請教教仔心得

Appleqq

仔而家3.5歲，一般人覺得佢俾同年紀小朋友聰明好記性，12個月講野，15個月認得識讀26個英文字母大細楷，1-100中英文，18個月識串簡單英文字同數數目，而家對自己喜歡嘅野會自學同好沉迷，例如地鐵佢會記哂所有站中英文名同車站顔色，研究轉車路線，喜歡音樂會自己研究五缐譜、拍子、鋼琴音階等，問題係:
- 超級無耐性，對無興趣嘅野專注力不足，坐唔定，上興趣班會因為其他小朋友表演緊或者老師教緊其他小朋友而走來走去
- 有時為左引人注意同測試底線會打人，坐(emoji)多人時有時會情緒波動大叫跳喊，但又唔係次次係咁
- 同佢傾返點解咁做，佢會有好多解釋/藉口，例如話唔鍾意等咁耐、唔鍾意人多、眼瞓肚鋨先發脾氣等
- 教佢咁做係唔啱，佢會好硬頸，佢好多時會發悔氣話佢係咁曳、係唔會改㗎喇，又同我講唔想長大，想永遠做BB，我有用故事書去教佢但作用不大
- 而家讀緊一間要嚴守紀律嘅幼稚園K1, so far 老師無投訴，同同學相處OK，不過上課就唔太投入專心

想虛心問問大家教呢類型小朋友有咩心得？要帶小朋友去睇心理輔導嗎？我可以點樣引導佢乖D呢？心力交瘁了

angellok1009

小曳人 發表於 17-3-2 09:14
其實家長說話要有技巧，可避免激化硬頸嘅臭脾氣

多d幫佢講感受，雖然話佢地理解力強，但始終仲細，唔識表 ...

我十分同意小曳人嘅講法，我囝囝三歲半嗰時十分難教，專蝦我同工人姐姐，我越大聲鬧佢佢發得脾氣更大，之後有朋友指點我，教小朋友係要講道理，但不要講得太長因為佢哋未必吸收到，要簡單易明。同埋資優小朋友鍾意同你講傾條件，你可以叫佢揀一樣鍾意嘅嘢去做但要做番你要求佢做嘅事。咁可以減少磨擦而你可以多了解佢嘅想法。

angellok1009

Appleqq 發表於 17-3-27 09:47
坊間對三四歳小朋友的評估，是否大部分都是針對有學習障礙或遲緩的呢？可否介紹一些對懷疑是資優而有行為問 ...

我打過去政府部門問，要上咗小學才可以做評估，我仔仔剛剛六歲可以出去私人機構做韋氏兒童智力童表。收費好貴要$5500，但可以智道自己小朋友長短處，有助管教同訓練小朋友。我自認自己係虎媽，每樣嘢都會俾囝囝去試去學，星期一至六到有學嘢，星期日返教會。旁人覺得囝囝好忙好辛苦，但其實係囝囝揀話要學。好似我想佢學樂器，兩歲半開始俾佢上小小莫托特班學彈琴，但係佢冇興趣我冇再俾佢學。

ckaying

要比小朋友多點耐性!

chowqv

Appleqq 發表於 17-3-27 09:47
坊間對三四歳小朋友的評估，是否大部分都是針對有學習障礙或遲緩的呢？可否介紹一些對懷疑是資優而有行為問 ...

答案係無！因為要被評為"資優"，起碼要7歲，份報告先可以作準。

BBKDWLAM

你的小朋友學習能力好高，我估佢要學啲自己有興趣同有些少挑戰性的嘢。配養耐性可以試下聽古典音樂，比佢放鬆心情，我仔細個有咁做，幾有效，大啲及有興趣亦可學下樂器。

Appleqq

坊間對三四歳小朋友的評估，是否大部分都是針對有學習障礙或遲緩的呢？可否介紹一些對懷疑是資優而有行為問題的三四歲小朋友提供評估或者輔導的機構呢？

jennyc0111

hha 發表於 17-3-24 16:05
呢個應該係綜合評估，亦可以評估前先同協康溝通，提出你嘅疑慮。

謝謝回覆

hha

jennyc0111 發表於 17-3-24 16:00
謝謝回覆! 小朋友3歲半,協康有冇適合的評估?上協康綱站只見一個學前兒童發展性障礙評估($5800)適合嗎?
小朋 ...

