龍幼的競爭力

wesbrown

睇過龍幼的K班果本, 其實幾淺易, 若中途不能上K, 其實競爭力是否好弱？

放棄九龍塘四大名幼或學之園的OFFER, 而逃亡到龍幼, 是否明智？

keep-calm

原帖由 Chanhana 於 16-11-06 發表
本帖最後由 Chanhana 於 16-11-6 02:14 編輯

個人覺得考小一其實同你讀邊間幼稚園係冇咩太多關係....最 ...

好同意，尤其你個結論：「揀幼稚園時唔洗太睇學術。你要學術好谷？好谷個啲多數係家長自己在校外谷」；眼見身邊獲多個offers 的小朋友多是因為父母支援充足（伴讀、身教、自己操學術練習、安排外補、哉培體藝⋯etc)

Chanhana

個人覺得考小一其實同你讀邊間幼稚園係冇咩太多關係....最終都係要睇家長自己點培養小朋友。

以上類似既講法係2-3年前我仔未考一前，我成日見到前人係EK依度講既，唔考過唔知，依句說話好真！

阿仔係今年應屆考小一，身邊好多朋友仔女都係應屆考小一
我仔讀龍校，其他朋友多算係九龍塘啲名幼
不同家庭既教養方法，會影響到小朋友考小一有唔同結果
有朋友讀名幼但考小一成績一般，多算係新派學校既offers
另外有啲阿媽進取啲既，教養ok, 仔女好有禮貌又醒既，就有唔少神校second in.

結論係真係睇家長點教點培養。

咁如果只論學術，龍校既程度確實係容易過冇龍既名幼既....
所以如果想出去考其他小學既龍幼生好多都有另外進補或阿媽自己教。
不過就算名幼啲野幾深或教得幾多，學到幾多野，都係個句，要睇家長有冇跟進...

所以我會覺得龍幼比冇龍既幼稚園，優勝既係，對家長黎講係考小一時冇咁大壓力，而唔係學術上既優勢。
而學術上，冇咩邊間幼稚園有優勢，因為係睇家長跟唔跟進。
反而幼稚園生活對小朋友既影響係品德培養、或校風，如果品德唔掂、冇禮貌，考小一時應該會唔多好...（不過家長身教對小朋友既品德培育更重要，始終對住父母既時間最多）

結論係：個人認為揀幼稚園時唔洗太睇學術。你要學術好谷？好谷個啲多數係家長自己在校外谷..

uglyghost

mannitol 發表於 16-11-3 13:28
其實佢只係有3間offer。現在讀直升中學的女私校。

女拔?

mannitol

原帖由 AnnieSammy 於 16-11-03 發表
可否分享下家姐小一考成点？
有時名幼 同龍幼 真難揀……

其實佢只係有3間offer。現在讀直升中學的女私校。

Forgetmenot999

caca316 發表於 16-11-2 19:43
回覆 hha 的帖子

聖幼入6個女拔，1個co ed, 算不算多呢？

比例當然高

konew720

keep-calm 發表於 16-11-1 11:12
去小學板睇睇，考小學「競爭力」除了學術，態度禮貌待人接物亦非常非常重要，唔少「神校」學術考得唔深，要 ...

認同。
LH既校長由PN到而家K2都成日叫我地一定要著重小朋友徳育，因為所有名小都一定會睇小朋友既德育。interview時識飛，冇禮貌學校都唔會收。

amoyresident

好多龍幼生考p1都考得好好。小朋友係叻，讀任何學校也出類拔萃。反之，如小朋友暫時未開竅，讀龍幼會多一份保障

宮二

原帖由 hha 於 16-11-02 發表
聖心唔係cckg咁神，又係學券幼稚園，我覺得算多！

如果以比例計，好似SC嗰d大校約八百個畢業生，大約要有 ...

