟兩滴眼淚，行去老師到攬下。


依家諗返，呢個環節好似北韓領導人喪禮要喊到抽曬根咁，唔喊就畀人話。

估唔到出來工作都有咁嘅課程

不過同你講嘅經驗一樣，每一次玩咩環節，最慢／成果最少果隊，教練一定會講：「你地知唔知道自己點解咁失敗？係因為你地唔專心、唔團結、冇聽我指令！」

然後好多人聽到教練咁鬧，忍唔住都會喊（平日係得我同幾個同學會成日畀老師鬧，其他同學畀老師黑臉就已經覺得好痛苦）。

然後個教練講：「今次，我希望你地可以努力，合作團結，完成呢個任務，做最好果一隊。」

judy

PLK小學D老師無跟去架 只係夜晚到一到叫自己D學生堅持同埋忍耐囉

咁係唔得嘅！特别是保良，自己都出咁多禽獸，點信得過外人一定係正人君子。

judy

要煅練孩子，建議參加行山訓練，分金章、银章、銅章。日頭背40斤咁上下嘅大背包行山，晚上到營區露營。到金章要行5日4夜。

judy

然後訓練營尾聲教練一定要我地反思平日係咪有聽父母老師話，然後要喊曬咁攬老師，如果唔喊就冇反省之意。呢種訓練營其實睇返好恐怖，先消耗體能、貶低人格、接受教育。d 訓練營成日都話係提升自信同合作精神，我真係一 d 都唔覺得有提升到咩野。

咁變態？要喊曬咁攬老師？如果唔喊就冇反省之意？

呢啲似邪教多啲。

初出來工作時，都有人遊說我參加此類課程，好貴嘅，高級班要5000元咁上下。我净係知要困係酒店幾天，不斷檢討自己、釋放自己.....。後來有電視報道，此後少聽此類課程。

估唔到小學雞都玩咁嘅嘢！

不過，我半信半疑！

brother4

剛三色台有講，有中學舊生及心理医生和導師出來。。。學校有回應現開會討論中。。。

akys

1998Ruby1998 發表於 17-3-17 15:20
回覆 little_yolky 的帖子

7、8 年前邊識得反抗、報警？同埋入營前沒收電話、手錶，到離開先可以攞返，所 ...

如果非禮案屬實，我諗冇人會再去了。真有其事嘅話，學校絕對係失職。交個孩子比你哋，就外判俾其他人，又唔睇實。

1998Ruby1998

回覆 little_yolky 的帖子

7、8 年前邊識得反抗、報警？同埋入營前沒收電話、手錶，到離開先可以攞返，所以講得黎都已經係返到屋企。果陣我班同學都好聽話、好單純（仲要讀女校），成班綿羊咁，唔識得反抗（我已經係最識得反抗、最「曳」果個），上繳咩就真係會坦白上繳，罰咩就跟住罰，冇依家 d 小朋友咁醒目。
所以呢 d 營有得唔去就唔好去，免得活受罪。

little_yolky

1998Ruby1998 發表於 17-3-16 17:15
回覆 retriever 的帖子

我都明白懲罰當然辛苦，但係以我講嘅例子，同學黎 M，罰企河水，我果陣未黎 M 所以 ...

開什麼玩笑, M嚟唔好話浸水, 劇烈運動都唔應該有, 好似你講掌上壓"跑圈都唔可以, 會傷身。浸响水入面, 冷親個子宮, 影響生育邊個負責！應該堅持唔落水, 然後打電話搵阿媽, 唔聽就同佢講要報警！因為警察一定會搵阿媽。

nobletree

想問關英華咩事？

1998Ruby1998

回覆 retriever 的帖子

有兩類啦，一類就領袖生多，風紀、班長多，果 d 叫「領袖培訓營」，唔係個個都有份，要老師推薦、特別通告。另一類就全體參加、咩同學都有，通常叫「XXX 訓練計劃／訓練營／多元化發展營」，其實 d 活動都係一樣。

retriever

bobbob 發表於 17-3-16 13:40
小一前見識過好多保記校長同老師後堅決唔揀佢哋辦學嘅學校，果然無做錯決定 ...

其實個訓練營係咪都係外判？

retriever

1998Ruby1998 發表於 17-3-16 17:16
回覆 long0 的帖子

我參加係另一個，唔記得叫咩名，好耐啦，2009-2010，不過同依家講果 d 一模一樣，都係 ...

係咪要入選領袖生先可參加，榮譽一種？