小一要罰企冇得小息

santakit

小一開學個幾月來，聽到老師要小朋友罰企冇得小息(只是欠交一樣功課)，真係另人擔心。。
吾想個學校環境係噤negative....
(二線津小)

mimi1102

其實我覺得罰冇小息係最少的懲罰, 我女學校欠交, 罰小息去某個課室做番當日欠交的功課. 我唔覺得佢同佢D 同學會有咩bad feeling 或童年陰影. 我女小一時, 頭幾次欠交, 都是因為我, 唔係我唔記得簽名, 就係我幫佢執書包時, 執起左份功課, 我的錯令佢被罰, 我當時仲唔開心, 但大人同細路都要學習同明白, 錯就要認, 唯有提醒自己同小朋友, 以後多加留意.  

dclm

santakit 發表於 16-11-5 23:18
明白你的道理，我都發覺原來好多家長都有類似你的睇法，似乎都有大家的道理，否則吾會噤多人認同。

噤講 ...

功課做得好就話鼓勵姐
交齊都要鼓勵？！
呢樣係責任泥wor！
長此落去，小朋友點培養責任感？
同埋個個交齊，老師一日要讚30幾次wor
又咁講，如果日日都比人讚，讚ge作用亦隨之而失去，個個都麻目哂啦。反正個個都讚日日都讚，有咩咁值得希罕同快樂？
除非係sen，交齊同做好本身係好大挑戰，或者家庭背景影響令佢好難做好，否則我唔認同做齊都要鼓勵。
如果一個正正常常ge小朋友，要做齊功課有幾困難啊？大家都係咁做架啦。
最多家長覺得功課量太多，就同學校反映下，不過如果只得你小朋友覺得多，其他人又做到，就要諗下係咪學校唔適合你個小朋友。

santakit

abinayams 發表於 16-11-5 18:20
為人父母咁灰，諗得咁負面，小朋友唔灰都難啦！點解唔掉轉講：你真叻，返左幾個月先第一次比老師罰，我細個 ...

明白你的道理，我都發覺原來好多家長都有類似你的睇法，似乎都有大家的道理，否則吾會噤多人認同。

噤講吧，如果我可以比個提意學校，我希望有"罰"的同時，學校係可以有方法另d交齊功課的學生有高度的滿足感，另學生日日都好期待交齊功課嗰種良好感覺就好了。用呢種感覺擊來drive學生。 (吾希望反學是感到戰戰兢兢，交齊就鬆口氣的感覺。。)

其實我都盡量比d happy感覺佢，成日講話好期待默書，好想試下自己識吾識d字噤。。
但吾好意思， 我覺得比人罰吾多吾小都會灰啦， 只是我們由細到大被教育到襟住d"灰" 咋嗎麻，好多時d動力都吾係來自正面力量，而是負面力量，不過大家都明白外在要act positively所以都還好。。.

abinayams

santakit 發表於 16-10-16 08:55
我覺得家長同老師吾係個小朋友，好難真係感受到個小朋友既感受，切身處地響個小朋友角度感受下，比人噤罰 ...

為人父母咁灰，諗得咁負面，小朋友唔灰都難啦！點解唔掉轉講：你真叻，返左幾個月先第一次比老師罰，我細個9月就中獎啦！我地一齊守住呢關，晚晚細心D檢查功課，贏老師，等佢揾唔到機會罰你，好唔好？控制唔到外在因素，就要調整自己心態去適應社會。第日出來做事，邊個會講夠10次講到你明？唔講都要自己主動醒目，慢半拍都比老闆鬧，到時又灰呀，佢唔頋我感受呀⋯⋯痛苦既只有自己，痛苦既根源係父母自小當自己係嬌弱既小花。

dclm

罰小息咁小事都唔得，究竟要點教先得
我認同要鼓勵小朋友
但功課就係功課，責任就係責任
鼓勵應該係佢做之前，唔係無做之後
唔通佢大個做錯野，係鼓勵佢做好？
獎罰應該要分明，只獎唔罰，長此落去仲點教
從另一角度泥睇，呢d唔係罰，係拎走佢想要ge野，教育心理學都係教要咁做。

除非事前無講話無做會罰，或者老師係有情緒咁做，有用說話人生攻擊小朋友，係針對人，咁就唔可以接受

santakit

多謝大家既回應!