呢個應該係綜合評估，亦可以評估前先同協康溝通，提出你嘅疑慮。

jennyc0111

hha 發表於 17-3-24 12:20
最多人推薦去協康、STEPS做評估。如果問題不大，之前去過灣仔健苗軒都唔錯。健苗軒早兩年做感統評估只需要 ...

謝謝回覆! 小朋友3歲半,協康有冇適合的評估?上協康綱站只見一個學前兒童發展性障礙評估($5800)適合嗎?
小朋友没有自閉或發展遲緩

hha

jennyc0111 發表於 17-3-24 11:00
回覆 hha 的帖子

小朋友有輕微過度活躍, 感統失調嘅特徵, 請問一下可到那裹check? 如何處理? 煩惱中

最多人推薦去協康、STEPS做評估。如果問題不大，之前去過灣仔健苗軒都唔錯。健苗軒早兩年做感統評估只需要＄1000。

jennyc0111

回覆 hha 的帖子

小朋友有輕微過度活躍, 感統失調嘅特徵, 請問一下可到那裹check? 如何處理? 煩惱中

wendyb1121

Appleqq 發表於 17-3-9 18:13
謝謝分享

如果佢上興趣班或者學英文國語話唔想上，唔鍾意，咁係咪應該跟佢意願停呢？我覺得咁細 ...

我系。我女話唔鐘意就唔會要她再學。小朋友最紧要系有興趣，開心學習

hha

Appleqq 發表於 17-2-27 13:00
仔而家3.5歲，一般人覺得佢俾同年紀小朋友聰明好記性，12個月講野，15個月認得識讀26個英文字母大細楷，1-1 ...

除咗發掘到佢係資優外，仲要留意下有冇自閉/過度活躍/專注力不足/感統失調嘅特徵。幫佢改善到弱項先至係最好嘅培育方法。

964000

Appleqq 發表於 17-3-9 18:13
謝謝分享

如果佢上興趣班或者學英文國語話唔想上，唔鍾意，咁係咪應該跟佢意願停呢？我覺得咁細 ...

其實上呢D班真係好悶，佢識表達悶証明佢醒目，這個年紀我不會上中英數班，只會令佢更快失去興趣，想學普通話找個會説普通話的朋友一起玩玩便可，到佢想學自然會去學，到時才上班未遲。

小曳人

Radiomama 發表於 17-3-9 19:08
為孩子著想，根本就不應上國語、英文果D班。

去公園、playground 同小朋友多玩，與長者去飲茶，教他待人 ...

同意！真係無必要！

我家會埾持嘅興趣班只有(1)游水，之後自選一樣運動(2)樂器—項

其他野，見識過就夠，有興趣就繼續

Radiomama

Appleqq 發表於 17-3-9 18:13
謝謝分享

如果佢上興趣班或者學英文國語話唔想上，唔鍾意，咁係咪應該跟佢意願停呢？我覺得咁細 ...

為孩子著想，根本就不應上國語、英文果D班。

去公園、playground 同小朋友多玩，與長者去飲茶，教他待人以禮，表達自己、有愛心才是育兒正路。

Appleqq

小曳人 發表於 17-3-2 09:14
其實家長說話要有技巧，可避免激化硬頸嘅臭脾氣

多d幫佢講感受，雖然話佢地理解力強，但始終仲細，唔識表 ...

謝謝分享

如果佢上興趣班或者學英文國語話唔想上，唔鍾意，咁係咪應該跟佢意願停呢？我覺得咁細個唔可以佢話哂事，但佢上堂會因為唔想上而騷擾到其他同學，咁係咪真係咩都唔學呢？佢正常返學又無問題的