幼稚園時係粵教中, 上小學時變普教中, 所有字都要重新學過?

kwokbobo

我想請問, 如果幼稚園時係粵教中, 讀認字時都係用粵語讀, 但如果上小學時變普教中, 咁咪所有字都要重新學過??咪等如中文文盲咁??又話一上小一, 中文會比幼稚園深好多, 咁如果不是講英普幼稚園的, 事前要點準備幫佢適認?? 請指教, thx.

little_yolky

原帖由 MASAYA 於 16-08-03 發表
呢樣就好搞笑，去英語地區唔流利英文會畀人笑，自己地方唔流利外語又畀人寸，做香港人真難 ...

我哋要包容。

MASAYA

little_yolky 發表於 16-8-3 18:58
意義咪就係可以講得流利D, 清楚D, 咁你响港鐵鬧D大陸遊客唔守規矩時, 唔會俾人寸你普通話好差囉。 ...

呢樣就好搞笑，去英語地區唔流利英文會畀人笑，自己地方唔流利外語又畀人寸，做香港人真難

little_yolky

MASAYA 發表於 16-8-1 11:59
想請教，冇學過英文同普通話，工作上可以同大陸同事順利溝通，同西人就唔得，咁學普通話既意義係？ ...

意義咪就係可以講得流利D, 清楚D, 咁你响港鐵鬧D大陸遊客唔守規矩時, 唔會俾人寸你普通話好差囉。

krw

s.andp 發表於 16-8-1 04:30
普廣在詞匯丶語法丶發音當然有分別，是否很大分別？不見得，因為小朋友會從中文書丶圖書中學會書面詞，這會 ...

你假設咗小朋友已經識好多中文字 幼稚園又教到佢哋識講識聽普通話咁已經唔係分唔分別嘅問題 而係將中文讀寫 同普通話聽說融合
咁小朋友當然唔駛好聰明都冇大問題

但係如果小朋友父母同一般香港人一樣 平時以廣東話為主 中英夾雜
讀寫程度未去到可以自己睇故事書
普通話就係另一個語言

除非你講梗嘅相似係話英文法文 或者英文德文嗰種似
譬如 英文法文都叫巴士做bus 火車做train 讀音都可以話相近
但係如果你未學過 你聽到個法文bus 你係唔會知佢講嘅係bus

所以好多小朋友係要重新學過
唔係唔得 小朋友pick up一個完全無關係嘅外語都得

boyboobee

原帖由 kwokbobo 於 16-08-01 發表
我知道聽和講，小朋友都應該好快適應，但認讀要重新學過，咪要好花時間要佢記住一個字有粵和普的讀音？



  ...

好多書在中文字上寫上拼音的，我女兒先學英文，懂簡單拼音，學普通話時經常靠看拼音去讀字，然後慢慢我會遮住D拼音去考佢，漸漸會記得。至於粵音，同一遍文，我亦會在佢熟悉普通話後，又用廣東話同佢讀，到熟悉後，兩種發音都會記得的。

neko1234

我地屋企係全廣東話, 讀任何中文繪本都係廣東話( 我自己唔識普通話), 小朋友幼稚園時係英粵班, 佢K1~K2時, 英文能力仲係浸緊, 佢睇DVD會揀普通話版, 話聽得明, 英文反而聽唔明 (其實我買來比佢聽英文)....佢一直到而家, 睇peppa pig都會揀普通話版, 唔知係咪咁聽左幾年, 佢上小一後, 適應普教中係無問題..(連溫默書都係我讀廣東話, 佢自己錄音都好多時錄廣東話, 佢自己識轉台)

普通話, 只係幼稚園一星期二堂, 加上上小一前的暑假, 先開始學左幾堂普通話拼音(而家學左一年, 普通話老師話佢拼讀差唔多追返同班程度).....所以學語言, 聽說讀寫, 真係比較需要花時間係聽呢一方面..

不過我仔學校, 行普教中得來, 普通話又獨立一科, 中文科唔會考普通話拼讀之類的..咁普通話/ 拼音唔識, 都唔太影響中文科成績

tantanmama

建議你一知道將入讀的小學係普教中後立即學定拼音先. 學拼音時已有認讀, 唔洗小一先由頭學. 而且, 中文教科書有普通話拼音的, 如佢學識咗拼音, 大部份字可自己拼讀, 唔洗死記. 我女小一粵教中, 新生字反而仲要死記讀音.  

kwokbobo

原帖由 boyboobee 於 16-08-01 發表
小朋友學習能力好強，無需擔憂，佢地最大動力係玩，如果其他小朋友都用普通話，為了融入其他小朋友的遊戲圈 ...

我知道聽和講，小朋友都應該好快適應，但認讀要重新學過，咪要好花時間要佢記住一個字有粵和普的讀音？

boyboobee

小朋友學習能力好強，無需擔憂，佢地最大動力係玩，如果其他小朋友都用普通話，為了融入其他小朋友的遊戲圈，唔識都變識。我大女兒2歲半前只會英文，之後先學中文，返學幾個月已經冇問題，到3歲幾已經廣、普都可聽講。學校有同齡人一起，又有環境，適應唔難的，而且小學一般假設所有學生未學過普通話咁去從零開始教的。

lui

原帖由 kwokbobo 於 16-08-01 發表
佢普通話聽得明簡單對答，但講就好明顯唔多正果種，佢其他中丶英都不錯，但一用普通話問佢就無心機彩我



  ...

學校有芬圍會好d

kwokbobo

原帖由 krw 於 16-08-01 發表
唔同意2 廣普分別好大 發音同grammar都唔同 exposure少根本就唔會明我嘅小朋友就淨係識學校教咗嗰啲
平時 ...

我自己好唔like普教中，我自己想揀粵教中再加一科普通話，但有時未必到我揀，如果學校可以比家長選擇就好

MASAYA

s.andp 發表於 16-8-1 04:33
我媽咪幾十歲阿毛一個，無學過英文及普通話，工作上可以跟大陸同事順利溝通，但鬼佬就限於good morning, he ...

想請教，冇學過英文同普通話，工作上可以同大陸同事順利溝通，同西人就唔得，咁學普通話既意義係？

kwokbobo

原帖由 lui 於 16-08-01 發表
建議你問有小朋友讀緊小學的人問下。我小朋友是中學生了。記得他幼稚園也是廣東話。那些少少普通話冇乜用。 ...

佢普通話聽得明簡單對答，但講就好明顯唔多正果種，佢其他中丶英都不錯，但一用普通話問佢就無心機彩我

kwokbobo

原帖由 s.andp 於 16-08-01 發表
普廣在詞匯丶語法丶發音當然有分別，是否很大分別？不見得，因為小朋友會從中文書丶圖書中學會書面詞，這會 ...

我不想普教中，想揀粵教中，但有時唔到我揀

lui

原帖由 s.andp 於 16-08-01 發表
我媽咪幾十歲阿毛一個，無學過英文及普通話，工作上可以跟大陸同事順利溝通，但鬼佬就限於good morning, he ...

因為你媽工作了幾十年累積經驗了。他們現在是談及以普通話學習中文，然後被評估，都唔一樣。