我好小接觸其他家長，吾知道原而家小一是這樣的，原來罰企冇小息呢d係噤普遍的，我仲以為教育處已經ban左吾比罰企添。。但我似中覺得噤教大outdate了。。我以前聽下talk呀d講者呀。。d learning center d老師呀，都冇聽過要罰來罰去的。。。所以我完全有d驚訝個都師噤對d學生。。

可能是普通津小，d老師年紀大d, 佢噤多年來做開都係噤啦。。而且噤最方便快捷啦。。而且都是反分工。。

我都明白要適應及自己做d野neutualize 反d 吾好既effect... 但又要我傷腦筋了。。都吾明點解竟然係噤。。只好努力啦！

bananaGi

santakit 發表於 16-10-16 00:22
多謝大家安慰。。我個心好吾舒服。。
應該是第一次欠交功課，我感覺是老師係吾係都罰左先，因為應該有其他 ...

唔識教既老師，唉。轉校

ewatsang

我仔都試過小息罸企...  佢話被班長習名喎。又話昨天老師講, 從今開始, 欠xx 就要小息罸企... 欠一樣就罸一個小息, 唉 !!!!  我無話仔呀, 只叫佢小心執書包同做功課咋。

1998Ruby1998

回覆 hayleyhoho 的帖子

我父親高中前一向不管我學業，所有沒有反應。媽媽當然是先入為主，覺得是我惹起事端，所以罵了我整個星期。我媽媽是60 年代出生，教育方式與現今的不同，我長大了自己想通了，也不怪她。

hayleyhoho

原帖由 1998Ruby1998 於 16-10-16 發表
回覆 santakit 的帖子

當年小一九月彌撒日，我被代課老師拿走了手冊被班主任覺得我為了不被責罰而撒謊，小 ...

想問當年你係學校受到老師種種對待，回家後你父母係點處理？係責罵?還是同你傾?

little_yolky

siden 發表於 16-10-16 12:56
我同你諗法一樣。

其實我老公係果啲，仔女被罰第一件事就話老師嚴厲果種人。

最慘係, 阿女同組有幾個多口既, 成日嘈, 雖然阿女乖, 但全組都要罰。咁我只好安慰阿女, 忍忍下, 好快就調位了。

skkeung

原帖由 santakit 於 16-10-15 發表
小一開學個幾月來，聽到老師要小朋友罰企冇得小息(只是欠交一樣功課)，真係另人擔心。。
吾想個學校環境係 ...

超舊式教育！

ALK

mch411 發表於 16-10-18 08:56
我亞仔學校簽欠交就ok,
要欠交十次先警告一次
因為有時派漏功課, 和同學仔掉轉左,

十分同意！
另，樓主，明白你的！既然老師選擇用呢個方法，咁鼓勵孩子的角色，你要take多D！

mch411

我亞仔學校簽欠交就ok,
要欠交十次先警告一次
因為有時派漏功課, 和同學仔掉轉左,
太多因素影響小朋友欠交

fishcowcow

講開我又講下我仔間小學啦, 我仔今年小一, 讀一間一線尾二線頭既津水, 我仔係偏活躍型, 即係會傾計, 郁身郁勢, 心急個款, 開學個多月都比人罰企過多次了, 不過暫時我聽返, 都係罰企5-10分鐘, 有一次佢無帶普書, 俾老師罰企了5分鐘, 自個次後佢特別著緊要記得帶普書...其實我覺得小朋友諗法是否負面, 家長都可以掌控, 我會同佢講, 因為佢做左啲唔岩既野, 老師先罰, 其實老師好錫你地架(我相信老師總有讚賞他們的時候), 要將老師既"好"放大, 將"罰"放輕, 我仔被罰完, 依然好鍾意啲老師, 因為話老師會同佢地玩遊戲, 昨晚佢仲無喇喇問我, 佢地班既老師係咪全級最好

kaatt

原帖由 santakit 於 16-10-15 發表
小一開學個幾月來，聽到老師要小朋友罰企冇得小息(只是欠交一樣功課)，真係另人擔心。。
吾想個學校環境係 ...

講吓我自己以前小時候經歷，我小一開學第一個星期，因為無做英文功課比老師罰企，其實我自己都唔知有功課做，完全唔知咩事係咁比老師閙，要我企出去黑版，叫其他同學唔好學我唔交功課，我企係到不停喊，企足一堂，這個畫面到今時今日我依然記得好清楚，所以我小學好憎上英文堂，好討厭老師，成績好差，根本唔想返學，直到去到中學遇到好老師先慢慢喜歡讀書。

唔好意思，樓主這個post令我想起自己童年。

domoguse

我就覺得
小朋友應該學習承擔後果
長大先會係個有責任感既人

你可以同返佢講
快樂不是無條件的
要做好學生的責任，先可以開心咁過校園生活

如果個個欠交功課老師都只係「鼓勵」佢做
咁就日日都有好多人欠
到時上堂就變左追功課堂，小朋友咪仲學唔到野

mama122909

好小事，debriefing重要啲

200904

衹要老師賞罰分明，不是情緒話，不是對人不對事，就好。