45校網選校經驗之談

Saniesum

今年度又有新一批媽媽要忙碌選校，尤其45校網有學校村焦點，回想我上年都好堅決集中學校村內好幾間學校，其他既一概看不上眼，最後決定集中填晒村內既學校，最後大抽獎派到第十志願，要經歷不斷既叩門同操練。。我同阿女受盡挫折，尤其叩門階段，更加見到學校既校風同選後備生既策略，我就知道邊間學校先至真係為學生著想而提供就學機會。

最後有兩間45校網既學校收左阿女，我選擇左彩雲邨既保記小學，雖然校舍細細，但係，一來有機構保証，二來係比校長同佢地既團隊深深感動。

好記得面試時校長同我講：咁細個小朋友你想考佢咩呀？天才咩？反而我睇既係佢點應對，佢有冇禮貌，識唔識同人溝通，呢刻我覺得，校長真係睇住小朋友既品格來選生，而唔係要佢識幾多字，答對幾多題目。。。

再聽埋佢個talk,我相信，阿女將來既日子一定係在大愛既環境下成長，好過要日日競爭住你默書要拎幾多分，唔夠邊個邊個叻🙈🙈🙈

希望幫到媽媽們考慮選校時，唔好只係比較有幾大名氣，有幾大校舍環境。而係好好想一想，學校既教學方針，係為教育還是為追名氣而催谷。。。

九月有好多場各小學既講座，大家不妨用心去聽校長既講解，就會有更深感受

P.s阿女由六月註冊後學校每星期六都提供適應班，阿女返左小學一星期，已經熟習晒學校環境同老師，仲返得好開心，証明我冇選錯。

祝大家都為仔女揀arm適合自己既小學！加油！

KooMan

hkpapa852 發表於 16-9-14 11:23
其實追求成績同品德, 從來無衝突. 基本上所有傳統學校都會著重學生品德, 如果話要特別關愛, 要搵D愛心學校 ...

完全同意hkpapa
我上年先玩完呢個遊戲
香港制度就係咁現實，要升中b1 , 就係谷
就算間學校話係happy school , 口裏說是，行動功課測驗考試卻得誠實

CY11

多謝分享。每個媽媽都要面對這些掙扎，但好多時睇下邊間學校收到。
請問45校網的家長，今年會怎樣排位？

hkpapa852

punlik 發表於 16-9-13 22:59
小朋友品德重要還是學業成績重要，當然是品德重要.但選學校，大部分人會選學業成績.我亦睇唔到某間學校既學 ...

其實追求成績同品德, 從來無衝突. 基本上所有傳統學校都會著重學生品德, 如果話要特別關愛, 要搵D愛心學校咁就唔同講法.

但針無兩頭利, 著重關愛好多時會減少學生係學術上既培訓, 咁學生整體成績就會較遜色, 結果係升中派位可得既B1學生比例會較低.

讀書大把時間, 讀乜學校都唔緊要...... 升中係要睇成績, 成績好做B1學生可以優先派位, 成績差就要等睇吓人地執剩D乜學校.

所謂既B1中學同B3中學, 校風, 學校支援各方面差異可以好大, 係咪真係無所謂?

Saniesum

原帖由 hkpapa852 於 16-09-13 發表
本帖最後由 hkpapa852 於 16-9-13 16:13 編輯

其實45網好分明, 以升中派位表現計:

保良局都佔四甲架，陳南昌雖然你地話擺三線，但教育雜誌放佢第四位，遠遠跑贏學校村既學校

16-9-13 19:27 上傳

下載附件 (76.36 KB)

shirley2014

Saniesum 發表於 16-9-11 12:24
少人講所以唔認識佢地
令小朋友受惠唔到

對，希望大家小朋友開心讀書

strawberrychic

Boy116 發表於 16-9-13 13:23
回覆 shirley2014 的帖子

係45網。我去過聖博德和慈天。聖博德多課外活動和制服團隊比小朋友選擇，課程不 ...

好彩見到你話慈天要字靚, 如果我地揀左就弊喇! 肯定日日做功課打仗咁

shirley2014

Boy116 發表於 16-9-13 13:23
回覆 shirley2014 的帖子

係45網。我去過聖博德和慈天。聖博德多課外活動和制服團隊比小朋友選擇，課程不 ...

