平日有上課外活動的初小生...

蝦米豬

如果平日在校外上課外活動的初小生, 通常幾點睡覺. 我識得有初小生, 一星期平日操水三次, 晚上十二時才睡, 因回到家還要做功課等等, 唔知道平日有課外活動的如何兼顧學業但又不剝削睡眠?

rainbowyung1

現在大仔讀小一，平日我冇安排課外活動和補習，只有在星期六日，學游泳和打波。
我們在家幫他溫習功課，雖然勞氣d，但減少了好多交通時間，如果日後我們搞唔掂佢d功課，到時才搵補習。

200904

我都覺得小朋友一定要夠睡才能健康成長。何況，大腦必須有充分時間把一天所學歸檔啦。
不過，我覺得體育活動也是必須的。現在我兩個小朋友，每周一小時游水，兩小時芭蕾舞，我覺得足夠她們放電。

lovestarry001

我仔小一10點上床瞓我都覺得夜, 但同屋企人住夜食飯, 所以冇計。

但我真係接受唔到初小12點先瞓.......一日瞓果幾個鐘邊夠架?!

蝦米豬

原帖由 IloveJJ 於 16-10-18 發表
點可以12點先瞓架?仲係初小添!唔夠瞓會影響成長架!
我仔初小星期一至四都唔會安排課外活動。

學校幾點放學? 回到家幾點?

rainbowyung1

其實有足夠睡眠好重要，在關鍵時權衡輕重，我寧願他瞓下先才做功課。

sorman

一星期操三日水，搞到十二點瞓。明顯係佢老豆老母有問題啦，豈能拉我地呢啲正常父母黎一齊討論？

我仔小二晚晚2015瞓，0630起身。

Yanamami

judy 發表於 16-10-19 12:08
夜唔夜訓，和操水無關。同學校、阿媽、小朋友關係大啲。

Exactly!

judy

如果平日在校外上課外活動的初小生, 通常幾點睡覺. 我識得有初小生, 一星期平日操水三次, 晚上十二時才睡, 因回到家還要做功課等等, 唔知道平日有課外活動的如何兼顧學業但又不剝削睡眠?

夜唔夜訓，和操水無關。同學校、阿媽、小朋友關係大啲。

chanwendy

我唔會在平日安排校外課外活動的.

twlo

回覆 Yanamami 的帖子

寫錯了，小二才對

twlo

S-Kwok 發表於 16-10-19 07:10
中二都可以2130瞓

寫錯了，是小二

miujoey

小一, 一星期2天Violin, 6點回到家中, 沖涼食飯,7點幾開始做homework , 做到8點半到, 9點半入房訓.   

little_kid

小二生，平日要大約9:00瞓， 所以上唔到課外活動。  有時星期五晚補游水班，貪佢功課可以第二日先做。

little_yolky

蝦米豬 發表於 16-10-18 22:30
如果平日在校外上課外活動的初小生, 通常幾點睡覺. 我識得有初小生, 一星期平日操水三次, 晚上十二時才睡,  ...

阿細要跳芭蕾舞, 所以無得揀禮拜四要操多堂, 咁啱禮拜四又無功課堂, 我就叫佢醒醒定定小息時做多D, 尤其抄寫唔駛用腦既。佢跨區, 放學落校車都4:15, 行去芭蕾舞度4:30-5:30做埋功課手尾, 然後換衫, 拉筋, 6:00-7:00跳, 返到屋企大概7:30, 食簡餐, 然後做埋唔識既功課, 沖涼刷牙執書包, 9:00左右瞓覺。

Yanamami

twlo 發表於 16-10-18 23:17
我的小朋友現就讀中二，星期一至五放學後也有課外活動．通常回到家也五至六點，跟著冲涼食飯，然後做功課。 ...

中二仲檢查功課？

sallyshlau2

我兒子小一每天放學4:10pm回到家，我會給他吃少少麵包，他一邊吃一邊自己看課外書，我幫她檢查功課，因他大部分在學校完成，大約4:35pm我會叫他做返改正及溫一會兒明天的測驗默書，大約5:00pm已經全部完成，每天3-4様功課，他由5:00pm玩至9:30pm上床睡覺。我仍覺得玩好重要。

S-Kwok

12點先瞓太夜喇，唔夠瞓影響學習、健康，長期唔夠瞓係一個惡性循環，課外活動是額外的，健康、學習是基本的，唔應該因課外活動而影響基本的需要。

我小朋友小三，平日放學留校嘅課外活動有3日，最遲嗰日返到屋企1745左右，澡完涼食埋飯，約1845開工做功課、温習，我會要佢2045左右就要準備刷牙上床瞓覺。