一件不愉快的二手書買賣

金毛B媽

小兒今年升中一， 第一次買二手書， 在 ek 識了一位師兄媽媽，因為當時師兄媽媽說她兒子好少用， 超新， 所以半價賣俾我， 但大家交收地方好難夾， 所以叫了朋友同我交收， 但今晚睇到其中一本grammar 書， 大部分用鉛筆做了， 但都唔少用鉛子筆做了， 還用紅筆改埋， 當初我有問是否新一樣， 她說超新， 所以我信了， 後來交收完， 睇番本書後， 再同番師兄媽媽說， 她就說沒有講過新， 話買舊書係咁。。。我真係好失望， 她完全唔講道理， 我都知買賣我無叫朋友 check, 是我疏忽，因為無諗過師兄媽媽會欺騙我

我都打算， 算了， 不過只係好難受才出這個 post,

16-7-28 23:01 上傳

下載附件 (36.89 KB)

Chunyan

我都有買二手書的經驗，好壞都試過，有d人為左十元這欺騙人，好過份

我有一次有一c9仲帶埋個女來，仲要20元一本，其實本習作花晒，根本沒用，網上仲話有8成新，好過分

sisimama

難得阿女學校學生會年年有賣舊書活動,讚!

Charlotte_mom

樓主, 如果明知要寫嘅, 我會叫佢影晒所有寫左/原字筆寫左, 費事爭拗, 每個人把呎唔同, 我見過有D甩皮甩骨都夠膽過9成新....
練習我會寫全新至買, 無就寧願自己去書店買了

今年買舊書, 除左EK, YAHOO, 我仲去左:
檸檬書店 (旺角)
精神書局 (北角/西環)
今年懶去藍田, 往年有去滙景搵

檸檬我唔太鐘意(有人話可以打去問左先), 樓下部LIFT等到火滾, 上又等幾轉落又等幾轉, 以為佢好大間, 原來勁細, 我兩張書單佢得一本, 車錢都蝕埋
精神我去北角, 要讚讚職員, 好好心機同我搵, 又幫我對過晒岩版, 又幫我問西環分店, 最感激我想搵數學書包嘅一本練習 (搏下有無學校無做過), 職員話無, 但提我自己打去出版商問可能有散賣, 結果真係有, 仲只係十幾蚊, 我好開心!

tsangnamnam

其實好難問盡所有問題。
有次我買舊書，問有冇損毀劃花，對方話冇。
但本書返來時佢撕走了封面小朋友嘅名字貼，底部白色嘅紙都露了出來。我看著破損的封面，問佢，佢仲話：舊書係咁，what do you expect? (不過果啲係圖書，唔係教科書) 當我知道佢嘅反應，我確係無奈的。
很同情你的遭遇。

杰杰媽媽

其實下次買書可以叫佢影指定幾頁俾你睇，咁就可以知道本書花唔花，唔好任佢揀，你定page ,仲有所有書交收一定要當面睇清楚先好交收，唔好貪快／方便放低錢即刻走人，話你知，有人會cut 走最花個幾頁，等你check 既時候唔覺，以為好新，所以要由頂／底睇下骨位有冇缺頁（最後： grammer book /workbook 幾新都好都一定要買新書）

Kittymummy

買二手書少不免會寫過，exercise 更加。但大家交收時買家亦有責任去check 先決定要吾要。因為大家對新淨既定義也不同。

chun媽

學X書店，好!我大仔初中3年都應在此買中英數，好新淨!舊書3-4折，抵!只是書種唔齊，我會多買一套數學書留在家中，好讓佢書包無咁重。今年佢升F.4,就打算全用新書

Babyeddie

其實同門師兄弟妹。可以溝通下。而且約交收一定要親自去，以防誤會，你靠朋友交收，朋友未必明你要求

Rattie

原帖由 CrabPincers 於 16-08-02 發表
如果二折賣出，我寧願叫女丟左去算，又要約交收，重到死，為乜？

我女送左好多past paper同舊ex比師妹，拉 ...

賣比c妹幾多折都冇所謂啦，總好過就咁掉咗去，好肉赤吖。試過捐舊書一樣要分兩次抬去

optman88

我個仔啲表哥姐比個啲二手書，問題答咗個啲，我用 laser printer print 落 label sticker paper， 剪返黏落去，基本上全部用得返，螢光筆同寫咗解釋啲，唔駛搞都 ok

CrabPincers

原帖由 Rattie 於 16-07-31 發表
我女好鍾意 highlight d 書嘅重點，唔同顏色代表唔同意思，花到九彩。佢賣舊書比c妹時 d c妹係特登揀要有 h ...

如果二折賣出，我寧願叫女丟左去算，又要約交收，重到死，為乜？

我女送左好多past paper同舊ex比師妹，拉到車仔轆都甩埋

kytam

其實買舊書冇花真係冇可能，加上Grammar 練習無可能冇做過罷？既然對方肯退錢就唔好話人地欺騙，因為騙子係唔會理你，唔會比番錢你。

brother4

婆說婆有理，公說公有理，對方在隔隣也呻，有字果本圖上有3xx頁，有16頁是原子筆做，30页是鉛筆做。另佢買4本送多一本，5折算平，二手價錢合計理算低，見樓主不愉快現佢買番曬的書，事件告一段落。

洋蔥頭媽咪

初中書一般賣3-5折，越新越冇筆跡就會貴少少。
高中書折扣會再少d，一般高中書要 keep至考完 dse，而且書商又經常改版，加幾頁紙張就改版迫家長買新，所以要買倒新淨靚仔嘅書就未必會平太多。

Rattie

我女好鍾意 highlight d 書嘅重點，唔同顏色代表唔同意思，花到九彩。佢賣舊書比c妹時 d c妹係特登揀要有 highlight 至買，四折賣出無難度

Unclejt

其實用鉛筆做都唔容易擦，好多時擦咗都仲睇到答案。

lilylily107

learn a lesson

金毛B媽

回覆 palmchristy 的帖子

我都投降.......

palmchristy

我女當年問師兄攞, 後來師兄今年問佢要唔要, 又攞到.  攞唔到的至買.

出面街舊書都係賣4-5折 (學友超平), 我地當面選到真係好新先買. 個家長五折賣做過咁多的俾你, 佢仲大條道理, 真係唔知講乜好.