世襲生搶佔多區學額

elbar

家長為今年九月入讀小學的子女選校時避免「一窩蜂」報熱門學校。


新學年適齡小一學童人數增加，屬學校必收的「世襲生」亦相對上升，進一步蠶食統一派位學額。名校林立的中西區11校網，「世襲生」合共蠶食了區內七十四個統一派位學額，是近十年來首次需要向其他校網借一百五十個學額「應急」。有校長提醒，統一派位競爭將更激烈，家長選校時應更謹慎，避免「一窩蜂」選報熱門學校。


中西區首次借額應對


《2017年度統一派位各小一學校網選校名冊》內發現，多個校網出現「世襲生」蠶食、即是在自行分配階段超額取錄有兄姊在同校就讀的學生，直接令統一派位學額減少。其中深受家長歡迎的九龍城41校網，「世襲生」共蠶食六十三個統一派位學額，需向黃大仙43校網借近一百六十個學額，其中喇沙小學因多收了六個「世襲生」，令該校統一派位學額僅餘八十四個。


另一名校網、中西區11校網的七十四個學額被世襲生取走，需向灣仔12校網和南區18校網借調合共一百五十個學額。在北區80校網，深受本地及跨境家長歡迎的鳳溪第一小學學額同被「世襲生」蠶食，統一派位學額由原本的六十個，大幅削減至僅得二十九個。中西區校長會主席、香港潮商學校校長詹漢銘指出，今、明兩年區內適齡入讀小一的學童人數增加，令學位競爭激烈，以他了解，今次是中西區校網近十年來，首次需向其他校網借調學額，意味將有學童需跨區上學。


家長忌集中揀熱門校


他提醒家長，在統一派位階段，填寫第二、三志願時應更謹慎，「唔好一窩蜂揀晒啲熱門學校，因為通常放喺第二輪志願的學校，獲派機會唔大」。

roseangel

其實我地有大仔嘅時候，又未有細仔，都一樣經歷過大抽獎，到有細仔時才享受到世襲生呢樣嘢， 其實何來存在唔公平？大仔嘅時候咪 一樣要同人爭！你有本事生第二個咪可以享受世襲生呢樣嘢囉！其實拗來都多餘！

傻蛋蛋

我小朋友得15分, 就算唔公平又點, 已經一心諗住要大抽獎門甚至叩門, 如果抽到一間中上的小學我也收貨了, 因為叩門對家長及小朋友也很殘忍難受, 最唔公不是叩門嗎? 完全取決於學校既決定。

我小朋友最後有幸自行收生15分抽到一間中上學校, 對於大b來說是"唔公平", 但細B可以跟住入去一齊讀, 很感恩。 兩個小朋友讀同一間學校對於我呢d在職媽媽黎講真係好好既安排, 因為學校活動及考試也是相同時間, 我可以抽多些時間出席參予及照顧。我細b的"公平"是大B在"不公平"的聲音中有幸抽返黎

tkinwong

rickdom6 發表於 17-2-6 10:35
其實好難有個絕對公平的制度嘅... (利申: 我個仔得15分)

幼稚園統一考試當然不可行，之不過有意見要追求絕對公平的話，咁就只得兩個極端，一個極端是幼稚園統一考試，另一個極端是全港不分區大抽獎。

rickdom6

monodad 發表於 17-1-27 12:57
我聽過不下數百次如下之抱怨：

人地自行有分，我冇分 》唔公平

其實好難有個絕對公平的制度嘅... (利申: 我個仔得15分)


"整個幼稚園升小學DSE出嚟，然後學校跟成績收生，有能者居之" -> 如果真係咁, 好多家長迫死D細佬都似....

tkinwong

monodad 發表於 17-1-27 12:41
傻啦！就算幾咁統一都好，成績始終都有分別，到時咪一樣有優劣之分？總之自己得唔到想要嘅嘢而別人得到就 ...

其實去到必收生安排都話唔公平，就很難傾得下去了。

monodad

我聽過不下數百次如下之抱怨：

人地自行有分，我冇分 》唔公平

人地住九龍城有得抽名校我唔係，冇得抽》唔公平

人地兄姊讀緊細佬妹必收我冇》唔公平

升直屬中學人地B2尾升到我B2頭升唔到》唔公平

學校分精英班將好嘅學生group埋一齊，其他學生資源少咗》唔公平

直資學校受政府資助但自己揀學生》唔公平

津校受資助但叩門，插班收精英學生》唔公平

等等等等………

咁試問成人話唔公平嘅朋友，制度應該點先至絕對公平呢？

我建議不如政府直接用學卷制度推行大中小幼學校，而且每間學校劃一學費，然後所有學校都可以自行收生，整個幼稚園升小學DSE出嚟，然後學校跟成績收生，有能者居之，公唔公平？

monodad

adam112 發表於 17-1-27 10:37
同一學校的話，好多活動都會分開搞同安排，分身不下既情況少好多
至於真係咁大義要所謂公平，咁不如全港一 ...

