interview後之意外收穫，你有無同感(長篇㗎，但真心分享）

alanjordan

早2星期已in咗2間，囡囡表現唔錯，佢仲剛退燒，起到身去已好好彩，雖然佢推跌咗D積木，但我會體諒佢，剛過去的星期六，日也有interview，不過有2間無去，因為唔想佢太辛苦，星期六6個小朋友group in，而坐在囡囡側邊的男仔極度活躍又搶玩具又搞佢條裙，老師講故事時又不停大聲叫嚷，連佢爸爸都只顧好大聲咁安撫佢仔，完全無理會影響到其他同佢一齊圍圈考緊的小朋友同家長，我都覺得嘈到聽唔到老師講緊乜，而我囡中段開始忍唔住有D分心喇，個爸爸又俾支hand cream 個仔玩當安撫，點知揤到一地都係，而呢個男仔右邊隔離的細B考生，有樣學樣周圍走，我們其他幾個家長都好無奈個男仔影響哂成group小朋友的情緒，當然那小朋友自己都唔想，但那爸爸宜控制一下，佢自己都咁大聲咁個仔咪跟佢學；星期日in那間，老師好嚴肅，我從來無見過我囡會咁緊張，老師叫佢攞D食得的玩具出來，佢攞啱哂，老師問食唔食得㗎，佢答咗玩具，其實係因為我一向都教佢呢D係玩具唔食得㗎，係假㗎，所以佢嗰刻就提老師係玩具唔食得落肚㗎，不過我估老師的model answer係要答食得，而且有條問題佢唔肯定答案(其實佢識㗎），我坐佢側邊，但佢無依賴問我，反而自己思考再嘗試去答老師（當日沿途行入去時都見到比較多小朋友in到中途或之後喊，因為對答問題偏多同老師比較嚴肅）
經過呢幾次interview ，我發覺好多突發情況，病啦，其他小朋友影響啦，或者答案是否世俗公式標準啦，但我從中欣賞原來我女都好淡定，幾獨立同勇敢，呢D就平時未必日常生活咁容易表現到，反而interview時流露咗出來，所以就算得唔到呢D學校offer我都平常心，因為太多因素會影響入學狀況，而且我亦係百冇人士，所以我已經當咗D interview係兒童身心評估，當中最令我感動係interview過程中我見到佢長大咗不少，呢點係今次interview的意外收獲

alanjordan

雅BB 發表於 16-11-24 15:13
好叻呀都好羡慕！想問問女女幾大？我女14年11月的，我希望係咪因為仲細呢，但in嘅時候見到其他小朋友 ...

我上年細B，今年大B再考，13年十月尾，其實小朋友長大就會自自然然日常生活學到，唔關叻唔叻事，一年後你就會明

chaucrystal

原帖由 雅BB 於 16-11-24 發表
點解可以咁叻認到咁多顏色仲要連過渡色都分到！！我女連主色都未識呀⋯⋯所以interview時幾乎xxx⋯⋯sad
...

我女足足大你個女一年呀，佢上年做細B都係乜嘢顏色、形狀全部都唔識的。係之後用日常生活嘅物件同佢講得多，學校pn又有教先逐漸掌握到，同埋我女好鍾意畫畫和填顏色，可能咁又令佢有興趣。

雅BB

chaucrystal 發表於 16-11-23 13:29
我女上次interview考顏色，其實佢識晒，佢甚至連灰色、啡色、肉色、深/淺綠色、深/淺藍色都識。老師攞咗六 ...

點解可以咁叻認到咁多顏色仲要連過渡色都分到！！我女連主色都未識呀⋯⋯所以interview時幾乎xxx⋯⋯sad

雅BB

好叻呀都好羡慕！想問問女女幾大？我女14年11月的，我希望係咪因為仲細呢，但in嘅時候見到其他小朋友都好好，擔心係自己教得唔好或者做得唔好⋯⋯

alanjordan

chaucrystal 發表於 16-11-24 12:05
冇收，只係waiting到尾，不過我地已經覺得佢好叻，睇到佢有好好嘅表現，冇reject都當成功了



  ...

Waiting都已有交代啦，咁細小朋友，都唔好俾壓力佢地，同埋好似聖提係最難in嗰間，我之前同囡囡每次完咗interview都唔會特別咁問返佢，唔想嚇親佢

chaucrystal

原帖由 alanjordan 於 16-11-23 發表
最終入咗聖提嗎？我無報到呢間，大頭蝦miss咗

冇收，只係waiting到尾，不過我地已經覺得佢好叻，睇到佢有好好嘅表現，冇reject都當成功了

alanjordan

Monstereasy 發表於 16-11-23 19:05
選校係相對既，如果老師講故事吸引，小朋友自然會投入，家長亦會對學校加印象分。但如果老師講故事悶又唔生 ...

