有冇考咗樂理既媽媽可以解答我

babysunbaby

我只想搵考咗樂理既媽媽答我，thx如果你地遇到呢種老師你哋會點做？


Day1開始我已經同老師講明:我想我小朋報考二月個試，但係只係得七個月多d既時間學夠唔夠？
佢就話得，如果我想係可以，最多開行turbo教，做多d練習,不過未必合格囉～
(其實由始至終都唔係我要求考呢個試，只係鋼琴老師想我個女考六級琴，所以就一定要佢考咗呢個樂理試先)
現在學咗五個多月，距離考試唔夠兩個月既時間，佢只係教咗我個小朋友三分一既野！
學咗二十堂有多，只係有兩三次冇遲到，最遲個次遲咗二十五分鐘，有時未必會俾返足時間我！
明知時間無多，突然同我講下星期都唔向香港，有兩堂上唔到！！
又話唔夠時間教要我加鐘加堂都算！但係教嚟教去都只係教咗咁少野！


個櫃台阿姐仲不斷咁話呢個老師好有料好叻跟過名師學琴    <  咁又點！咁勁就唔使留向呢d行仔度教喇
又話唔係睇在鋼琴老師叫佢教我小朋友，都未必會教喎！  <  我夠睇在鋼琴老師份上先唔一早踢你走喇
個阿姐今日當住我面同另一個老師講我話嫌樂理老師教得慢喎，個老師話我呢d行外人點會知點教先好！！
仲話老師咁教梗係預咗一定教得晒喎


我係行外人！我真係好想知係咪真係需要咁耐時間先只係教到幾part野囉？
究竟餘下十四堂左右係咪真係會教得晒？
希望有媽媽可以答我，thx

chinhing

stringpiano 發表於 17-1-2 22:22
其實學的時間拖得越長，小朋友越不記得。試想下如果要學九個月，當他學到第七第八個月的時候，他第一第二個 ...

又唔會唔記得嘅，樂理係一級比一級難啲，學識簡單嘅嘢，再慢慢加深，好似滾雪球咁。

stringpiano

其實學的時間拖得越長，小朋友越不記得。試想下如果要學九個月，當他學到第七第八個月的時候，他第一第二個月學的東西還會記得嗎？

babysunbaby

回覆 lingling06 的帖子

我覺得上鋼琴堂個D淺好多,唔同樂理考試學的

babysunbaby

問題係學咗５個月個老師唔叫我買字典亦唔俾功課做,咁點識點記?

lingling06

好奇一問，為什麼考樂理要特別參加琴行的樂理班？大家小朋友學樂器時，老師是否完全不會教樂理，只是教授演奏技巧？
我本身完全不懂音樂，我見琴老師每次教新樂曲前也會介紹樂曲的背境和旋律的特色，每堂也有少量樂理功課，但只需10分鐘就可完成。我見老師６月始給小兒一本字典和３年的past paper去預備考試，所以小兒算是預備得頗為輕鬆，亦順利在樂理考試取得不錯的成績。

ho_yan2406

dingdingba 發表於 16-12-23 13:45
我小朋友小四，老師建議佢學10個月,一個月四堂,每堂45分鐘。其實需唔需要咁耐呢？ 我女考 五級琴，跟同一個 ...

平均係半年至9個月,我都係一星期一堂45MINS的~9歲咁細吸收可能都慢D添,同埋要要睇佢勤唔勤力啦~

ho_yan2406

sheep_le 發表於 16-12-23 09:37
by the way, 所以愈來愈叻既不是完全係小朋友，是老師⋯容許你教既時間就係得咁多，你諗辦法教到佢合格！ ...

呢D我寧願佢唔合格,等佢知道冇不勞而獲

ashley2016

我小朋友小四，老師建議佢學10個月,一個月四堂,每堂45分鐘。

我都有教樂理，我覺得差不多，小朋友年紀小，要多些時間指導。
事實上，有些學生醒目、勤力，會快些。有些學生懶惰，多多時間都唔夠。

dingdingba

我小朋友小四，老師建議佢學10個月,一個月四堂,每堂45分鐘。其實需唔需要咁耐呢？ 我女考 五級琴，跟同一個老師， 用咗少個7個月，中間還 參加了校際音樂節 三級

sheep_le

ho_yan2406 發表於 16-12-23 01:17
可惜而家大多數都係為張CERT而去學樂器,目標幾年內考到8級
最心UP就係聽到人地話學鋼琴冇用,D學校 ...

by the way, 所以愈來愈叻既不是完全係小朋友，是老師⋯容許你教既時間就係得咁多，你諗辦法教到佢合格！有時，有考試測驗默書或其他活動時，功課又唔做齊⋯自己又唔溫，考到張野簡直已是神蹟⋯⋯

ho_yan2406

sheep_le 發表於 16-12-22 08:32
以前夠唔會話小學就要考哂咩咩級啦⋯⋯其實樂理是應該慢慢學的，宜家既人唔知做咩咁急，又想要張野又唔想 ...

可惜而家大多數都係為張CERT而去學樂器,目標幾年內考到8級
最心UP就係聽到人地話學鋼琴冇用,D學校唔計

LeeCC

ivantissue 發表於 16-12-22 08:57
陳年舊時分享:

仔9歲時暑假用兩個多月速成班學樂理，仔同另一位中學生一齊跟鋼琴老師上堂，一星期上兩堂 ...

勁
不過先決條件系小朋友可以坐定兩個鐘，我個有d難度

ivantissue

陳年舊事分享:

仔9歲時暑假用兩個多月速成班學樂理，仔同另一位中學生一齊跟鋼琴老師上堂，一星期上兩堂，一堂兩小時，上完堂返屋企做足要做嘅功課，亦做咗幾年past papers，做錯咗嘅題目再翻做一次，10月考樂理拎97/100分。

sheep_le

ho_yan2406 發表於 16-12-22 00:20
而家D小朋友真係好鬼勁,想當年我十幾歲,我媽要我暑假學晒樂理,我都唔太記得係咪真係7,8月學,11月考...定7月 ...

以前夠唔會話小學就要考哂咩咩級啦⋯⋯其實樂理是應該慢慢學的，宜家既人唔知做咩咁急，又想要張野又唔想用咁多時間，事實不是時間問題，是要學識學明白！

ho_yan2406

而家D小朋友真係好鬼勁,想當年我十幾歲,我媽要我暑假學晒樂理,我都唔太記得係咪真係7,8月學,11月考...定7月學到11月就考....我淨係好記得每次上完堂就返去做十幾廿頁功課,係咁畫音符,好鬼辛苦(我係自願學琴的,不過次次咁多功課真係想C)
而家我教學生,通常6至9個月,其實計返都係大約三十堂,但慢慢學唔記一次做咁多功課同埋記咁多野~

babysunbaby

我個鋼琴老師由一開始就已講明唔教樂理,我亦没有問原因

我剛轉了樂理老師上了兩堂,已經教了其他新的題目,
佢仲問我點解學咗咁耐都冇教過拍子記號,速度記號...唉

LeeCC

birdbird 發表於 16-12-17 12:12
tom L 暑假果個一星期兩堂的班我覺得太密集. 反而一星期一堂, 每堂兩小時, 中間有個weekend, 會有多d 時 ...

一堂兩小時，我驚小朋友頂吾順，系學校九個字一堂，都有點勉強

birdbird

babysunbaby 發表於 16-12-15 21:43
回覆 birdbird 的帖子

我個小朋友都係9歲，一對一的，一星期兩堂一堂一小時，早知我都報通利，現在簡直係 ...

請看上一層的回覆.