s位……大家排左幾耐有位？

toto_maggie

我囡未足3歲已排s位到宜家4歲半仍未排到~ 宜家私幼讀k2+有到校服務，一星期有一堂私人機構既言語治療+到校服務既堂，明顯地言語表達有進步，她的認知能力ok, 上堂唔專心行黎行去……話擔心佢性格情緒影响學習，建議我repeat k2 及联絡社工希望由s位轉I/E位。

請問：
1/ 你地排s位……排幾耐有位？
2/ 如果我由s轉I/E位……係咪由頭再排過？，如果係，咁豈不是到6歲有机會排唔到服務？
3/ 有冇入左s位既家長分享下，讀緊s位既小朋友同讀幼稚園既課程有乜分別？ 會否可入返主流小學？

Letter_lalaland

I位亦未必幫到你的小朋友，
OT 同 PT 最密都係3 個月或半年一次做評估或 訓練。
見到有好多用緊I位服務嘅小朋友其實本身需要S位服務嘅支援，但家長拒絕。
最後老師們都非常困擾，因為支援不足，人手不足，
家長又難以一起學習訓練技巧；
小朋友的發展亦在缺乏適當支援下表現未如理想。

I位服務本來設計俾 有輕微需要的小朋友，所得的支援自然不及E位同S位嘅多。

Tarttatt

樓主決定成點？你打算等S定轉i？
定重讀K2？

legolas625

我可以話，E位係幫唔到你囡的行為問題，我仔正是讀緊E位，你囡是要長時間有人執行為，一個星期一、兩小時係幫唔到佢。

KCHK

如果想repeat 要留意一下你小朋友幾時滿6歲, 因為如果唔係細仔, 即9月後生日呢d ， 可能到升K3 沒有服務了。 我覺得其實你應該找小班教學, 即一班得10幾人個d （我都知現在幾難有呢d), S 位我都見過一個小朋友認知大小肌肉都無問題，只係情緒同行為有問題, 讀左一年, 就可以轉返出I 位。你都可以試下讀一年S 位然後第二年讀K3。 我仔的情況同你女有小小相似, 應該差你女小小, 佢讀第一年S 位時日日都發神經咁, 有位姑娘(都幾有殺氣, 其實好好人的), 我仔一見到佢就咩都乖乖地自己做, 就係因為咁佢進步得好快, 觀察力又強所以佢想學的東西一望就懂, 只要學校有一個咁樣的就幫助你女了(無論s位， I 位)

toto_maggie

KCHK 發表於 17-3-6 20:08
如果係咁有無試過行為治療? 因為如果讀緊私校k2 都跟得上認知又真係唔洗入S 位, 不過都要睇下佢言語和同齡 ...

到校服務有4樣範疇……幼兒導師，言語，大小肌肉training, 最近评估唔差，追貼宜家歲數。偏偏行為呢样最"click "手…… 單对單training 表現好好，到小組training 就睇心情，唔太專心。 導師話佢係唔自在，緊張就會有離位等行為…… 見佢地都有point出黎，會加多d小組traininf.
同同学相處，佢係被動既，多数係同学主動，佢會join埋一齊玩。

老師+導師意見話佢情况其實唔使排s位……但s位又好似會帮到佢行為問題~
I位……提我要做 reserach下边間兼收学校較好~

爸爸一直覺得囡冇問題，話大d乜野都會好d，會定性d…… 佢好似唔理解我的擔心，ftm既我湊得的確辛苦……

思前想後…… 我有幾options
1/ 申請由S轉I，原校升k3兼等l位
2/ 申請由S轉l，轉校repeat k2, 兼等l位
3/ 轉校repeat k2, 轉申請排E位
傾向option 3，好似轉变少d。

KCHK

如果係咁有無試過行為治療? 因為如果讀緊私校k2 都跟得上認知又真係唔洗入S 位, 不過都要睇下佢言語和同齡的差距幾多, 是否完全同人無交流? 又無同其他治療師傾過, 問下佢建議?

toto_maggie

legolas625 發表於 17-3-5 14:03
其實你小朋友應該今年派到S位，即今年8、9月入學，轉不轉位要下決定，因為快截止轉位，派左唔要等同放棄
...

我就係好困擾……

1/有導師同我講過，政府5歲一定會俾到服務我(因為開左file,点都要close file) 咁突然轉I位，有可能延遲得到服務……

2/ 囡言語遲3.5歲先開始講話，手脚協調，認知……相關評估話佢相差半年至9個月，我自己好早巳定希望佢repeat k2，係因為佢同同齡小朋友交際有d距離...現讀緊既私校話佢認知學術俾佢評估相當高，唔可以repeat k2.  但早係舊年年尾已有另一私校收佢repeat k2.

佢平時既表現……係老師有老師講野，佢會行開位，爬枱，瞓地……明白老師对住大班教授，未必及時關注佢，往往安排佢最尾嗰批教導，老師話雖然佢成日坐唔定，但佢係吸收ing……問返佢問題又會答到，話佢記億力，認字強。但情緒，語言表達較差……話佢自己情緒影響学習

咁我宜家係咪應該轉I位，新學年轉新校repeat k2, 兼等I位會係最好？

legolas625

其實你小朋友應該今年派到S位，即今年8、9月入學，轉不轉位要下決定，因為快截止轉位，派左唔要等同放棄

KCHK

2歲3個月到確診,排左大約1年8個月到, 入左S 位,（跨區）無幾耐老師已經打電話來可以升去能力高d 個組, 程度的確係比主流淺, 但都係買同主流課程d 書, 就無咩功課, 每日2樣功課, 星期五就有多d 。另外有其他ST， PT及家居訓練功課。

legolas625

通常排2年

轉隊要由醫生批准，用舊日期排番，不用重新隊。

S位去唔去到主流小學，睇小朋友能力，S位的學術通常比主流淺D。

你囡到K2上堂行黎行去，情況多出現嗎，如果多真係要改善下。