PN我會覺得學校考小朋友的反應，小手肌，呢D會適合D，要答到故事內容確實難D

Monstereasy

原帖由 alanjordan 於 16-11-23 發表
PN我個人覺得無必要考聽故事，咁細小朋友叫佢地要坐定定聽咁耐已經好難，仲要明白內容，仲要答返出來，真 ...

選校係相對既，如果老師講故事吸引，小朋友自然會投入，家長亦會對學校加印象分。但如果老師講故事悶又唔生動，即使有offer, 家長都可能唔讀。

Monstereasy

原帖由 timothy_mto 於 16-11-23 發表
SC 嘅pn intw, 分3方面

1. 難度同in K1差不多, 試想想小朋友in PN,年紀可以有幾大?佢咁SET當然係校方自由, ...

天主教聖人之中其中一位係St Catherine.

alanjordan

wwchuifamily 發表於 16-11-23 18:15
其實我都覺好多PN同K1面試內容差唔多，只係PN expect小朋友指/做，而K就要講到。

Greenfield, Keen Mind ...

PN我個人覺得無必要考聽故事，咁細小朋友叫佢地要坐定定聽咁耐已經好難，仲要明白內容，仲要答返出來，真是天才，或者佢地想收天才吧，K1要考聽故事就無可厚非

wwchuifamily

alanjordan 發表於 16-11-23 17:58
PN要考聽故事？K1考就唔奇，PN就難喎，同埋你話等一個鐘，咁真是過份得滯，基本上等半個鐘都極限咁滯，其 ...

其實我都覺好多PN同K1面試內容差唔多，只係PN expect小朋友指/做，而K就要講到。

Greenfield, Keen Mind同HKPS嘅PN interview都已經要幼兒坐低聽故仔俾反應。

alanjordan

timothy_mto 發表於 16-11-23 17:41
我唔記得, 大約for pn candidate

第一部分, 有家長填問卷同時,小朋友做TASK

PN要考聽故事？K1考就唔奇，PN就難喎，同埋你話等一個鐘，咁真是過份得滯，基本上等半個鐘都極限咁滯，其實如果咁安排，會影響到小朋友發揮

timothy_mto

alanjordan 發表於 16-11-23 14:30
我上年無考SC pn，因為我係細B，所以都算數，今年就有考，不過點解考pn會同K1考差唔多嘅？佢點考呀，都唔 ...

我唔記得, 大約for pn candidate

第一部分, 有家長填問卷同時,小朋友做TASK
第二部分, STORY TIME
第三部分, 唱歌 CIRCLE TIME

有錯請指証

timothy_mto

penguin8 發表於 16-11-23 14:56
點解老師黑面呢？

呢層要問佢先知?

專唔專業?
有無使命感
印象

alanjordan

chaucrystal 發表於 16-11-23 16:28
我女上年係細B，剛剛11月pn開課一星期，放學就即刻飛的去靈糧堂參加第一個K1面試，結果佢一見到個課室就好 ...

最終入咗聖提嗎？我無報到呢間，大頭蝦miss咗

alanjordan

vpo0615 發表於 16-11-23 16:26
小朋友鬧情緒而家長控制唔到, 結果影響埋隔離左右嘅小朋友, 我相信好多家長都遇過; 有D情況係有D家長專登做 ...

而今次遇到情況，正正是你講後者嗰種，真是第一次遇到，其實我估個爸爸起初都真是想安撫個仔，但可能佢個仔的表現令佢都覺得無望，所以後來都好似唔係安撫，只是好大聲咁不停在老師面前講「阿仔好叻呀」，「阿仔乖喇」，「阿仔，你平時識㗎」，諸如此類，我們其他家長都聽唔到老師嘢，我唔敢猜測佢目的，但影響到人就真㗎，我囡掛住望個爸爸講嘢，因為佢大聲過老師所以draw咗D小朋友注意去佢到，真是堅無奈

chaucrystal

我女上年係細B，剛剛11月pn開課一星期，放學就即刻飛的去靈糧堂參加第一個K1面試，結果佢一見到個課室就好抗拒，爆喊要走，幾經辛苦安撫到佢冇喊，但表現都好差。但係佢越戰越勇，返咗pn三星期左右就去in聖提女幼，雖然大家都覺得聖提最難，但我反而覺得佢in得最好係聖提，當下見到佢咁叻叻，老師問問題，佢快而準咁全部回答晒，我都好感動。

vpo0615

小朋友鬧情緒而家長控制唔到, 結果影響埋隔離左右嘅小朋友, 我相信好多家長都遇過; 有D情況係有D家長專登做D小動作影響其他小朋友, 務求令到其他小朋友FAIL, 提升自己小朋友成功嘅機會!

CP301

alanjordan 發表於 16-11-23 16:08
好叻叻呀，証明佢係思考過，諗過，亦都敢去嘗試，所以我點解今次會咁感觸，寫咁大篇嘢去分享一下interview ...

我地真係唔可以睇少小朋友(emoji)