多謝分享。。。升中2間差不多?慈天甘嚴，要求寫靚D字

hkpapa852

其實45網好分明, 以升中派位表現計:

一線: 錦泰, 嘉諾撒(新蒲崗)
二線: 蒲崗村聖文德, 慈天, 蒲崗村聖博德, 彩雲若瑟, 可立, 慈雲山聖文德, 真鐸, 基華
三線: 基慈, 陳南昌, 伊斯蘭

strawberrychic

Joycecls 發表於 16-9-11 18:16
真鐸排第二都入唔到

可能少位, 三班得75個學額, 比大校少成半.希望今年自行20分得啦

Boy116

回覆 shirley2014 的帖子

係45網。我去過聖博德和慈天。聖博德多課外活動和制服團隊比小朋友選擇，課程不算太深。
慈天小課外活動，3年級以上多D，仲要係老師推薦先可參加。英文科教深，執字很嚴歪少少都吾得。

shirley2014

Boy116 發表於 16-9-12 16:13
我個小朋友今年K3。想問問大家你認為小朋友學業成績重要還是品德重要？我個人認為品德重要，只要你肯讀書， ...

可分享其他兩間學校，你45網?

Boy116

[size=30.3998px]我個小朋友今年K3。想問問大家你認為小朋友學業成績重要還是品德重要？我個人認為品德重要，只要你肯讀書，讀到70歲都仲可以讀，但品德就要從小培養。我由舊年開始已去過不同小學聽簡介，其實間間都大同小宜，但令我最深刻就係陳南昌夫人小學既校長，佢話：我好喜歡我哋D學生出去參加任何公開比賽，我吾係一定要佢地嬴，嬴當然開心，輸左我就用另類方法去教佢哋， 亦要比佢地知道出面既世界有幾大，有幾多人叻過你哋。聽完之後我就覺得尼個校長係我想要既野，亦放心交個小朋友比佢哋教。我亦曾去參觀過間校舍，當然無論位置及設施都比不上任何千校舍啦，但係佢既內涵我好欣賞。所以尼間學校我會放上頭三志願。最後祝願各位小朋友派到心儀學校。

adatang1024

原帖由 hkpapa852 於 16-09-11 發表
不少學校，為咗升lv都放棄原有辦學宗旨。好似兩間原本45網專收SEN既小學，合併轉網加埋有新校舍，都變得催 ...

聖公會聖十架小學？

Joannayu1228

感謝分享

Fanniechak

尼位媽媽講法完全認同，大家都系為小朋友好，只要所有媽媽既宝貝都開心上學，有個健康愉快的童年，讀唔讀名校又如何，祝願所有好媽媽和佢地既寳貝們健康快樂地生活。

NAT媽

- 我覺得樓主想分享佢自己嘅經驗，而樓主本身點會唔做足事前功課呀，大抽獎呢個遊戲好講彩數，每年點都會有派到好後，不過感恩樓主最後同小朋友入到目標一致既學校，我替你高興，加油...

- 保良谷咩！？其實點只佢谷，每區都起碼有八成學校有人分享都話谷㗎喇，其實咩叫谷呢！？谷先係香港嘅教育風氣嘛⋯⋯haha
谷嘅程度我覺得自己同小朋友入到去讀先睇會感受到，無可能全信網上意見，即使有朋友就讀都不能盡信，可能自己小朋友適應到呢！

- 相信做父母大多都想自己小朋友入到B1a英中，但試問全港有幾多間呢D中學呀，每間小學都有一批B1生，毋需過份要求入到區內名小，即使入到而小朋友未能適應，其實都未必可以入到B1a中學，唔好太執著升中%而影響對某間小學嘅睇法，只要大家助小朋友一把，邊間小學都有可能入到心儀嘅中學。

以上係我自己嘅睇法，如有不同意見而得罪，請見諒！做人父母都緊張小朋友嘅前途，讀書同做人處事其實係學無止境，但其實有幾多時間係關注佢地有冇快樂童年，祝大家同小朋友每日都開開心心健康成長。

Joycecls

原帖由 Saniesum 於 16-09-11 發表
1.錦泰
2.真鐸
3.聖博德

真鐸排第二都入唔到

hkpapa852

Saniesum 發表於 16-9-11 16:39
唔緊要，唔駛講得罪，大家都有自己定位，上一年我保險既真鐸都入唔到，選錦泰係喜歡佢既機構，開post都只係 ...

不少學校，為咗升lv都放棄原有辦學宗旨。好似兩間原本45網專收SEN既小學，合併轉網加埋有新校舍，都變得催谷減少關愛和對SEN既支援。
PLK旗下既中學同小學，基本上都係催谷型，所以家長真係要認真去瞭解學校。簡介會，開放日都只係一場show，未必能反映實況。