以聖幼每年只有180畢業生計，比例相若

mannitol

我囝就係從名幼跳去讀龍幼，而家姐係讀名幼的的例子。冇錯，龍幼課程相對名幼淺易，冇教得咁快。因為佢主要目的係培養小朋友對學習嘅興趣、自理、德育，而唔係一味沖沖沖去追面試技巧/題目。而呢啲其實對升到小學嚟講都好重要。但最主要我嘅原因，係因為小朋友嘅性格同能力。我知道家姐學習能力較高，出去考小學應該冇問題。所以我一心想佢讀直私小學，但咁樣細佬一定冇得跟尾。而細佬就需要多啲時間去學習先能掌握得好，跟家姐讀名幼一定辛苦。所以我就揀龍幼俾佢讀，自己知道佢邊啲可以pick up 好啲再train 吓佢，邊啲pick up 得冇咁好就幫佢一把。因此，讀邊間學校真係好睇小朋友性格同能力。唔掂嘅1，去讀名幼一樣唔掂。掂嘅，就算讀淺易嘅學校，自己再幫佢一下，一樣出類拔萃。

hha

caca316 發表於 16-11-2 19:43
回覆 hha 的帖子

聖幼入6個女拔，1個co ed, 算不算多呢？

聖心唔係cckg咁神，又係學券幼稚園，我覺得算多！

如果以比例計，好似SC嗰d大校約八百個畢業生，大約要有26個入dgjs，點計都唔係差啩！

我用呢個例子，係想講龍幼都一樣可以有競爭力，都一樣可以考到神校; 而嗰d普普通通嘅學生，就有自己小學做backup，進可攻、退可守!

kbi

wesbrown 發表於 16-10-31 15:44
睇過龍幼的K班果本, 其實幾淺易, 若中途不能上K, 其實競爭力是否好弱？

放棄九龍塘四大名幼或學之園的OFFE ...

其實要睇你喜愛邊間小學，如果間龍小並非你所愛，入龍幼只為有back up，下如讀你心目中的神K，準備好小朋友去考心儀小學。如果有龍小是你首選，該龍幼是你不二之選。

caca316

回覆 hha 的帖子

聖幼入6個女拔，1個co ed, 算不算多呢？

hha

hkpapa852 發表於 16-11-2 18:10
聖心私小會係小一自行結果公佈後俾學位所有未有著落既幼稚園部女生，派位又點會差呢？ ...

絕對唔係全部，上年自行後(自行2x個入津小）出了9x私小學位，當然之後waiting再入亦有。

況且六個dgjs, 1 個 spccps 都好有交代啦！

hkpapa852

hha 發表於 16-11-1 14:14
大家去嘉諾撒聖心幼稚園的網頁望一下升小成績(唔係考到幾多間，而係將會升讀邊間，至七月頭止，所以有d扣門 ...

聖心私小會係小一自行結果公佈後俾學位所有未有著落既幼稚園部女生，派位又點會差呢？

Forgetmenot999

hha 發表於 16-11-1 14:14
大家去嘉諾撒聖心幼稚園的網頁望一下升小成績(唔係考到幾多間，而係將會升讀邊間，至七月頭止，所以有d扣門 ...

我亦有留意，考小一學校很好，其實龍校一樣可以考到好學校，同名幼有得fight。

星星的後裔

wesbrown 發表於 16-11-1 10:11
龍校的小學和中學部一定係好. 否則點會各家長趨之若鶩想仔女入讀。
我想討論的是他們的幼幼部競爭力.

以我認識的一兩間龍幼的學術比較淺是事實, 因和其他學校安排唔同. 龍校設計課程是9年,12年甚至是15年的, 根本不需要段段沖, 每3年,6年結一次帳. 以成績睇似乎龍校的安排係可以令最終學生成績較好. 只要你中途唔好落車.
好多官津好谷, 有人都話二線比一線學校更谷, 結果呢?

hha

大家去嘉諾撒聖心幼稚園的網頁望一下升小成績(唔係考到幾多間，而係將會升讀邊間，至七月頭止，所以有d扣門成績及最後call waiting 未計），相當不錯！我唔覺得比九龍塘私幼差。

P.s. 仲要有學券用

keep-calm

去小學板睇睇，考小學「競爭力」除了學術，態度禮貌待人接物亦非常非常重要，唔少「神校」學術考得唔深，要突圍是取決於態度品德，而呢D係要長時間浸，反而幼稚園的學術容易有quick fix ⋯當然明白家庭教育對品德培育最重要，但對雙職父母而言，重德育的學校反可提升「競爭力」。spk/ spn /skh 學術課程唔深，但每年大比數入「神校」，我認為是因為重德育培養