傻啦！就算幾咁統一都好，成績始終都有分別，到時咪一樣有優劣之分？總之自己得唔到想要嘅嘢而別人得到就唔會公平㗎喇。

adam112

Forgetmenot999 發表於 17-1-23 12:16
本帖最後由 Forgetmenot999 於 17-1-23 12:23 編輯

本帖最後由 Forgetmenot999 於 17-1-23 12:19 編輯

同一學校的話，好多活動都會分開搞同安排，分身不下既情況少好多
至於真係咁大義要所謂公平，咁不如全港一齊大抽獎，咁係咪公平？點解要分區

再退一步，全港師資統一分配，課程教法全部統一，全港所有學校一模一樣，咁咪唔駛爭名校爭學位，係咪最公平？

ok3

se6b03 發表於 17-1-26 22:52
吓，咁樣都叫公平？人地世襲必收，不費吹灰之力就入咗，好似功能組別自動當選一樣。其它人要叩門，向校長老 ...

即係等於李生同你講, 商業社會好公平㗎，香港冇地產霸權㗎。大商家同小商戶嘅營商環境都一樣, 好公平㗎

se6b03

964000 發表於 17-1-26 22:19
其實如果你自己成績好，還可以再插班，中一又可以再考過，我識不少人是二缐小學，中學去band 1 top, 其實自 ...

吓，咁樣都叫公平？人地世襲必收，不費吹灰之力就入咗，好似功能組別自動當選一樣。其它人要叩門，向校長老師獻媚，卑弓屈膝，過五關斬六將先入到，兩者不可同日而語。

964000

其實如果你自己成績好，還可以再插班，中一又可以再考過，我識不少人是二缐小學，中學去band 1 top, 其實自己有實力，還是很公平的。

hkpapa852

wskngai 發表於 17-1-26 15:23
你查清楚係咪真係殺校播。有D係同其他學校合併，係仲有畢業生父母嘅分㗎。
...

其實我母校都係被殺咗

可以去呢度睇吓:
https://zh.wikipedia.org/zh-hk/%E9%A6%99%E6%B8%AF%E5%B7%B2%E7%B5%90%E6%9D%9F%E5%AD%B8%E6%A0%A1%E5%88%97%E8%A1%A8

cattz288

wskngai 發表於 17-1-26 15:23
你查清楚係咪真係殺校播。有D係同其他學校合併，係仲有畢業生父母嘅分㗎。
...

如果連母校係咪被殺都唔知, 抵蝕喇

wskngai

rickdom6 發表於 17-1-26 12:07
母校被殺咗.. yes yes~

你查清楚係咪真係殺校播。有D係同其他學校合併，係仲有畢業生父母嘅分㗎。

rickdom6

wskngai 發表於 17-1-24 15:51
回覆 monodad 的帖子

唔止新移民無父母母校分嘅。仲有d係間母校被殺咗，又或者未畢業就移咗民或出外升學嘅 ...

母校被殺咗.. yes yes~


我一個仔... 佢呀爸間母校被殺咗, 呀媽(即你我)以前係讀女校... 哈哈.  唯有大抽獎睇下好唔好彩~

dereklg

對於有實力的人來說，他們就是喜歡"不公平"

mch411

庸人自擾 還是 庸人不自擾??
對於我又冇銀又冇墨水,
唔會諗教育制度公唔公平,
自行個仔入間二線, 開開心心已經讀左四年,
留D心機同亞仔親子仲好,
起碼佢而家四年級, 仲好想爸媽拖佢手行街,
又肯講心底話我地知

tina_yauyt

我大仔喺K2考緊直資時，我發現有咗，而我根本冇可能應付到2個小朋友小學唔同校嘅情況，所以大仔有直資offer我都只可以放棄，喺手持15分嘅情況同人爭，最後要玩到叩門先可以入到心儀嘅小學，咁當然細仔係必收生，從細仔角度係坐享其成，但有冇唸過大仔嘅時候我付出咗幾多、犧牲咗幾多先？而家咁睇，只係話你知，每個父母喺呢個遊戲上都最少要面對一次呢個遊戲規則。並唔係坐享其成，只係已經辛苦完！