中電出教材套派全港幼園

elbar

政務司長林鄭月娥（後中）喺中電總裁潘偉賢（右一）和企業發展總裁莊偉茵（左一）陪同下，為中電製作嘅幼稚園節能教材套主持啓動禮，希望學生透過教材套認識節能嘅重要。


【明報專訊】環保教育要從小做起，中電係能源公司，都幫手推動節能教育，製作咗一套以電力為主題，集故事書、兒歌及桌上遊戲於一身嘅幼稚園教材套《看到的電力》，派畀全港近千間幼稚園。


集故事書兒歌桌上遊戲


為咗吸引同學仔，中電搵咗本地插畫師b.wing創作故事主人翁「超人中中（Power Kid）」，變身電力專家，教小朋友電力安全和節能嘅基本知識。教材唔止係文字書本，仲有音樂人戴偉創作兒歌《慳電乖乖》，由歌手林二汶主唱，配合卡通動畫，等小朋友唱住歌仔學慳電。


政務司長林鄭月娥就主持咗《看到的電力》教材套啓動禮，佢話自己好少出席商業機構嘅活動啟動禮，但今次係有關幼稚園環保教育，值得出席支持吓。