如何有效減少小學生考呈分試壓力

hy2910

各位：

如何有效減少小學生考呈分試壓力？

Thanks,
HY2910

MrBeast

kkhon 發表於 17-1-22 16:43
其实d孩子自己都知發生緊咩事，要面对三次呈分又要面对升中，佢地都想入间好中学，所以孩子自己都已经有壓 ...

agree. 父母控制自己情緒和期望都要時間訓練，最好一早在初小階段開始

hy2910

阿女以前的學習態度的確有些少問題，但經過調教，現在改善了。阿女數學底其實不差，就是考試久缺攞滿分或全级第一的考試運。面對最近一次考試，我相信阿女己盡了力，但發揮不出所有水準。只可說，一認真阿女就緊張。作為父母，我們更加想阿女認真不緊張，有壓力但發揮出水準。

kkhon

其实d孩子自己都知發生緊咩事，要面对三次呈分又要面对升中，佢地都想入间好中学，所以孩子自己都已经有壓力。做父母只可從旁協助温習同提点。我自己都好緊張，但我盡量不在仔面前顯露出來，以免令他更緊張加重壓力。以前试过考试温書我会鬧/發颠，令佢考時好緊張而出錯。後來我反而吾鬧，由他自由發挥，考到高分。到左呈分我会陪温習，有時温温下我会同佢講下笑，令佢轻松d，效果也不錯。現階段我对住仔要保持高EQ，忍丶忍丶忍……

洋蔥頭媽咪

hy2910 發表於 17-1-18 12:04
小女今年小五，數學成續一向唔錯，但考試時可能太過緊張，經常計錯數。                        

(考試期 ...

都係果句，冇期望自然冇失望，睇你睇唔睇得開。呈分試個個都要面對壓力架啦，由其懂得緊張自己嘅小朋友，壓力通常會更大，唔好只睇倒人家拎倒高分，人地背後亦付出了不少心機同努力，壓力人人都有，我兒考呈分試，試過緊張到偷偷地喊，作為家長只可以開解佢，支持佢，教佢放鬆，學以平常心面對。

數學好講天份，小五數學亦開始要思考，經常計錯數，就未必係因為太緊張，有可能基本功根本未夠穩，一轉灣問佢就唔明。你小朋友已小五由於時間緊迫，唯有操練多啲，考試時緊張就教佢心呼吸。但恕直言，你提到小朋友  「性格特徵，懶，樣樣不在乎，悠閒讀書，最重要是受不了壓力。」，我看問題不在不能受壓，而是學習態度懶散先係問題所在。你只求入第一志願中學，咁當然要付出架啦，冇可能完全冇壓力囉⋯⋯

brother4

請看自由講塲→虎父媽太可怕 女孩的遺書 我去天堂 那裏太累

skkeung

brother4 發表於 17-1-16 12:12
少操卷多休息，做運動，多接觸大自然，均衡飲食，培養休閒興趣，安排學習目標但要合理性，考試前充分準備如 ...

無論成績如何，試後有獎！

瑩希媽媽

hy2910 發表於 17-1-18 12:04
小女今年小五，數學成續一向唔錯，但考試時可能太過緊張，經常計錯數。                        

(考試期 ...

同我女一樣，一向數學不錯，剛升小五無端端跌到七十幾，以往未試過咁，剛考完試，吾知今次考成點，超擔心，一直系補習社操卷㳄次有9字頭，考試就失手，好驚呈分，吾知點教佢放鬆心情

5tgb

考呈分試，就梗有壓力架啦! 邊個唔想考得好？
建議你 hea d, 放鬆D果D人，到你考得唔好時，無責任架。
想考得好，又無壓力，你甘大個人，自已想下得唔得啦！

bb鼠

angiehouse 發表於 17-1-20 17:22
發考試瘟, 我女經常系甘

可以點算
唔識都可以教，發瘟真係

angiehouse

bb鼠 發表於 17-1-20 17:20
唔係啦，其他同學個個90幾

發考試瘟, 我女經常系甘

bb鼠

angiehouse 發表於 17-1-20 17:17
可能學校出卷比較深

唔係啦，其他同學個個90幾

angiehouse

bb鼠 發表於 17-1-20 12:35
我女一樣小五，由小一開始已經一考數就痴咗線，雞手鴨腳
屋企做練習有80幾90分，去到考試得返70幾
...

可能學校出卷比較深

2jkidsfather

hy2910 發表於 17-1-20 10:37
兄/姐成績好，弟/妹好，當然好。
但也有兄/姐成績好，弟/妹差。『大的』性格似媽,『小的』似我，有我的性格 ...

了解她升中寄望,大家討論能否達到。多溝通鼓勵,女仔發力會早D。

bb鼠

hy2910 發表於 17-1-18 12:04
小女今年小五，數學成續一向唔錯，但考試時可能太過緊張，經常計錯數。                        

(考試期 ...

我女一樣小五，由小一開始已經一考數就痴咗線，雞手鴨腳
屋企做練習有80幾90分，去到考試得返70幾

hy2910

兄/姐成績好，弟/妹好，當然好。
但也有兄/姐成績好，弟/妹差。『大的』性格似媽,『小的』似我，有我的性格特徵，懒，樣樣不在乎，悠閑讀書，最重要是受不了壓力。

我唔奢求小女攞『學業獎』，只求順順利利入第一志願學校足矣。

山海兒女

回覆 hy2910 的帖子

天生我才必有用，每個人也有自己的長處和短處。作為父母，應該係最了解自己小朋友的。要避免兄妹間的互相比較，首先父母要比正確的價值觀給他們。
小兒比妹妹大兩年，小學同一間學校，哥哥由二年級起，年年有奬。妹妹升小後，起初以為會比哥哥好，怎知有哥哥的Past paper同經驗，成績也只是不過不失。我記得，第一次兩個一起派成績表，哥哥很多奬，妹妹一個也沒有，妹妹第一個反應係「哥哥好叻呀！」於是我看一看成績表，就對妹妹說：「你也很叻呀，你的操行五項也是A。」連哥哥也讃她說:「哇，好難可以全A！好勁啊妳！」

你問我，哥哥的好成績有冇成為妹妹的壓力？我就唔係好覺，反而成為她的學習目標，哥哥是她的偶像。

當哥哥覺得自己好叻的時候，我又會同哥哥講：「如果你可以敎明妹妹，令佢有進步，你就真係叻啦！」

經過四年努力，今年妹妹竟然一次過得到進步奬（總平均分進步十分）和學業奬。哥哥覺得自己也有功勞，所以讚妹妹之餘，更要讚哥哥啦！

他們倆兄妹的關係好，比成績更重要呢！

hy2910

小女今年小五，數學成續一向唔錯，但考試時可能太過緊張，經常計錯數。                        

(考試期間，小女好明顯比較緊張。)如彈下琴，會唔會好D。

另外，系心態問題，家長想了解多D。如有兄/姐，學業成績比較好，弟/妹壓力會较大嗎？心態如何？有冇方法微調考試壓力？

LeeCC

我地小一二時考試前會多功課，但其實d功課都係溫習工作紙，補充的評估練習，做功課等於溫書

小三後，考試前一兩個星期少左功課，多數系改正，家課冊上常見的兩隻字：溫習

kkhon

回覆 b3410 的帖子

仲有一大堆功课，令人好急，吾知做功课好定温習好，我真憎考试前的一丶兩周