小朋友放學赤腳比同學(大6)家長搶了鞋

Buddhajesus

其實平時都話唔見文具, 錢, 只會覺得係自己個囡大頭蝦
今次係放學冇左對鞋, 以為自己小朋友玩, 或者唔小心整唔見
囡囡話有個說普通話EE(同學媽咪)話對鞋幾靚要拿去

我初時以為誤會, 或者講笑, 有咩可能有左對皮鞋, 接放學赤腳出來
後來我問老師 原來校方知情, 得到個答覆係: 大陸家長好麻煩, 多一事不如少一事

我: 不如你比個家長聯絡我, 我自己和對方講
校方拒絕

大家覺得我可以點做

pooh仔

原帖由 Buddhajesus 於 16-12-21 發表
其實平時都話唔見文具, 錢, 只會覺得係自己個囡大頭蝦
今次係放學冇左對鞋, 以為自己小朋友玩, 或者唔小心 ...

我唔喺好相信你所講嘅嘢.  

我不是幫大6人. 但點差都唔會叫小朋友直接除鞋據為己有. 學校方要面亦唔可能當冇事發生.  

如是真的. 你應即時報警. 比我一定咁做. 仲上嚟討論區發問 ~~ 多鬼餘!

唔知你有甚麼居心?

jane-wang

可信性極低+1

mamummypig

咩叫內地家長麻煩？香港家長麻煩起上黎都可以好麻煩架！家陣學校係咪想見識下？邊位老師咁答你？立即寫信交比校長點名話該老師咁答你係咪縱容校園欺凌同搶刧？要求2日內比對方家長聯絡方式你，否則報警告佢搶野！

貪靚媽

學校真係唔可以畀家長電話你，不過如果佢唔做中間人，你可自己報警，再向edb投訴，寫信比校監，比著我真係嬲爆！

bbbusy

離譜！

HaYi

間學校可能不在香港

yuyueng

搶左對鞋都要岩至有用！
似老作！有咩可能發生，除非發生起一個窮鄉辟壤附近又無人既地方。

ClaireWmama

如果學校都答到咁真係好奇怪，報警，搵埋記者去問學校

kkhon

樓主你係咪講笑？第一，我覺得就算大6人都冇咁离谱，明知個细路冇鞋着都隔硬要攞？如果見靓想買，咪用手机影張相去買囉。第二，放学係全套校服出街，学校都吾会不顧Image，由你上身校服，下身赤脚通街走？如果係真的，我会同学校講:總之我攞吾番对鞋，我会比那大6家长更麻烦好多倍，你地学校亦会有好多麻烦！

KWBN

如果學校咁樣回應，我會對學校好失望，我怎放心交個女俾間學校教，今次對鞋, 他日可能自身安全問題，咁又多一事不如少一事算數？

stockmike

我以前試過因細路講嘢一舊舊而對某些同學有誤會，問咗好多細節先知佢只係講出事實的一部份，了解成個故仔後先至無貢火同冷靜番。要問清楚老師乜嘢叫 “大陸家長好麻煩”。呢句說話太多可能性，我怕你被人煽動了也不知，你不如直接問該老師，你點知個大陸家長攞咗對鞋，睇吓佢點答。

Mrs.Luckycat

Buddhajesus 發表於 16-12-21 23:07
回覆 monkeydiary 的帖子

我都想報警, 但老師話個家長見對鞋舊, 所以拿走

你囡囡自己除咗對鞋然後俾那個家長攞走？還是那個家長夾硬除咗你囡對鞋？

Felix223

Buddhajesus 發表於 16-12-21 23:07
回覆 monkeydiary 的帖子

我都想報警, 但老師話個家長見對鞋舊, 所以拿走

咩學校？咁過份。而家擺明搶？！嗰個家長當呢度大6？學校老師點可以縱容呢d歪風，既然學校唔正視，咁D學生咪會有樣學樣，報警處理。

birdbird

原帖由 洋蔥頭媽咪 於 16-12-21 發表
如果學校唔理，又明知個家長拎左，個大陸家長好明顯係偷野，報警啦。

直情明搶啦。學校唔理, 我惟有報警, 我睇下校長是否 “多一事 不如小一事” 咁回應我!

miujoey

就算這是誤會, 但你個囡赤腳係學校都無理 ? 唔係掛 ?

你地家長有無 whatapps 群組的   

vpo0615

1. 你個小朋友咩年級?
2. 有無搵校長?
3. 如果校長都唔啋你, 將件事通知傳媒(例如東X日報)! (不過校方可能以後會針對你個小朋友).

MonkeyGirl

有無攪錯呀 ...第一, 點解個家長一齊在校園內? 家長義工?

仲有, 點解係你要忍佢地.. 錯不在你. ok 我當佢好慘, 真係好鍾意, 都要首先問咗你先（因為係你出錢買）.而家無問, 而校方又知...甘你個女點返屋企.. 一係叫校長出錢比你買返對鞋..舊個對當校長送.....呢間咩學校黎架??甘怪既. 成個concept 錯曬.....盡快轉校啦.. 佢個concept 似"人係要惡...有善既人,最好唔好出聲, 怕trouble .. 咩道理呀..你個小朋友讀幾年班?

PY-Sing

我會問老師, 學校係吾係容許搶嘢?? 係我會自己報警處理.